Thursday, April 17, 2008

نحن .... والفتنة

نحن تشير إلينا المسلمين
والفتنة تشير إلى الفيلم القصير الذى انتجه هولندى يدعى "جريت فيلدرز"


فقد وجدت الكثير من المقالات تدعو لمقاطعة بضائع هولندا..... وأنصروا الإسلام أيها المسلمون
وأنصروا الرسول وهذة العبارات الرنانة وكَثر الصخب حول هذة المواضيع



أولا بكل الفخر أنا مع أى إنسان ينصر الرسول الكريم عليه صلوات الله وتسليمه
ومع مقاطعة كل البشر إن أساءوا هم إليه....... ولكن



عندما قام رسام الكاريكاتير الدانماركى برسم الصور المهينه للرسول الكريم كنت مع المقاطعة
لأن دولته قالت إنها حرية أن يسىء إلينا وإلى رسولنا المصطفى صلى الله عليه وسلم ولم تردعه ولم تمنعه او حتى تقول أنه أخطىء


اما ذلك المدعو" جريت" فقد قامت دولته بالأتى
قال رئيس الوزراء" جان بيتر" أنهم رفضوا عرض هذا الفيلم تماما ولا يعنيهم كون هذا الرجل عضوا فى البرلمان
فهو لا يمثل رأى الحكومة
وقد عرض فيلمه فى موقع على الانترنت ...... فما علاقة هولندا ومنتجاتها بهذا


وإن كنت أرى فى الاساس ان هذة المنتجات لا نستخدمها إلا ثلاث او اربع فقط منها وكلها اشياء ثانوية لا تستخدم الا كل حين كنوع من انواع الرفاهية
وارى ان المواطن المصرى البسيط لا يستخدم منها الا نوعا ان سمحت له الظروف لذلك او نوعين
فهل هذة مقاطعه لا والف لا
لانها اولا لم تبنى على اساس سليم
لان الرجل صاحب الفيلم الذى حرف فيه بعض آيات القرأن قالت حكومة دولته انها ضده
وليعلم الجميع انا لا يعنينى شىء فى المدافعه عن هولندا او غيرها
كل ما فى الامر انى اريد ان نفكر قبل ان نتخذ خطوات نحو مواقف



فقبل ان نسال عن اساءتهم هل حافظنا نحن على ما قاله رسولنا الكريم
لا والف لا فانى ارى اناس يقولون المقاطعة لنصرة الرسول منذ ايام مقاطعة الدانمارك الناجحة والمبنيه على اسس صحيحة ومبدء سليم فى معاقبة دولة بمقاطعتها اقتصاديا لانتهاكها حقوقنا
بل ادت هذة الرسومات الى انتشار اكبر للدين


ولكن فلننظر لانفسنا اولا هل نفعل ما امرنا به سيدنا محمد صلى الله عليه وسلم
فلو اننا عملنا باوامره لما جعلنا انفسنا محط هذة الافعال ولا قام احد بتشويه صورتنا لاننا سنكون اقوياء لا تكسر شوكتنا

ولكن موقف الدانمارك كان موقفا قويا منا واحيينا عليه واتمنى لو نقف نحن تجاه ديننا وقفه قوية ونلتزم بتعاليمه

وندرس السيرة النبوية بتمعن
ونرى كيف كان رسولنا يعامل من يسىء اليه كيف كان يرد الاساءة بالحسنى فدينه دين سمح لا يسىء الى المسىء ويجازى المحسن فهو دين سمح يدعو الى التسامح والمحبة لا الى العداوة ولا ان نقابل الاساءة بالاساءة فورا
ولكن ان اصر جاحد او جاهل على الاساءة الينا فهنا يكون ردنا وبكل عنف وقسوة
فلو كانت الاساءة كلاميه نرد عليها وانا زادت الى القتال فالقتال
ومثال الدانمارك خير شاهد
واخيرا فلينظر كما قلت كل منا ويرى هل بداخله حقا تعاليم الرسول الحنيفه ويطبقها ام ندافع فقط عنه كلاما ولا فعل منا تجاه اوامره وتنفيذها كمسلمين نؤدى ما امرنا به

37 comments:

Anonymous said...

اولا دي اول زيارة ليه في مدونتك والزيارة دي اساسها اني بحب علم النفس قوي، ثانيا انا متفق معاك ان احنا ضيعنا كتير من ديننا الحنيف ودي هي النتيجه وكمان انا دائما ضد العنف بفضل دايما النقاش والحوار

تحياتي

Anonymous said...

yahia

شكرا لمرورك ويارب ما تكونش الاخيرة
بس اية علاقتى بعلم النفس
طبعا الحوار افضل والعنف فى الاخر لما يكون فى عنف حقيقى موجه لينا
تحياتى

Anonymous said...

كيفك يا دكتور

أنا متفق معاك جدا في كل اللي أنتا قولته

وأهانة الرسول هيا في الاصل أهانه لينا

قال تعالي (والله يعصمك من الناس) وقال أيضا (أنا كفيناك المستهزئين)
وصدق الله عز وجل

خالص تحياتي

Anonymous said...

اللهم استخدمنا لنصرة دينك

Anonymous said...

متفق معاك تماما يا دكتور

احنا عملنا ايه لنصرة رسولنا المظاهرات والمقاطعه والكلام الفارغ ده انسي

انا بقصد انت وانت قاعد كم مره بتصلي فيها عالنبي ؟

هل دائما شايف الرسول وربنا قدامك في اي عمل بتعمله

العيب فينا نحن ابتعدنا عن كتاب الله وسنة رسوله فاذلنا الله للي يسوي واللي ميسواش

وان الله لا يغير ما بقوم حتي يغيروا ما بانفسهم

وزي ما حضرتك قلت المنتجات دي تسعين في الميه من الشعب المصري تحت مستوي الفقر احنا اساس مش عارفين نجيب العيش يبقي هندور عالحاجات دي ازاي

عاوزين افعال مش كلام لا يودي ولا يجيب

انصر الله ينصرك

Anonymous said...

هو موضوع المقاطعة رغم انا شايفة انه بيحصل كده عمال على بكال دون دراسة و استناد على وسيلة لا أثرت فى الناس و لا حتأثر و مش عازين نفكر فى طريقة أقوى من كدة ترجلعنا و لو جزء من كرامة اهدرناها بادينا

انا لا ألوم الغرب فى الشئ

خالص تحياتى

Anonymous said...

عزيزى طبيب.....
عندما ننظر الى الغرب ارى اسلام بلا مسلمين
وعندما انظر الى الشرق عبده الله _المفروض_ محبين الاسلام
نرى مسلمين بلا اسلام
رحمنا الله برحمته واعاد للاسلام مجده

Anonymous said...

عندك حق ياأجمل دكتور نشوف نفسنا الاول هل حافظنا على سنة رسولنا المصطفى ؟
لااله إلا أنت سبحانك إنا كنا من الظالمين

Anonymous said...

alshared

انا تمام يا باشا المهم انت عامل اية


monaliza

امين يارب العالمين



dr mody

اكيد العيب فينا اولا ولازم كل واحد يبص لنفسه ويصلحها الاول قبل ما يطلب من ناس تانية انها تلتزم وهى مش مسلمه اساسا



عاليا حليم

طبعا دراسة الشىء مهمه قبل تنفيذه لكن احنا اتعودنا على عدم التفكير وسايبين كل امورنا ماشيه كدا
نلوم نفسنا اولا عشان نقدر نلوم الغير بعد كدا



صحفية روشة

يارب يجى اليوم اللى نشوف فيه مسلمين باسلام حسن



غير معرف

ربنا يهدينا جميعا
شكرا لمرورك

Anonymous said...

انا مش هيجنننىىىى

غير حاجه واحده

هو سلاح المقاطعه ده ليه مش فتاك

مقاطعه وقطعناهم

ادب وع كل الجرايد شردناهم

اميلات وبعتناهمم

نعمللللللل ايه

حسبنا الله ونعم الوكيل

Anonymous said...

البنوتة الدكتورة الجدعة

مش فتاك عشان احنا مابقاش لينا صوت من زمان بسبب عمايلنا وعدم التزامنا الصح فلما عصينا ربنا حصلنا كدا
وصدق الرسول الكريم حين قال
( توشك أن تتداعى عليكم الأمم كما تتداعى الأكلة إلى قصعتهم ، قالوا: أمن قلة يومئذ يارسول الله ؟ قال: لا ، بل كثره ولكن غثاء كغثاء السيل ، ينزع الله من قلب عدوكم المهابة منكم ، ويلقي في قلوبكم الوهن ، قالوا : ماالوهن يارسول الله ؟ قال : " الوهن: حب الدنيا وكراهية الموات "

Anonymous said...

تحياتى لك ....وشكرا على مرورك

Anonymous said...

انا اللي بيغيظني فعلا ان اغلب البضائع دي ما بيشتريهاش الا فئة معينة وللاسف ان اللي بيوصلهم الكلام عن المقاطعة هي الفئة اللي يمكن تكون ما تعرفش اسامي البضائع دي اصلا

موضوع المقاطعة والرد علي الرسوم المسيئة انا قلت رايي فيه كتير قبل كدة نقاطع اوك لكن نرد عليهم ونحاول نفهمهم هنفهم مين اصلا وهم اساسا اغلبهم غير مؤمنين صم بكم عمي لا يعقلون
كاننا بندن في مالطة

Anonymous said...

قبل مانقاطع
اولا مفروض نقوى انتاجنا
وننتج السلع التى نعتمد على الغرب فيها مثل الانسولين
وبعد كده نعمل اللى عايزينه
انشاله نقاطع العالم كله

Anonymous said...

gannah

شكرا ليكى



سنوو

ماهو زى ماقولت الحاجات دى احنا مش بنشتريها اصلا
بس انا مش معاكى فى حته مش نتكلم ونفهم لان ده اللى المفروض نعمله اه صم وبكم زى ما القرأن قال بس مش كل الناس والا ماكنش حد اهتدى بالرسول عليه الصلاة والسلام
تحياتى



عبده الرايق

طبعا ماهو دى المشكلة ان انتاجنا معدوم فمش نقدر نقاطع بجد لازم نبقى اقوى عشان يبقى لينا كلمة
شرفتنى زيارتك

Anonymous said...

أحنا لو نفذنا تعاليم ديننا هانبقي أحسن دعاية لإسلامنا بس للأسف بلادنا إسلامية من غير إسلام

Anonymous said...

هناك وقت للنقاش والحوار وبعدها ممكن يبقى فيه رد فعل اذا لم يتخذوا هما رد الفعل ده فى وجهه نظرى النونو

Anonymous said...

بجد انا مبهورة بالبوست
والله تحدثت فصدقت
لانى اكتر حاجه بكرهها الشعارات الرنانة اللى ملهاش اى موقع من الاعراب
احنا اللى شوهنا صورة الديت بفعالنا وتصرفاتنا
تلاقى المسلم بيكدب وبيهرب غيره امال برج التجارة ده ايه وتفجيرات الازهر دى ايه ... المقاطعه مش حل الحل زى ما شوهنا صورتنا بايدينا المفروض نحسنها برضه بايدنا

Anonymous said...

اول مرة هطلب زيارة محتاجه جدا جدا اجابات على البوست الاخير بمدونتى
شكرا

Anonymous said...

المفقوعة مرارتها

اكيد طبعا بس احنا مش بقينا ننفذ حاجة الا من رحم ربى




apppy

انا المشكلة انى شوفت اميل رد من الوزارة بيقول انهم مش متفقين معاه وبرضوة مفيش فايده
شرفتى ونورتى ياست الكل



desert cat

والله هى دى المشكلة كلنا شعارات شعارات ومفيش عمل وحل لمشاكلنا يعنى يقولوا الاسلام هو الحل طيب ومين قال اننا كفره مثلا المفروض نقول اتباع تعاليم الاسلام هو الحل بس تقولى مين ناس دماغها مريحاها
تحياتى



صحفية روشة

عينيا تم التنفيذ

Anonymous said...

عندك حق في اللي قولتيه المسلمين دلوقتي خدوا علي الأنتخة بقينا زي الأغنية الشهيرة
كلام كلام كلام .. مابخدش منك غير كلام
اه الأسلام ما اعظمه من دين لو كان له رجال
تقبلي مروري

ممكن لو سمحتي تشيلي تأكيد الكلمة عند التعليق

Anonymous said...

انا اسف انااعتقدت انك دكتورة مؤنثة
اسف يا دكتور انت طبعا راجل وسيد الرجالة كمان
اسف مرة تانية

Anonymous said...

mostafarayan

اكيد الاسلام الان يحتاج الى رجالات بقلوب جديدة وافكارة سديدة
واعتزارك مقبول يافندم
تحياتى

Anonymous said...

يا دكتور انا مش لاقيه كلام اقوله...
بعد كل اللى قلته و كل التعيقات ...وتعليقاتك على التعليقات.....
عارف لما يكون فى رأى فى راسك و كلام كتير و فجأه تلاقيه هوه بالظبط طالع من حد تانى..........بتقوله ايه ساعتها............
ينصر دينك يا شيخ اهو هوه ده الكلام

Anonymous said...

السلام عليكم
دي اول زيارة ليا عندك يا دكتور
وان شاء الله مش تكون الاخيرة
انا معاك طبعا اننا فلا ضيعنا الدين والسنة وضيعنا هويتنا الاسلامية العربية
احنا فعلا لازم نغير من انفسنا الاول قبل ما نجيب اللوم على الجهه الاخري
بسم الله الرحمن الرحيم
"إن الله لا يغير ما بقوم حتى يغيروا ما بأنفسهم"
صدق الله العظيم
تحياتي بوست جميل جدا

Anonymous said...

عزيزى

معلش انا حبيت اوريك حقيقة قطة

واظن انك اكيد هتتصدم من الكلام اللى هتشوفه

بس الحقيقه دايمن بتصدم

خش المدونه وهتعرف

سلام

Anonymous said...

واحدة مفروسة

ساعات كتير ارئنا بتتفق كبشر فى مواضيع وبنختلف فى مواضيع تانية
ربنا يهدينا يارب
تحياتى



alexandrany

اهلا بيك فى المدونة دايما
قول يارب يهدى كل المسلمين ويلتزموا بالاسلام الصح
تحياتى



انا مش موافق

الحقيقة انا مش موافق لانى مش فاهم حاجة اولا
وثانيا مش باحب ادخل فى مهاترات مليش دخل فيها او ملهاش لزمة
لان مش هنقعد كل واحد فينا مش عاجبه التانى نعمل عليه بوست
اللى مش عاجبه حد مش يقراله وخلاص ليه وجع الدماغ انا مش عارف الموضوع اوى بس ممكن تكون انت شايف من اتجاة غلط
والله اعلم

Anonymous said...

وفييييييييييت وكفيييييت الصراحه

مش لاقيه رد بعد الكلام ده

تحياتى

Anonymous said...

د/اجدع بنوته

شكرا ليكى
وتحياتى

Anonymous said...

أول تعليق ليا هنا يا دكتور بحيك علي مواضيعك المتميزه دايما .
بس احب اضيف نقطه ان اذا كانت علي المقاطعه فا ده السلاح الوحيد اللي في ادينا واذا كان اننا مبنشتريش المنتجات ديه فلا بنشتريها وبنشتريها كتير كمان اذا كنا فعلا ظروفنا صعبه الا اننابنموت في الفشخره والمظاهر الكدابه
أنا اعرف ان فعلا سلاح المقاطعه ده جاب نتيجه حلوه اوي فليه لا نكمله وعلي الله يجيب نتيجه ربنا يسترها علينا بقي كلنا ان شاءالله
تحياتي ليك مره تانيه وبجد موضوع هايل
ربنا يكتر من امثالك
سلام

Anonymous said...

أول زياره ليا
كويس انها جت في الموضوع الحلو داااااااا
والله انا تعبت بقاااا
كل شويه يطلع واحد من اي خرابه يحارب الاسلام والمسلمين
هو ما فيش الا المسلمين
ليه ما يبقاش عندنا الرد
ومنخافش الا من الواحد الاحد

سيبك انتي موضوع هايل وعرض كويس
سعيد بزياره المدونة واتمني تعدي تاخديلك فنجان قهوه في مدونتي


تحياتي

Anonymous said...

يوميات فنانة مفروسة

شكرا لتعليقك
بس انا مش معترض ان احنا نقاطعهم لاسائتهم بس انا كنت باقول نغير نفسنا عشان مانبقاش عرضة دايما لكدا وعشان نبقى اقوى وقبل ما نقاطع نفكر هنقاطع ازاى واية
واسمحيلى مع اننا بنحب الفشخرة اه بس صدقى محدش بيستخدمها
تحياتى



dr.mohamed gohary

كويس حد حلو زيك يعلق عندى
بيطلع كل شوية واحد لان احنا ضعاف من زمان ولازم نبقى اقوى
بالمناسبة انا مش بنت اوك
سلام

Anonymous said...

اعتقد انك لخصت كل حاجه في اخر جزء
بجد اعجبتني جدا طريقة تفكيرك
تحياتي

Anonymous said...

يا دكتور
ليك تاج عندي علي المدونة يا ريت تقبله

Anonymous said...

ربنا يستخدمنا لنصرة دينه ويوفقنا جميعل للي فيه الصالح

Anonymous said...

اول زيارة جيت لقيت بوست فظيع
قلت اشوفه لقيت بيقول شىء مريع
قمت قريته و كان كلامه كله بديع
ده كلام ميطلعش غير من حد قلبه مطيع
عقلك شغال تمام و بتفكر صح
و التعليقات كمان كان نص كلامها صح
و النص الغلط انت اللى صححته لهم
"معلش بس جت ف دماغى فكتبتها"
رايى فى الموضوع موجود فى الشيء اللى فوق ده بس انا كنت عايزة اضم رايي لرايك و اقول ان فيه ناس كتير بتسمع و بتتكلم السنة اللى قبل اللى فاتت يوم كسوف الشمس انا كنت فى السلوم و قابلت ناس من الدانمارك و كانوا مستغربين م اللى شافوه لانهم كانوا متوقعين اننا لسه بنستعمل الجمل كوسيلة للمواصلات و نستعمل الخنجر و السيف فى القتالو نرتدى العمامات و لا نستطيع الانجليزية و لا الفرنسية بس لما اتكلمنا معاهم و عرفناهم مين احنا و مين رسولنا و ديننا عامل ازاى و بيدعوا لايه وعدوا انهم يوصلوا صوتنا للناس مش للحكومة لان راي الحكومة احنا عارفينه و دى وجهة نظرى كمان احنا يوم ما نقاطع الدانمارك و هولندا العيانين اللى دواهم بيجيلهم من هناك بس يعملوا ايه مينفعش نقاطع عشان نقاطع لازم يبقى عندنا القدرة على الاستمرار فى المقاطعة باننا نصنع منتج افضل من منتجاتهم و بتكلفة اقل "طبعا فى ظل ازمة رغيف العيش مش ممكن " انا مش ضد المقاطعة انا ضد المقاطعة غير محسوبة العواقب
شكرا لسعة صدرك و قدرتك على قراءة كل ما كتبت و لكنها فقط وجهة نظرى

Anonymous said...

wael

شكرا يا باشا



whispers

اللهم انصر الاسلام المسلمين واعز بفضلك كلمةتى الحق والدين



سنووايت

تم التنفيذ



daydreaming

امين يارب العالمين



anonimous

شكرا على الكلام الحلو وزى ما انت قولت ان المقاطعة تكون لما احنا نكون اقوياء
تحياتى