Friday, February 13, 2009

كل سنة وانتى وانا طيبين

كل سنة وانتى طيبة اقولها للمدونة قد تكون شىء لا يشعر
ولكنى اشعر انا بها
مر عام منذ اقتحامى لهذا العالم عالم التدوين
قد تكون الصدفة ان بداية المدونة بالقرب من يوم الحب لتعبر عن حبى لكل من يدخل هنا او ادخل انا عنده
هذا الحب والترابط دون أن نرى بعضنا ولكنه ترابط حقيقى وغير كاذب مثل كثير من الآشياء فى زمننا هذا
مر عام ومرت بى أشياء كثيرة منها المفرح ومنها المحزن
قد تكون الفترة الأخيرة فترة صعبة لى وربما للمدونة فهى تعانى مثلى أظنها كذلك
ولكن لا أعتقد أننى استطيع ان اغلقها حتى وإن كنت لن أضيف جديد
فقد أصبحت أشعر أنها شىء أساسى فى حياتى
ويهيأ لى أن الجميع مثلى
هذا العالم التدوينى الذى يربطنا يجعل منا كيان متحد معظم الأوقات حتى وان اختلفنا فهذا ماأراه دوما إلا قليلا
وأعتقد انه مجال جيد لاكتساب خبرات الاخرين ومعرفتهم ومشاركة الرأى
وأيضا التوجه نحو أهداف لها قيمة وما الى ذلك
وفى النهاية
فكل عام وأنتى طيبة مدونتى
وكل عام وأنتم طيبين وأتمنى أن يسود بين الناس جميعا الحب والود
واهديكم اغنية الليلة دى
الليلة دى سبنى أقول واحبك فيك وانسى كل الدنيا دى وغمض عينيك
ده انت نور حياتى عمرى كل أملى شوق الدنيا كله مش كتير عليك
والله كل حاجة فيا بتناديلك أيوة كل حاجة فيه بتناديك
قالوا ياما ان القمر عالى وبعدي والملايكة مستحيل تلمسها ايد
وانا الليلة ديه كل ده فى ايديا يمكن فى الدنيا دى أنا الوحيد
والله كل حاجة فيا بتناديلك أيوة كل حاجة فيه بتناديك

40 comments:

Empress appy said...

كل سنه وانت وهي بخير يا رب دايما وحلو اللوك الجديد ولو عاوز تغير كمان انزل تحت فى الصفحه بتاعتى فى الكوكب هتلاقى باورد باي
اضغط هتوديك موقع فيه حاجات فيري زي بتاعتى اضغط على اللى تعجبك وخد الاتش تى منها
وتعالى فى السيتنج عندك وحطها هتغير الشكل
وتبقى لوك جديد لمدونتك ومدلع
كل سنه وانتم كلكم فى حب

Kiara said...

كووووووووووووووول سنه وانت وهي طيبة

وان شاء الله يكون التدوين مؤثر فيك بشكل جيد ويفيدك وتفيده

alshared said...

كل سنه وأنتا معانا يارب

وهابي فالانتين داي

بس أنا ليه عتاب عليك يا صاحبي

بقي أجي أدخل المدونه الاقيك قفلتها

طيب ينفع الكلام ده

أنا كنت هايأس
يبقي أنتا وفارس بلا جواد ورا بعض كده

بصراحه أنا زعلت جدا

عموما عودا حميد للتدوين يا دكتور

دمت بكل الود

أخوك طبعا

:)

Mafrousa said...

كل سنة و انت طيب و بخير
و كل سنة و انت محبوب و بتحب الناس كلها

yoyo said...

كل سنة وانت طيب
كل سنة وانت دايما معانا ومنورنا
كل سنة ومدونتك جميلة كالعادة

مش هاختلف معاك ان التدوين اصبح عالمنا وحياتنا اللى مش نقدر اننا نبعد عنه حتى لو فكرنا بيكون القرار صعب اوى انك تنفصل عن جزء منك

آه صحيح الف مبروك على النيو (بوك)هههههههه دا يا ريس مهندس الداكور ههههههههه بتاعك شاطر ايوه يا عم

كل عيد حب وانت طيب
كل سنة وانت معانا ربنا مش يحرمنا منك ابدا ابدا

تحياتى
أختك
يويو

زى الهوا said...

عوقبال 100 سنة ف التدوين إن شاء الله , وربنا يكتر من الفرح , بس مدونتك لسة بابى خالص , لسة سنة واحدة ياعينى

طوبه فضه وطوبه دهب said...

كل سنه وانت ومدونتك بكل خير وحب وسعاده نورت التدوين والتدوين نور بيك

wanna b a physician said...

appy


وانتى طيبة يافندم
ربنا ما يحرمنى ابدا منك انا نفذت التعليمات
وكل سنة وانتى محبوبه وحبوبه
يا اختى الكبيرة

wanna b a physician said...

كيــــــــــــارا

وانتى طيبة
يارب اتمنى ذلك

تحياتى

wanna b a physician said...

alshared

وانت طيب يا هندسة
لا ابدا ده اغلاق مؤقت بس مش تخاف

تحياتى
اخوك

wanna b a physician said...

واحدة مفروسة

وانتى طيبة يارب
ويارب يديم علينا جميعا الحب والمودة

تحياتى

wanna b a physician said...

yoyo

وكل سنة وانتى طيبة يارب يا اجمل يويو
وبرضوة منورانا كدا

شوفتى انفع مهندس داكور مش كدا

بس اصبرى عليا هاغير البوك تانى هههههههههه

وربنا ما يحرمنى منك ولا من كل الناس يارب


تحياتى

wanna b a physician said...

زى الهوا

100سنة يااااااااااه ربنا يدينا طوله العمر بقا والصحة


هههههههههههه اه بابى حلو وماله


تحياتى

wanna b a physician said...

طوبة ذهب وطوبة فضة


وانتى طيبة يافندم

متشكر اوى يا دكتره

aidy said...

كل سنة وانت وهى طيبين

وشكلها مدونة لذيذة

انا لسة هبدأ بقرائتها

أفتكر اننا جيران مدونين :D

وبجد بهنيك بعيد ميلاد المدونة لأنها بتخلق عالم جديد لصاحبها

وعيد الحب كمان

عيد حب سعيد

كفايـة طيبـة said...

كل سنة وحضرتك طيب يافندم

يارب كل يوم فى السنة اللى فاتت تكون استفدت منه وكل يوم فى اللى جاى ان شاء الله تستفيد منه من التدوين والعالم الخاص به

:)

wanna b a physician said...

aidy


وانتى طيبة ويارب يكون كان عيد حب سعيد عليكى

اما بقا جيران مدونين دى مش فهمت معناها
بس على كل حال شرفت طبعا يزيارتك

wanna b a physician said...

كفايـة طيبـة

وانتى طيبة يارب
ويارب الجميع يستفيد من وقته

تحياتى

اقصوصه said...

كل عام وانته والمدونه بالف خير

وعقبال عشرين سنه يا رب :)

daktara said...

كل سنه وانت والمدونة بألف خير
الجرائد القومية كلها بقت ارخص من حبر

شكلها باظت
انظر حولك
د. خالد عزب

Muna said...

دي قصة حب حقيقية بقى :) :)

كل سنة وعالم التدوين طيب ان فيه فرد مثلك يفتخر به هذا الكيان

طاب قلمك .. وتمنياتي بالتوفيق

Mafrousa said...

و الله و الله سقط سهوا و الله
انت عارف انا مقدرش انسى الناس اللى بحبهم
معلش فرستك صح؟؟؟
و الله مش مقصودة
بس كويس انك فكرتني
:(

تحياتي و تقبل اعذاري

wanna b a physician said...

اقصوصه

متشكر جدا
وشكرا للمرور الكريم

تحياتى

wanna b a physician said...

daktara

ربنا يكرمك

بس انا مش باقرا اصلا اى جرايد من زمان


تحياتى

wanna b a physician said...

فيــروز

متشكر جدا جدا والله
واهلا بيكى

تحياتى

wanna b a physician said...

واحدة مفروسة

يا فندم ولا يهمك بس انا قولت بقا مش ظاهر ولا ايه يمكن لبست طاقية الاخفى

عامة محصلش حاجة طبعا
وشكرا ليكى يا مفروسة

تحياااااتى

funckydoctor said...

كل ستة والمدونة بخير وانت كمان ان شاء الله
تحياتى

Asmaa mahaba said...

كل سنه ومدونتك طيبه
بلااااااااااااااااااش الاغنيه دى بالذات واسمعها منى نصيحه حتقلب معاك بغم اغنيه فقريه

موناليزا said...

كل سنة وانتوا طيبين
على فكرة مدونتى اكبر من مدونتك بيوم واحد:)

wanna b a physician said...

funckydoctor

وانت طيب يادكتره
شكرا لمرورك
تحياتى

wanna b a physician said...

سومه المجنونة

وانتى طيبة وبخير

هى فعلا اغنية نحس


هههههههههههههههههههههه

wanna b a physician said...

موناليزا


يافندم لمدونتى الشرف ان ميلادها يجاور ميلاد مدونتك


تحياتى

حسام غانم said...

كل سنة وانت والمدونة طيبين

Hossam said...

heyyyyyyyyyy was up man?
ايه الاخبار بقالى كتير اوى مش دخلت بس ادينى رجعت
كل سنة وانت بالف صحة وسلامة عشان المولد اولا ومدونتك اللى بجد حبتها صديقى واختيارك للاغنية فى محلة
تحياتى
سلام

wanna b a physician said...

حسام غانم

وانت طيب يا فندم
وشكرا للمرور

wanna b a physician said...

Hossam

حمدلله عالسلامة وتنور فى اى وقت

وانت بالف خير وسلامة وطيب



تحياتى

PrInCeSS BeRy said...

كل سنة وهية طيبة يارب تفضل احسن مدونة ان شاء الله

wanna b a physician said...

PrInCeSS BeRy


وانتى طيبة وشكرا لمرورك

تحياتى

شفـقــة و إحســــان said...

كل سنة وانت ومدونتك بخير
ويارب عقبال ما تتم الف سنة

wanna b a physician said...

شفقة هانم واحسان بك


وانتوا طيبين وبخير يارب