طبيب بلا سماعة

النظرة الاولى

2009-10-16T02:24:00.001+02:00

احبك منذ اللحظة الاولى = وتسائل الناس أتلك أشياء مقبوله

ان تحب احدهم وتحيا له = وكل ذلك بعد النظرة الاولى

فاجابتهم دقات قلبى احبك = فهى بحبك عن النبض مشغوله

وهل غير حبك شىء يشغلنى = وهل غيرك سيدتى أقبل معشوقه

نظرات عينيك أمواج بحر = يأخذنى للاعماق فاحيا وتلك اعجوبه

فهل بعد الغرق حياة لا موت = هذة معجزات حبك سيدتى المصونه

تسائل الناس فى عجب عما رأوا = فما رأوا من حسنك أعجب اسطوره

فى بلاد العشق ذهبت انقب عن = جوهرة للحب ووجدت حبيبتى المكنونه

كونى ظلال تحمينى من الشمس = سكنا يؤينى من ظلام الليالى المهجوره

كونى عطرا استنشقه فاسعد = صدرا يحمينى من ليال الشتاء المجنونه

كونى طريقا امشى فاعرف وجهتى = دليلا فى طرقات الحياة المجهوله

كونى نجما قطبيا اهتدى به = ويرشدنى فى ظلمات البحر الممدوده

سيدتى قلبى يعشقك وعقلى يحبك = واناملى تشتاق للمسه يدكى الحنونه

حتى جنونى يعشق جنونى فى حبك = وتلك سيدتى هى اغرب اسطوره

كيف الجنون يعرف انه جنون = وكيف يعشق الجنون الجنون بسهوله

القيت بالاقلام بعيدا وبالاوراق = فلا تكفي لوصفك كلمات مكتوبه

فحبك لا وصف له اميرة الحب = والحب دونك ميت والمشاعر مقتوله

والعشق تحت التراب يُنعى َ حبيبتى = فهل دونك حب أو اشواق مقبوله

لا شىء دونك يعرف الهوى = والهوى دونك خطاه حبيبتى مجنونه

حبيبتى حبى لكى غير الحياة = والحياة معكى بالسعادة أصبحت مملوءه

2009-09-20T18:44:00.004+02:00

زى الايام دى انا فاكر كنا بنتقابل ونقول ونعيد

زى الايام دى كنا بنتكلم عن بكرة وكأنه ده عيد

دلوقتى خلاص لو حتى بنتقابل صدفة بنبص بعيد

زى الايام دى انا فاكر كنا بنتقابل ونقول ونعيد
زى الايام دى كنا بنتكلم عن بكرة وكأنه ده عيد
دلوقتى خلاص لو حتى بنتقابل صدفة بنبص بعيد

موتنا حاجات عاشت فينا وياريت ناسيين

بنموت وبنضحك على روحنا ونقول عايشين

يظهر هنعيش اللى باقلنا على حس يومين

موتنا حاجات عاشت فينا وياريت ناسيين

بنموت وبنضحك على روحنا ونقول عايشين

يظهر هنعيش اللى باقلنا على حس يومين

لو كنت نسيتنى انا فاكرك لسه ومش عارف ازاى هانساك

واللى مطمنى قلبى بيحلفلى انك ليا ومحتاجلى معاك

وبجد كتير بقا بعد ماعشت معاك عمرى باحلم بلقاك

موتنا حاجات عاشت فينا وياريت ناسيين

بنموت وبنضحك على روحنا ونقول عايشين

يظهر هنعيش اللى باقلنا على حس يومين

2009-09-14T06:24:00.002+02:00

يارب ان عظمت ذنوبى كثرة

فلقد علمت بأن عفوك أعظم

إن كان لا يرجوك إلا محسن

فمن الذى يدعوا ويرجو الأثم

ادعوك ربى كما أمرت تضرعا

فا لإن رددت يدى فمن ذا يرحم

يـــــــــــــــــــــــــــــــــــــــارب

مالى إليك وسيلة إلا الرجا

وجميل عفوك ثم إنى مسلم

اخبرينى

2009-09-05T18:07:00.002+02:00

اولا كل سنة وكل الناس طيبة ولو انها متأخرة

وان كنت متأخر منذ فترة طويلة واظن ان ده سيستمر ولكن احاول الوجود ولكن ليس لدى جديد ليكتب

فلا ذهن لدى لتجميع كلام للكتابة رغم كثرة الاشياء والاحداث

ولكن بالنسبة لى كل شىء متوقف

لذلك هذة اعادة نشر لاحد المواضيع التى ربما لم يقرأها الكثير

تحياتى

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اريد ان اكون جواركِ
ولكنك تمنعينى
اريد ان احقق احلامكِ
ولكنك تخشينى
فماذا افعل بالله اخبرينى

انا المحب الذى ما فارق
الحب لحظة ايامى وسنينى
وانت ترحلى وتهجرينى
كيف بالله اخبرينى

اشعل النيران فى أصابعى
لعلكِ ترين موطنى فتأتينى
أقرع ألاف الأجراس
فهل معشوقتى تسمعينى

كيف فى البعد تعيشى
وكيف يعيش الحب
وكيف اعيش انا
ان كنتِ فارقتينى

يقولون نصفنا نقابله
مرة فى العمر وقابلتينى
فهل كان هذا حلم
اذا فلما بالله تقيظينى

اما كان هذا واقع
واخترتِ الرحيل وعذبتينى
هل تجدى فى البعد سلواكِ
اما فقط كنت تختبرينى

ان كان هذا قصدك
فانا اخلص المحبين فى الهوى
على عهد حبك باقى
حتى وان لم تحبينى

ايقظى قلبك ومشاعره
قبل فوات الاوان ونادينى
فستجدى قلب مهرول
فقابليه بحنان وعانقينى

فكم اشتقت لهذا العناق
فكم عناق من الناس لم يجدي
فان انتِ اتيتِ ستجدى
كم لهفتى لكِ وحنينى

اكتب بدمائى على الجدران
احبك بجنون وجنونى يحبك
والحب يعشق جنونى فيه
والعشق عنى اسأليه واتينى

الطيور حولى تبكى
واوراق الاشجار تسقط
حتى اصبحت لا أفرق
بين بكائهم وبكائى فكفكفينى

احملى قنديل احلامى وتعالى
فطريق الامل مظلم دونك
والنور فى غيبوبة دونك
ودونك لا اتحرك فآنيرى

صرخاتى فوق الجبال تصعد
وتعبر البحار والانهار وتركض
تناديكِ انا معك أسعد
فهل تسمعيها بالله اخبرينى

اليوم يومنا

2009-06-01T00:11:00.003+03:00

اليوم يومنا سيدتى فاسمعى منى النداء
وتذكرى احلامنا وليالى حبنا فى الشتاء
قد طال البعد ولكننى اراكى فى الانحاء
عطر لا يغيب عن أرضى يملء الأرجاء
هواء استنشقه فاحيا متجدد بلا انتهاء

طرقات اسير فيها فأرى كل الذكريات
ولا أرى أى شىء غيرك فأنتِ كل الكائنات
فى وجوه الناس أراكى تطلى بالضحكات
وعلى الأشجار أراك ِ طيور فوق الورقات
وفى السماء أراك ِ سحاب يحمل قطرات

فأخبرينى كيف فى البعد أنساك ِ لحظة
وأنا اذا نسيتك غبت عن الحياة فى لحظة
كيف للإنسان أن ينسى الحب و الفرحة
كيف للإنسان أن يحيا وحيدا فى غربة
بالله اخبرينى كيف أنساك ِ يا اجمل فرحة

اليوم يومنا ولا ادرى ان كنتى تذكرينى
اليوم يومنا وأنا احيا بأنفاسك فتنفسى لى
اليوم يومنا وفى الانحاء اسمع احتفالات
والطيور اقبلت فرحه تغرد احلى النغمات
وانتى بلا حراك لما ألا تحركك الذكريات

يا أميرة النساء النساء منك تغار
والكل يطلب حبا مثل حبك ليل نهار
وأنت صاحبه الحب غائبة عن الأنظار
ألا يعنيك ِ عذابى ودموع العين أنهار
ألا يبكيك ِ غيابى ؟ أتعيشى بلا مرار

أجيبى السائل هاجرتى فالهجر أحزان
أجيبى ولا تتركى ذكريات لطى نسيان
أقبلى وأشعلى قناديل الحب لتنير الوديان
أقبلى وضمينى اليكِ فبدونك لا مكان للحنان
أجيبى وأقبلى ولا تترددى يا أجمل إنسان

اليوم يومنا وكل الأيام لا تكفى احتفال
حتى فى البعد أحتفل والحب فى اشتعال
لهيب الحب يحرقنى فلا امتعض هذا محال
حبيبتى أشتاق إليك ِ شوق الأم للأطفال
أشتاق إليك ِ شوق العصفور للطيران

بعدك امتنعت عن كل أشياء الطفولة والجنون
و تغير طعم الموز فى فمى وعصير الليمون
وأصبحت أكره اليقظة واحب النوم بجنون
فكيف أسير فى أرض لا تجمع المحبين
اليوم يومنا فلا تتناسى بالله يا أم حنون

ملحوظة : اليوم هو يوم مميز بالنسبة لى وأصبح أكثر

حيث ان اليوم كانت أول سيدة أولدها ويخرج احدهم للحياة على يدى

واحساس رائع حقا

أحلام الصبيان

2009-05-10T16:46:00.001+03:00

أنتظرها كل يوم فى النافذة = وأقول اليوم هى لى عائده
ويطول إنتظارى ويمر الوقت = ولا تعود أبدا المحبوبه الغائبه
لا ينسينى الزمان هواها لحظة = وأرسم فى خيالى أحلام رائعه
وأتخيل البساتين تنتشر حولى = بعدما كانت أرضى قاحله
وأرى الألوان والأزهار أينعت = والربيع عاد فى لحظة واحده
كل ذلك أرسمه أمامى وأنا = أنتظر العودة للمحبوبه السابقه
وكل يوم يمر والقلب يخفق = نشوى حين يرى الشمس مشرقه
ويقول اليوم موعدها تعود = ويظل يمنى نفسه بمنى كاذبه
فهو يعلم منذ زمن بعيد = أنها لن تعود حتى دقيقة واحده
وكل ما نرسم أنا وهو خيالات = أحلام صبيان أحلام واهمه
يعيشون فيها حالمون بربيع = يأتى مزهرا بزهور جميله متفتحه
وتمر الأيام ويأتى الربيع = برياح تطيح بأحلام يا قلبى زائفه
ولكن ما بيدى شىء ولا أنا = قادر على نسيان تلك الهاجره
رعشات يدى نبضات قلبى = همسات شفتاى تصرخ قائله
الهوى ما عرفناه إلا معها = ليتها تعود تلك الأيام السابقه
حين كانت تمر اللحظات وأنا = مع المحبوبه فى الليالى الساهره
تمضى السنين والحنين رافضا = ترك القلب ودموع العين ساهده
حتى القمر والنجوم حتى الشمس = حزناء على والسحب بالدمع باكيه
حزنى ليس الحزن بمعناه ولا هو = كما عرفه الناس فى الأزمان الباليه
إنما هو لوعة من الإشتياق = فى القلب لا تهدأ دائما ثائره
ولكن كما قلتا يا قلبى انسى = تلك المحبوبه وتلك الأيام السابقه
فإن كل منانا منى خادعه = كأحلام الصبيان أحلام زائفه
ولكن ماذا تفعل وأنا أعرف = أننا لن ننسى تلك الحبيبه الهاجره

احنا الفرح

2009-04-30T14:12:00.002+03:00

احنا الفرح

الفرح فرحنا

ماحدش يفتكر ان ده اعلان فيلم الفرح العجيب ده وان ده ماجد الكدوانى بيقول احنا الفرح

لا ده اعلان من نوع اخر

اعلان عن فرح اخويا انهارده

يلا ربنا يهديهم بقا ويوفقهم ويبطلوا عته ياريت عشان المفروض ده بداية مشوارهم مع البيت الجديد وتكوين الاسرة

وعقبال الجميع

اشوفكم على خير

تاااااج

2009-04-19T16:45:00.001+02:00

إسمك ؟
أحمد

سنك ؟
أربعة وعشرين سنة وشهرين (ههههه) كبرت اوى مش كد

ا
مجال دراستك ؟
الطب

إسم مدونتك ؟
طبيب بلا سماعة

صورتك الرمزية فى المدونة بتعبر عن إيه؟
عن مجال عملى

هل فكرت فى إغلاق مدونتك؟ و السبب؟
فكرت وعملت كدا مرة
الأسباب تقدروا تقولوا اكتئاب مع احباط مع ممل مع عدم رغبة فى الحياة
وحاجات تانية

إيه رد فعلك لو حد قل أدبه عليك فى المدونة؟
من الآساس ما اعرفش حد قليل الأدب
وأسلم رد على السفيه انك مش ترد عليه وتنزل لمستواه

أسوأ مدونة دخلتها ؟

مش فاكر بس هى مدونة كانت بتغلط فى الإسلام واعلامه

هيحصل إيه للايميلات بعد ما تموت ؟
مش هيحصل حاجة هتفضل موجوده دون قراءة

إديت الباسورد لحد من قبل ؟
اه

السفر بالنسبة لك ؟
تجربة جديدة ليها عيوب ومميزات بس تستحق العناء

المود بتاعك إيه ؟
دلوقت متلخبط بس السائد حزن وكأبة

الأكلة المفضلة ؟
الكوسة ( ومحدش يفهمنى غلط

(

الصفات اللى اخدتها عن والدك ؟
الصفات اللى اخذتها عن والدتك ؟
اجابة السؤالين لا شىء لانى اتربيت بعيد عنهم

أكثر 6 حاجات بتكرههم ؟
الظلم
قلة الآدب
الحقد
السلبية
اهمال مشاعر الاخرين
أن تأخذ احدهم بذنب أخر

أكثر 6 حاجات بتحبهم ؟
الصراحة
اللون الأزرق
حب الناس
صوت الكروان
الوحده
العمل

شخصيتك نوعها ايه ؟
سؤال غريب اوى
نوعها فحلقى فاتح قال نوعها قال

لماذا دخلت عالم التدوين ؟
باب للصداقات وابداء الرأى ومعرفة اراء الأخرين

مجال واسع للمعرفة

أهمية التعليقات بالنسبة لك ؟
أهميتها لا تكمن فى جودة ما كتبت ولكن فى انه مازال هناك من يهتم بى ويسأل عنى

أحلى بوست كتبته مع لينك له والسبب؟؟
مفيش بوست معين لانى باحس انى مش باعرف اكتب اصلا

أفضل مدونة قرأتها ؟
أى حد من الناس اللى بادخل عندهم يبقوا افضل مدونة

أفضل بوست قرأته ؟

حاجات كتير مش هافتكر حاجة معينة

الشغل بالنسبة لك ؟
أهم شىء على الرغم من صعوبة لأنه بيتعامل مع أرواح الناس
ولما تحس ان فى عيان ممكن يموت منك لان مفيش حاجة تتعمله
بيبقى احساس مؤلم والواحد بيبدء يحاسب نفسه فبتبدء المعاناة من هنا

الانترنت بالنسبة لك ؟
مجال معرفة وترفيه أحيانا

تمرر التاج لمين ؟

سومة ( مجنونة فى بلد عاقل )
Appy
الشارد
فنانة مفروسة

وربنا يسامحك يا يويو

أختاه

2009-04-05T19:19:00.002+02:00

أختاه قد مزقنى الزمان إربا وسحقنى = وما أصبح هناك جزء سليم يتألم منى

حتى الألم أصبحت لا أشعر به = وكأنى ميت فى الأكفان أنتظر دفنى

أمر على الناس فلا يشعروا بى = ألقى السلام عليهم فما أحد يسمعنى

وكأنى شبح ولست بإنسان مثلهم وكأن صوتى لا يخرج من حلقى

ألاقيهم فأهنيهم بأفراحهم مبتهجا = فلا يردوا تهنئتى فأبكى ألما بدمعى

أواسيهم فى أحزانهم فلا أراهم = يواسونى حتى حين أشعر بموتى

أختاه أصبحت لا أبغى سوى الموت = لا أبغى رفقه فى الحياة ترافقنى

أصبحت إنسان يخطوا بلا قدم = على أرض ليس فيها أحد يعرفنى

الكل بعيد عنى والقريب وإن سألت = من أنا مايرد أحد منهم سؤلى

الموت حقأ أنتظره منذ زمن = ولكن الله لم يأذن به فلم يأتى

عانقى خيال ترسميه لى داخلك = واسمعى نبضات لا تصدر منى

فإنى الأن بلا بنض أو حياة = فما الحياة إذا لم أجد فيها فرحى

أرجوكى لا تسألى عن رحيلى = فسواء أنا هنا أو هناك هذا قدرى

أن أعيش بلا فرح أو بهجة = أن أعيش الحياة البائسة وحدى

ما عدت أرى غير ذاك الطريق = طريق بلا ملامح تبصره عينى

وإن كانت لا تبصر فهى جزء = من كل أجزائى التى ماتت منى

صمتا فلا حديث قد ينفع ولا = شىء من المواساة أصبح الأن يجدى

لا تقولى كلمة عن الأمل أو عن = أيام قد تكون أتيه بحلم يشبه حلمى

عفوا أختاه إنى مفارق فاسمعى = قصى حكايتى على الأسماع بعدى

وقولى للناس أنى عشت معذبا = باحثا طوال عمرى عن نفسى

قولى لهم أنى لست غضبان منهم = فما الذنب ذنبهم بل كان قدرى

كفكفى دموع العين ولا تسألى = إلى أين الرحيل فإنى لا أدرى

حاجات تفقع المرارة

2009-03-19T00:30:00.005+02:00

كثير ما نمر بموافق تجعلنا نستغرب ونستعجب هذة الدنيا ونشعر بضيق واختناق ويتمنى البعض ان يولد فى زمن اخر

تلك الأشياء حين نمر بها أو نراها أو نسمعها يقول البعض بالعامية

حاجه تفقع المرارة

وأراه تشبيه بليغ حيث يشبه المواقف تلك بالاحساس بالمرارة فى الفم نتيجة مرض المرارة

ومن تلك المواقف هذة الأيام مررت بالكثير منها

تجد لافته قبل كوبرى الجلاء بصلاح سالم تقول ( ممنوع صعود الأتوبيس عدا السياحى) فهل لكى يصعد أى أتوبيس على الكوبرى يجب أن نرتدى شورتات ونصبغ شعرنا أصفر
ونلبس عدسات خضراء أو زرقاء فى أعيينا ونضع على الأتوبيس شعار يقول أم محمد تورز كى لا ندور حول نفسنا عده مرات كى نصبح عند الجانب الآخر من الكوبرى

ملاعب الجامعة بجامعة عين شمس تقع فى المدينة الجامعية يقوموا باغراق الملعب بالمياه حتى لا يقوم طلبة المدينة باللعب عليه كنت ٍاضع له صورة ولكن لا توضح الآمر كثيرا
ملاعب كلية الطب أصبحت باركينج للسيارات نتيجة ازدحام الباركينج الأصلى

ملاعب الجامعة مرة أخرى بما فيها كلية الطب نفسها كى يقوم الطلبة باللعب عليها يجب عليهم دفع مبلغ لتأجير ساعات اللعب وحين تجادلت مع أحدهم عن هذا الأمر يقول أن إنشاء الملعب مسئولية الجامعة أما التجديدات والرعاية يصرف عليها من تأجير الملعب وكان هذا الشخص مجرد طالب ليس أكثر
لست أفهم كيف تكون ملاعب الجامعة وتأجر لطلبة الجامعة ربما يكون كل المستغربين أمثالى مخطئين ربما

عندما أسافر إلى الشرقية كنت أتعجب لماذا الطريق بهذا الضيق ويتسبب هذا االضيق فى حوادث كثيرة
وكنت أجد النساء يغسلون أدوات المطبخ فى الترعة فقلت حتى الآن هذا يحدث فى بلدنا
وتعجبت عندما وجدت أن مركز كبير مازال لا يحتوى بأكمله على شبكة للصرف
وتعجبت أكثر عندما عرفت أن ميزانية كل قرية كل عام لا تتجوز 50 ألف جنية أحدهم أخبرنى ذلك فإن كان هذا صحيح فلن يحدث تطوير بالتأكيد لانه لن يكفى لاتمام أى شىء والآفضل أن تعطى الأموال كلها لقرية واحده فتقوم بالتطوير ثم تعطى لآخرى العام القادم فلا يصح أن تسير فى عدة إتجاهات فى وقت واحد وإنما طريق ثم الآخر ربما أنا مخطىء

عندما تصعد إالى الميكروباص وتسافر إلى أى من البلاد فى أيام الأعياد تجد السائق يقول أن الأجرة قد زادت هذا اليوم لماذا ( عيديه كل سنة وأنت طيب ) هذا مبدأنا كل سنة وأنت طيب فى أى وقت ومناسبة حتى وإن كانت عيد تحرير طابا كل سنة وأنتم طيبين

عندما يجد سائقى الميكروباصات أن هناك زحاما يقوموا بالوقوف وعدم التحميل ليجعلوا الناس تشعر بأن ليس هناك أمل ثم يقولوا سنقوم بتحميل عدد أكبر وأجرة أكثر فيوافق الجميع وهكذا تستمر دوامة الأستغلال ودوامة اللامبالاة منا

عندما تصعد إلى الأتوبيس المكيف وتجد أنه أغلق التكييف طوال الطريق فلماذا أدفع أجرة أكثر فقد أصبح غير مكيف ربما يكون مكيف اسما فقط وليس فعلا ربما

عندما تسير بالشارع فتجد أحدهم يوقفك لتشترى منه مناديل غصبا واذا رفضت يقوم بسبك ونهرك

وكأنك تخلفت عن واجب قومى ربما أصبح الإستجابة للمتسولين واجب قومى هذة الآيام ربما

عندما نجلس بالمستشفى وأستقبل المرضى أجدهم أتوا ليس للكشف بل لنختم لهم ليقوموا بعمل أشعة بالمجان
ألا يستحيون من ذلك وعندما تخبرهم أنهم ليسوا فى حاجة إلى ذلك يقوموا بإلقاء التهم عليك فربما نحن مجرمون

عندما يطرق علينا أحدهم باب العيادة بالمستشفى ثم تسأل ماذا يريد فتجد أنه موظف بمكتب أمامك يريد أن يختصر الطريق ويمر من العيادة و كأن العيادة أصبحت ممر أمام بيته أشتراه له الوالد

وعجبى
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وأخيرا اسأل الله أن يرحم زوجة عمى ويغفر لها ويسكنها فسيح جناته

فقد توفت منذ أيام وهى فى الثلاثينات من عمرها رحمها الله

فالموت يأتى بغته

اللهم توفنا مسلمين واغفر لى ولوالدي وللمؤمنين يوم يقوم الحساب

كل سنة وانتى وانا طيبين

2009-02-13T19:13:00.001+02:00

كل سنة وانتى طيبة اقولها للمدونة قد تكون شىء لا يشعر

ولكنى اشعر انا بها

مر عام منذ اقتحامى لهذا العالم عالم التدوين

قد تكون الصدفة ان بداية المدونة بالقرب من يوم الحب لتعبر عن حبى لكل من يدخل هنا او ادخل انا عنده

هذا الحب والترابط دون أن نرى بعضنا ولكنه ترابط حقيقى وغير كاذب مثل كثير من الآشياء فى زمننا هذا

مر عام ومرت بى أشياء كثيرة منها المفرح ومنها المحزن

قد تكون الفترة الأخيرة فترة صعبة لى وربما للمدونة فهى تعانى مثلى أظنها كذلك

ولكن لا أعتقد أننى استطيع ان اغلقها حتى وإن كنت لن أضيف جديد

فقد أصبحت أشعر أنها شىء أساسى فى حياتى

ويهيأ لى أن الجميع مثلى

هذا العالم التدوينى الذى يربطنا يجعل منا كيان متحد معظم الأوقات حتى وان اختلفنا فهذا ماأراه دوما إلا قليلا

وأعتقد انه مجال جيد لاكتساب خبرات الاخرين ومعرفتهم ومشاركة الرأى

وأيضا التوجه نحو أهداف لها قيمة وما الى ذلك

وفى النهاية

فكل عام وأنتى طيبة مدونتى

وكل عام وأنتم طيبين وأتمنى أن يسود بين الناس جميعا الحب والود

واهديكم اغنية الليلة دى

الليلة دى سبنى أقول واحبك فيك وانسى كل الدنيا دى وغمض عينيك

ده انت نور حياتى عمرى كل أملى شوق الدنيا كله مش كتير عليك

والله كل حاجة فيا بتناديلك أيوة كل حاجة فيه بتناديك

قالوا ياما ان القمر عالى وبعدي والملايكة مستحيل تلمسها ايد

وانا الليلة ديه كل ده فى ايديا يمكن فى الدنيا دى أنا الوحيد

والله كل حاجة فيا بتناديلك أيوة كل حاجة فيه بتناديك

اخبرينى

2009-02-05T08:10:00.002+02:00

اريد ان اكون جواركِ
ولكنك تمنعينى
اريد ان احقق احلامكِ
ولكنك تخشينى
فماذا افعل بالله اخبرينى

انا المحب الذى ما فارق
الحب لحظة ايامى وسنينى
وانت ترحلى وتهجرينى
كيف بالله اخبرينى

اشعل النيران فى أصابعى
لعلكِ ترين موطنى فتأتينى
أقرع ألاف الأجراس
فهل معشوقتى تسمعينى

كيف فى البعد تعيشى
وكيف يعيش الحب
وكيف اعيش انا
ان كنتِ فارقتينى

يقولون نصفنا نقابله
مرة فى العمر وقابلتينى
فهل كان هذا حلم ؟!!
اذا فلما بالله تقيظينى

ام كان هذا واقع؟
واخترتِ الرحيل وعذبتينى
هل تجدى فى البعد سلواكِ
اما فقط كنت تختبرينى

ان كان هذا قصدك
فانا اخلص المحبين فى الهوى
على عهد حبك باقى
حتى وان لم تحبينى

ايقظى قلبك ومشاعره
قبل فوات الاوان ونادينى
فستجدى قلب مهرول
فقابليه بحنان وعانقينى

فكم اشتقت لهذا العناق
فكم عناق من الناس لم يجدي
فان انتِ اتيتِ ستجدى
كم لهفتى لكِ وحنينى

اكتب بدمائى على الجدران
احبك بجنون وجنونى يحبك
والحب يعشق جنونى فيه
والعشق عنى اسأليه واتينى

الطيور حولى تبكى
واوراق الاشجار تسقط
حتى اصبحت لا أفرق
بين بكائهم وبكائى فكفكفينى

احملى قنديل احلامى وتعالى
فطريق الامل مظلم دونك
والنور فى غيبوبة دونك
ودونك لا اتحرك فآنيرى

صرخاتى فوق الجبال تصعد
وتعبر البحار والانهار وتركض
تناديكِ انا معك أسعد
فهل تسمعيها بالله اخبرينى

هو الحب

2009-01-29T22:02:00.002+02:00

,جنون وخيالات فى الآحلام وهذيان= هل هو الحب ما اشعر به الآن

لا أدرى ما بى ولا أعرف كيف الحب= وصل لى من أعطاه العنوان

سألت الناس جميعا عن شوقهم = قالوا لهيبا لا يحرق يسكن الوجدان

تعجبت كثيرا من تكونى أنتى= حتى أسأل عنك كلما أقابل انسان

فأجاب قلبى سريعا فى دهشة = ألا تعرف إنها من انستنا الآحزان

تعجبى كان مجرد حيرة تسأل =هل هو الحب ما أشعر به الآن

حبيبتى عرفت الآن معنى الحب =هو أن يصبح القلب ليناَ بعدما كان صوان

أسهر لكِ كل ليلة أناجى طيفك =ويمر ليلى ويتجدد يومى و مازلت يقظان

لا أشعر بالوقت حين أفكر بكِ = فأيامى تمر وشوقى كأنه أوقف الزمان

ماذا أفعل وطوال الوقت أفكر بكِ = والقلب لا يهدأ ولا يريد أبداََ النسيان

حبكِ ذنب اقترفه قلبى ولكنه = لا يبغى لذنبه هذا عتق أو غفران

بحور عينيكِ تأخذنى فأغوص فى =الاعماق و أعود وكأنى أحلم وانا يقظان

قلق ينتابنى حين تغيبين عن الآنظار =ويظل قلبى فى إنتظار القمر أن يبان

لا تغيبى يوما فالحزن ينتظر الغياب = حتى يعود ويمتلكنى ويسكن الوجدان

لا تغيبى فعنكِ اسأل فى الغياب = أمواج البحر والآسماك والصخر والشطأن

اسأل عنكِ وأبحث بين زهور البستان = وأتلفت كلما أرى خيالا أو أحس إنسان

أتعذب حبيبتى حقا أذوق المرار = فقربكِ نعيم وفى البعد أشرب النيران

كنت زمان أتعجب لما يتألم العشاق = وعرفت أن فى البعد يكون المرء حيران

كنت أقول أن الحب جنون فى العقل = والآن عرفت أنه دواء وينسينا الأحزان

نعم هو الحب ما يجعلنى أفرح = وأعيش وانسى ولا أذكر الآلام والآحزان

اميرة

2009-01-21T01:30:00.002+02:00

دى صورة تانية من حفلة التخرج عشان اسهل الاختيار بتاع انا ميييييييييييين

كنت تائها بمراكب شوقى = لا أجد مرسى لها على مر العصور

وعلى شاطىء الحنان وجدت = لؤلؤة تشع جمالا والصفاء نور

بعد أن عشت فى ظلام حالك = ستغدو أيامى ربيعا بعد أن كانت بور

منذ دخلت حياتى أصبح يومى = نهارا وكأن الزمان معها لا يدور

بعد أن عشت فى الحزن ليالى = أراها تشع بهجة وفرح وسرور

دوحة للقلب بالحب أصبحت تملئه = أميرة تسكن فى أعلى القصور

لا أعرف كيف أصف جمالها = فإنى أراها أمامى حوريه من الحور

أكذب إن قلت جميلة فالجمال منها = يغار فهى أحلى من بدر البدور

لا أعرف كيف أصف حبى فالهوى = بالقلب والشوق لا يكتب على السطور

إنى حين كنت أبحث عن أحلامى = كنت وكأنى بين الآشجار عصفور

يبحث عن وليفه ليبنيا عش الحب = يبحث عنه بين الأشجار والزهور

وحين وجدتك ارتاح القلب فأنت = العش وأنت الوليف وأنت للحب بذور

صدقينى مولاتى ما يوم مر فى خيالى = أن أعشق من هى للحب أزمنة وعصور

لم أعرف أنه سيأتى يوم وأتغير = فما كنت أعرف معنى الحب الطهور

وعرفته معك سيدتى يا معنى الحب = يا أميرة تسكن فى أعلى القصور

قصور الحنان والهوى والنبع والجدول = نبع الحب وحنان العشق والهوى المنثور

على أزهار الربيع منديا أوراقها ومعيدا = إليها الحياة فأنا الأوراق وأنت الهوى المنثور

كنت أبحث فى الماضى عنك ألآن = وجدتك فأصبح العمر بالبهجة يمتلء والنور

لا تقولى لا تعرفى فالهوى فضاح = ينطق به اللسان ويشتعل به القلب ويثور

فتقول العين كلاما فى الحب والآشواق = ولا تقبل رفض الحبيب فهى سرعان ما تثور

يا أميرة بين الآزهار تسكن بساتين الهوى = أسكنينى بين أوراقك وأذيقينى الندى المنثور

أذيقينى طعم الحنان والشوق والعشق = أذيقينى طعم الحب الآبدى الخالص الطهور

البوست ده عشان بس m_h_a_alshrakawy

طلبت بوست فرايحى مش كأبة مع ان مش مودى يعنى الفرح بس

يلا عشان خاطر الجماهييير هههههههههههه

رجل محترم

2009-01-15T13:26:00.002+02:00

كان من المفروض ان اكتب هذة الكلمات فى الفترة المنصرمة ولكن توتر الامتحانات لا يجعل الانسان قادر معظم الوقت على جمع شتات نفسه وتنظيم افكاره ولكن انتهت تلك الفترة العصيبة والكلية الملعونة واقول لكل من تسول له نفسه ان يدخل هناك (لبئس ما سولت لك نفسك )

ههههههههههههههههههههههههههههههههههههههههههههههههههههههههههههههههه

والان اتحدث

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

قليلا فى زمننا هذا ما تقابل احد الرجال المحترمين من يحترم نفسه ومن حوله كبيرهم وصغيرهم

اصبح الجيل الجديد من الناس لا يدرون ماذا يفعل ابناءهم ولا يحاولون تصحيح اخطاءهم لانهم لا يدرون عنها شىء

لذا فهذا الرجل هو يستحق منى ان اذكره هنا واقول انه حقا احد الرجال المحترمين

من أنشأ اولاده على حبه وعلى جو الاسرة والتماسك ومن علمهم الاخلاق والقيم و وجههم للطريق الصحيح ولم ينسى ايضا الدين والقرأن

هذا الرجل عندما قابلته لاول مرة كنت مترقب لوضعه معى كيف سيكون ولكن منذ الوهلة الاولى عرفت انه لا يفرق فى معاملته

فطالما انه اعطى وعد حتى ولو لصغير فسينفذه حتما

وجدته عونا لى ربما اكثر من والدى الحقيقى و وجدته على استعداد للوقوف معى اذا ما ساءت الظروف لا ان يقف معها ضدى

وجدته اطيب من اعرف واكرمهم دون مجامله

ولأن هذة الصفات مجتمعه اصبح من الصعب العثور عليها فكان على ان اذكره ولكن حقيقة لا اجد متسع من الكلمات استطيع قولها

لان الرجال الحق لا تصفهم الكلمات وانما تصفهم مواقفهم فى ذاكرتنا فقط

هذا الرجل المحترم غادر عالمنا فى ايام مثل الايام الماضية

فاحببت ان ادعو له هنا ان يرحمه الله ويغفر له ذنوبه ويجزيه الخير

وان يدعوا له معى من يزور المدونة

هذا الرجل هو والد خطيبتى رحمه الله

ـــــــــــــــــــــــــــ

تقبلوا تحياتى

فى انتظار الصباح

2009-01-07T03:38:00.002+02:00

جلست أمام شرفة منزلها تنتظر طوال الليل أن يأتى الصباح , فغدآ يعنى لها الكثير وقفت أمام مرآتها تتزين , وابتسامة النشوة قد ارتسمت على شفتيها ونظرت فى دولاب ملابسها وأنتقت أروع ما لديها وأرتدته وألتمعت عينيها بريقا كضوء الشمس فى الصباح يملأ أركان الكون . ظلت ترقص وترقص فى أرجاء غرفتها فغدآ موعدها أن تلقى حبيبها .

وجلست مليا تفكر..... هل أنام ؟ فلربما أحلم به ..... هل أظل يقظة ؟ فأنا فى اليقضة أحلم به ......
ظلت الآفكار تدور بعقلها .......... سأمسك بيده وأخبره ألا يغيب مرة أخرى ففى الغياب أموت كل لحظة من الوحدة ........ سأمسكها وأرقص معه رقصة جديدة فالرقص بين يديه حياة أخرى ........ سأمسكها وأنام على كفه و أزرف الدموع واحدة تلو الآخرى حتى يعلم كم فى الفراق تزداد اللوعة.......... سأمسكها وأجوب معه الطرقات وأقول هذا حبيبى وأقولها له مع كل خطوة ................. سأمسكها وأقبلها وأقول له كن لى أم أرتمى فى صدرها حين الضيق , كن لى أب يرشدنى حين أََضل الطريق , كن لى صديقا حين أحتاج رفيق , كن لى إبتسامة وقت الضيق , كن صبرا حين لا أطيق , كن عفوا عندما أكون من المخطئين , كن لى نجاة حين أكون من الغارقين , كن .....وكن..... وكن ..... وكن ..... أشياء كثيرة سأخبره بها وحده فأنا ملكه وحده .

ستأتى الشمس بنورها وسيأتى معها حاملآ أيام عمرى بين عينيه لأعيشها دون حزن ، سيطغى نوره على نور الشمس وسيعرف الكون كله كم ....أحبه ....أحبه.... أحبه .... أحبه.

كان قلبها يدق فتدق عقارب الساعة وتمشى خطوة يسرع قلبها نبضا فتنظر للساعة لربما يسرعها قلبها وتنظر إلى ساعتها فى ترقب بالله عليكى اركضى اركضى فمرورك هو قرب للحبيب .

جالسه أمام الشرفة وعينيها على الحائط تترقب عقارب الساعة تدور العقارب وتدور الأفكار
فى رأسها والليل يمضى بطيئا وكأنه الدهر كله ولكن الآمل داخلها يجعلها صابره وتفكر فى
كلام ستقوله له حين تراه , كلمات كثيرة قد هيأتها داخل عقلها لتقولها له .

سأقول أحبك بجنون سأخبره بالفم وبالعيون , سأقول أذوب أذوب من الحنين , سأقول لحظة غيابك تمر سنين , سأقول حبيبى عمرى لو قضيته حبا لك فهو قطعا شىء ضئيل سأقول ....... سأقول ......... سأقول ...............................
وفى غمرة نشوتها يد تمتد نحو الشرفة تيقظها وتقول لها ماذا بك ........

فتنظر فى ذهول وتعود ذاكرتها فإنه حلمها المعتاد منذ أن فارق حبيبها الدنيا وهى تمنى نفسها
أن تنتظره يوما ويأتى لها فى الصباح مع قدوم الشمس فلقد كانا على موعد فى صباح يوم ولم
يأتى لأنه فارق الدنيا وقتها ومن يومها وهى فى إنتظار الصباح .

رحيل الحبيبه

2008-12-30T18:22:00.002+02:00

وقفت أمام بيتك أنشد شرفتك = تمنيت أن أرها تشرق عينــــــــــــــــــــا ك

أتيت وحلم داخلى ثائر ملتهب = يرقص نشوى لا يبغى ســـــــــــــــــــــواك

وقفت أنتظر طلعتك البهية = وقفت حتى انقضى الليل فى هــــــــــــــــــوا ك

ونظرت إلى الآيكة أمام شرفتك= فوجدت منديلا عليها من بقايـــــــــــــــا ك

ووجدت ورقاء تبكى عليها أسفا= إن بكائها كان من عذاب فرقــــــــــــا ك

ماكنت أعلم أنك رحلتى عنى = وتركت لى بعدك عذاب ذكــــــــــــــــــراك

يا تاركة ديار الأحباب وراحله = الى اين الرحيل وما لنا ســــــــــــــــــواك

أارض غير أرضنا تبغى وطنا = ام نسيت سهدى لك مقلتـــــــــــــــــــــــا ك

كيف ارتضى قلبك الرحيل = وكيف على الرحيل طاوعتك قدمـــــــــــــــا ك

كيف ارتضى خيلك الحراك = وكيف ترحلى دون أن نـــــــــــــــــــــــــرا ك

أمنديلا تتركى لنا بعد سنين = عشناها لا نرى حتى فى المرآه ســـــــــــوا ك

يا ناسيه وعودا للآحباب ضربتيها = وتاركه أطلالا لمن كان دوما يهــــوا ك

أطلالاك هاجرتى ما تجدى ولا تداوى = فالشوق بالقلب عليلا واقترب هلاك

لعل الريح تحمل شوقى لك = وتبلغك حنينى واشتياقى وتترجـــــــــــــــــــاك

ولما تبلغك وانت تعلمين انى = مالى فى الحياة بغية سوى ظل رمشــــــــــاك

ألم تسمعى صوت الرمال يصرخ = عودى بعدا وهجرا لحبيبك كفــــــــــــاك

ألم ترى السماء حزينة تبكى = مع كل دمعة منى تصرخ أهـــــــــــــــــــــواك

ألم تسمعى دقات القلب تعدو = لعلها تسير الرمال حولك فتعوق خطــــــــــاك

أم انك ما عدتى تهويننى ونسيت = وذهبت بعيدا ولن يعود قط رحـــــــــــــالك

يا معذبه للروح وهادمه للوعود = أين وقف ركبك وحطت على الارض قدماك

أى مكان هذا تنعمين به وتحيى = دون من أفنى عمره كله فــــــــــــــــــــــدا ك

أين الهوى من قلبك يا أمرأة = ملكت كل عصورى وحكاياتى عينـــــــــــــا ك

كيف لم تتألمى وانت راحله = وكيف لم تسل دموعك ويجرح خـــــــــــــــدا ك

لو كنت نسيتى هوايا وسنينى = فإنى تركت للزمان ثأرى يبكى عينيــــــــــــــك

وإن كنت ذاكره كل أيامى = فادعوا الله أن يعيد لى بسمة شفتـــــــــــــــــــــا ك

مغادرة

2008-12-21T01:13:00.002+02:00

عندما تعطيك الدنيا ظهرها فليس امامك سوى اختيارين احدهما ان ترفسها معبرا عن غضبك فتسقطها ارضا ولكن

حين تستفيق هى ستكون المواجهة شرسه وغير محسوبه العواقب فلربما تقسوا عليك اكثر وتجرحك وتحزنك اكثر

مما كنت ستكون لو كنت اخترت الاختيار الاخر

وهو ان تستدير وتعطيها انت ايضا ظهرك وتعيش فيما انت فيه من حزن والم وتتأقلم عليه

فكثره الاحزان والضغوط لا تترك مجال للفرح ان يأتى من أى باب
وخاصة عندما تكون انت احد اكثر الناس شعورا بالحزن والوحده في من حولك

وانا من النوع الثانى الذى يختار ان يستدير ويعطى للحياة ظهره فقد قررت ذلك

وبناءَ الى ما سبق من احداث مكأبة وصواعق محزنة ولا مبالاة غير عاديه من المحيطين وأشياء كثيرة

قررت انا اغلاق المدونة كجزء من اعطاء الدنيا ظهرى

والسلام عليكم ورحمة الله وبركاته

الدنيا خربانه

2008-11-12T03:27:00.002+02:00

أولا باعتزر للى علقوا على البوست اللى انا رفعته لانه الحقيقة كان مش فى موضعه كلمتين بقا ساعة زعل وكدا

تقريبا يعنى عيل ورجع فى كلامه ولا ارخص احلام ولا حاجة

المهم طبعا الاعتزار التانى عن الغياب المحتوم الفترة القادمة اسفا بسبب الامتحانات مش هاقدر اعمل بوستات جديدة وكدا

الامتحانات دى اصلا حاجة بقيت خنقه ربنا يخلصنا منها هانت ان شاء الله

مع ان الواحد مش عارف اصلا يعنى يعمل ايه بالظبط ملوش مزاج اوى انه يمتحن دلوقت هههههههههههههه

المفروض انه بمزاجى يعنى وقال ايه الظروف متبهدله حواليا وناس تعبانه وهكذا

وكمان انا احس انى تعبان اروح قال احلل من عبطى مش اسكت لا روحت احلل

قال ايه يطلع قال السكر عالى

عالى ازاى هو يعنى انا كنت باكل اصلا عشان يعلى يا نهار سكره زياده

طيب وماله عشان تكمل بقا ماهى ناقصه خنقة

الحاجة اللى مضيقانى بس انه يعنى انا مش باحب اتقيد فى حاجة يقوم تحصلى حاجة تقيدنى

طيب ماشى يا انا يا هى بقا ههههههههههههههه والشاطر هيكسب اكيد

طبعا طبعا اعلنت عدم الاهتمام حاليا لان انا مشغول بالامتحانات ومش فاضى بقا لا لسكر ولا ملح الحقيقة هو يظبط نفسه انا مش فايقله دلوقت

اما بقا الحاجة الافظع هى مال الحاجات انهارده كلها فظيعه كدا ؟؟؟؟؟؟؟؟

ان انا لما كنت باتبهدل كدا فى اى حاجة باكلم حد

الحد ده مابقاش موجود طيب يعنى ايه الحوسه دى يارب اروح فين انا دلوقت

انا عرفت اروح امتحن واخلص مش انتحر محدش يروح مخه لبعيد

مش انا بتاع الحاجات دى اينعم الاحداث تدعو لذلك لو واحد مجنون وانا الحمدلله عاااااااااااااااااااقل جدا وبعدين ما انا كدا كدا ميت ميت يعنى هاروح فين يبقى اموت بكرامتى احسن هههههههههههههههههههههههه

والاعتزار الاخير لشخص انا قولت عنه كلام مهما حصل ماكنش ينفع اقوله بس من كتر اللى فيا ومن اللى هو عمله

ياريته كان موجود

يلا بقا سلام واعتزر مرة اخرى عن الفترة الجاية بس ان شاء الله هاحاول التواجد فى اقرب فرصة وهاحاول انى ادخل اعلق عند الناس اللى بحبهم

سلالالالالالالالالالالالالالالالالالالالالالالالالالام

عدنا

2008-11-04T00:06:00.002+02:00

عدنا هو شعار كل القنوات الفضائية بعد فاصل طويل وممل من الاعلانات

لكن اليوم اقوله انا بعد فاصل من الصمت والغياب دام فترة لظروف كتييييييييييييييييير

وطبعا دلوقتى هانشغل فى الامتحانات والمزاكرة والكلام ده بس ان شاء الله لن اغيب

وطبعا قبل ده كل يارب يكون الجميع بخير وباشكر اللى سألوا عنى

وكل يوم ( عيد ) حب وانتم طيبين
والحمد لله على كل شىء قريبا بوست جديد

ـــــــــــــــــــــــــــــــــــــــــــــــــــــــــــــــــــــــــــــــــــــ> سنعود

مدينة الاشباح

2008-09-27T03:05:00.002+02:00

فى مدينتنا تسكن الاشباح = ويعلوا ليلا صوت النباح

تقشعر الابدان من الرعب = والثلج يمطر وتشتد الرياح

تعتصر بطون الناس جوعا = وفتات الفتات غير متاح

يبحثون عن الطعام دأبا = لربما هداهم طريقا نور الصباح

يتلفتون حولهم ويترقبون الانحاء = ويمر الليل ولايأتى الصباح

لا زاد ولا مقدرة على الترحال = والتذمر بمدينتنا غير مباح

فالكلاب تنبح ليلا بحثا = عن طعام ويكثر فى الليل النباح

ولا تجد شيئا يطفىء لوعتها = حتى تركت مدينتنا وسكت النباح

فى مدينة الاشباح نعيش بالاكفان = نمضى ونمضى والعمر راح

بلا ذنب جنينا قد قتلنا = وبلا عيب فينا اتى منا النباح

كنا زمانا نشعر بالحب = كان الود بيننا ينام فى ارتياح

حتى اتى يوم ياكل الواحد منا = لحم اخيه وقانوننا قال سماح

فبالله كيف يعيش انسان = فى مدينة هجرها الكلاب والصباح

من يتحمل العيش فيها رضينا بها = حتى صرنا فى طرقها نحن الاشباح

عفوا مدينتنا سنتركك عما قريب = فقد اتى الموت يقبض الارواح

حاولنا ان نتحمل ظلمك وبطشك = ولكننا وجدنا من يملكك قتل الصباح

وداعا يا انسان عاش فى زمن = جار فيه الظلم وحولك الى اشباح

بعدكِ

2008-09-13T06:14:00.002+02:00

حبيبتى سأنقش على السحاب قصة حبك
سأصعد القمر وأدفن هناك كل صورك
فلا مكان بالآرض للعشاق بعد أن ساد الجفا
لا مكان لآحلام القلوب بعد أن ضاع فجرها
آه لو كنتى تسمعين صراخى فى الليل الطويل
الحزن بعدك مولاتى فى عمرى يزيل
وماذا يساوى عمرى بعد أن كتب عليكى الرحيل
أوا تدرين أين يعيش الآن الحنين
إنه بالمشفى يعانى ألامه سقيم
أوا تدرين أين العشق الأن يقيم
إنه فى القبر راقد دفين
بعدك ماتت الأشواق وانتحر الهوى
بعدك ذهبت المشاعر وتركت عالمنا
بعدك لا عشق ولا غرام ولا إحساس
بعدك هجر الحب قلوب كل الناس
ما أبغض الفراق حين يأتى مسرعا
ويفك هذا العناق الذى كان بين قلوبنا
ولكنه ما فك العناق وحده وانما
أفنى الأحلام وأبكى الهوى
حتى زاد اكتئابه بعدك فانتحر
طعن الشوق وما لحظة انتظر
كم نادى عليه العشاق ولم يجب
فقد كان من فراقك حزن غضب
ياليته طعننى معه واراح القلب
ياليته القانى فى القبر مع الشوق والحب
فبعدك ما هناك حياة لى أو للحب

عقول مدمرة

2008-08-29T15:51:00.002+02:00

دائما تجد الناس حين يقول احدهم كلاما ينم عن الغباء او يتصرف فى موقف بغباء يقولون له ( خلى عندك مخ )

وبالطبع مقصدهم من وراء ذلك ومعنى الكلام ان يفكر بعقلانيه فيذكرون المخ وتلك لتدل على شمول المخ على التفكير

وحتى الآن لا اعلم مكان مركز التفكير هذا بشكل واضح وصريح ولا اعرف كل خصائصه

لذا فلابد لكل انسان قبل ان يتخذ قرارا ان يفكر مليا و يفكر بعقل وقلب معا

لان الرسول الكريم عليه الصلاة والسلام حين قال عن المسائل التى يختلف فيها العقل فى امور الدين ويحتار

فقال ( استفتى قلبك ) فما بالنا بالامور العادية

وهذا يعنى انه ينافى الفكرة السائدة ان القلب يخطىء

لانه احيانا يخطىء اينعم ولكن احيانا يكون اكثر افادة من العقل

وايضا تقولك الحكم والامثال (لا خاب من استشار )

لذا فالقلب يخطىء والعقل يخطىء والا اذا كان العقل لا يخطىء

لما اشرك أناس بالله ولما اختار أناس الخطأ احيانا فى شتى مجالات الحياة

اذا فلابد ان نفكر بعقلنا وقلبنا ونستشير

فاذا انتصر اثنان منهم على الثالث اذا فنسير فى خطوات الاختيار الذى أكده اثنيهما

ويجب على كل انسان أن يعلم أن الطريق الى الصواب متشعب

والطريق إلى الخطأ متشعب

بمعنى انه لا يوجد طريق واحد فقط يؤدى الى الصواب ولا طريق واحد يؤدى الى الخطأ

فحتى الآمور الدينينة تجد منها أشياء لها طرق عدة فبعض الحالات يفتى فيها برأيين وتجد الأثنين صواب

أما العقول المدمرة فتلك التى يملكها أشخاص يدمرون حياتهم بأيديهم

فهم يفكرون كثيرا وكثيرا فيصلون الى قرارت غير صحيحة لان التفكير الكثير يؤدى الى تحليل للمواقف بشكل خاطىء أحيانا

هؤلاء متزمتين برأيهم يسألون عقلهم فيخبرهم شيئا ويسألون قلبهم فيخبرهم العكس

ويسألون الناس فيخبروهم برأى مثل قلبهم

فيقولوا لا العقل أصح وانا أصح والناس لا تعرف ما سوف يحدث لى اذا اخترت هذا

ولكن لو نظروا حولهم لوجدوا أن هناك بعض الناس من يدعون للدين ويقولون أنهم ملتزمين وهم فى العكس على الطريق الخاطىء لأنهم متشددين ومتزمتين ومتعصبين فهم خطأ واستحوذ عليهم الشيطان

لذا فهناك عقول بنائه وعقول مدمرة تدمر حياة اصحابها

وليتذكر الجميع أن الشيطان قد يرى أننا نختار الخير فيستحوذ على أفكارنا ويرشدنا إلى الخطأ

واهما ايانا انه الصواب

فاحزروا ان تصبح عقولكم عقول مدمرة

وفى النهاية اقول

-لا تحكم على الامور قبل أن تحدث ودع الأيام تعلمك

-ولا تستعجل بحدوث الأشياء فمن استعجل شيئا عوقب بحرمانه

-ولا تخاف لمجرد أن ترى غيرك يقع فى المشاكل

-ولا تيأس من الحب اذا رأيت غيرك بعد الحب يختلف مع حبيبه فليس كل الناس كبعضهم

-ولا تحكم على الناس بابائهم او ابنائهم فقد قال تعالى ( وكل انسان الزمناه طائره فى عنقه ) لان لو كان الآمر بالأب والآبن لما كانا تزوج بعضهم فى عهد الرسول من أبناء الكفار ولما كان الله تعالى اوصانا بالآباء حتى ولو كفار

فلا ذنب بعد الكفر ولا خطأ بعده

-ولا تظن أنك ابدا ستجد انسان كامل بلا عيوب فيه او فى من حوله ولكن الآهم أن يكون مجمله جيد

واخيرا كل عام والجميع بألف خير

مصطفى

2008-08-23T08:18:00.002+03:00

مصطفى ده مش اسمى ولا اسم واحد صاحبى ده اسم انسان كان نفسه يعيش وتكون العيشه هنيه وهنيه دى مش اختى ولا اخته لا دى السعادة بكل معانيها فى الدنيا ديه . بدء مصطفى يبص حواليه ويشوف ويفكر ازاى هيختار حياته ويبدء طريقه... بص شاف طفل صغير بيحبى على الأرض وأمه غايبه عنه وراها شغل عشان فلوس أبوه مش بتكفى إنهم ياكلوا. وأبوه مسافر بره ومش جنبه والواد بيصرخ اااااااااااه ومفيش ناس يسمعوه .

بص تانى فى ناحيه تانية شاف عيال كتير فى مدرسة مش لاقيين لا مدرس ولا مدرسة كلهم غايبين سابوا المدرسة وراحوا للدروس المتخصخصة (الخصوصية) عشان مرتبهم مش مكفى ومش مهم العيال تروح المدرسة. شافهم قاعدين فى زحمة وضيقة قاعدين على حرف الدكة واللى واقفين فى السكة مش لاقيين مكان .

بص ناحية تانية لقى واحد أكبر شوية بيقولوا عليه فى الثانوية ...... بينط من فوق سور مدرسته رايح فين .... رايح يلعب فى سايبر ولا يشرب شيشة عالقهوة ..... ليه كدا يابنى ؟ ياعم يعنى لو زاكرت هاعمل اية ما انا كدا كدا هاقعد عالقهوة.

بص هناك لقى شاب فى الجامعة سايب محاضرة وواقف مع واحده المفروض انها طالبه ....... يقولوه احضر وزاكر يقولوهم مش فاكر ما أنا هابقى اشترى مزكرة قبل الأمتحان فيها الخلاصة وكله هينجح واللى عايزينه يسقط هيسقط وان نجحت يعنى هاروح فين اهو هنا احسن عالاقل ابويا بيدينى المصروف بعد كدا هاقعد عالقهوة ومش الاقى شغله .........

بص ناحيه تانية لقى واحد أكبر شوية بيجرى ورا الفلوس عايز يلحق يكون نفسه ويلاقى عروسة تناسبه عشان سنة عدا التلاتين ومش لاقى وقت حتى يسأل على أهله ... بص ناحية تانية لقى أب بيحوش عشان ولاده يتعلموا وبالعافية يادوب بيقدر يكفيهم واهو حارم نفسه و حارمهم من حاجات كتييييييييييير ولا لاقى وقت يعترض على حاجة فى دنيته ويجيب منين وقت يعترض.

وبص فى ناحية تانية لقى ناس بتحاول تعترض على الحال اللى مش عاجبهم ومممنوعين منه ومتكبلين ومبعودين عنه وكل واحد غصب عنه غير كلامه وساب غيره لهمه .

وبص فى الشارع لقى دنيا زحمة ومواصلات مش نافعه ....وشباب عالناصية وبنات ماشيه وضلت طريقها....... وولاد بتشرب أى حاجة تقابلها وتقولك عشان تنسى........ وعيال بتشتم بعضها وتجرى بالعصى وتضرب اهلها.... وأهل متفرقين وأخوات متخاصمين وجيران مش طايقين كلمة من بعضهم ......وناس بتحكم ناس ومفيش عدل عندهم وناس بتكره السلام وناس بتحب تموت بعضها........ وناس عايشه فى الدمار وناس الدمار عشقها وناس تخون وناس تبيع أرضها وناس تشترى......... وناس بأرخض الأتمان تبيع عرضها وناس بتاخد حق غيرها ومش بتراعى ضميرها........... وناس بتاخد رشوة فى درج مكتبها عشان تمشى مصلحة غيرها وناس مش باقي عندها ضمير.... وناس ........وناس ......وناس...................

بعد ده كله مصطفى قرر يموت فى بطن امه ومش يتولد للحياة ويعيش اللى عاشه اللى قبل منه .

الموضوع مجرد اعادة نشر وليس جديد لحد ما ارجع كمان كام يوم ان شاء الله
قولت يمكن حد يقراه بدل زمان محدش قراه كتير يمكن انفع ههههههههههههههههههه
سلام

اسباب قهريه

2008-08-16T04:58:00.002+03:00

طبعا اكيد محدش يعنى سأل عليا اوى yoyo سألت فيها الخير
بس انا قولت اعلم الناس انى غايب لظروف
اولها ان النت مفصول وثانيا كان عندى امتحان ولسه عندى امتحان تانى
ثالثا ظروف كتييييييييييييييييير ولخبطة باذن الله اقولها او يمكن مش اقولها على حسب
بس هو انا نفسيا كمان مش متظبط انى اكتب واعمل اى شىء
وربنا يعدى الايام دى على خير
وكل سنة والناس \يبة من دلوقت احسن اموت ولا حاجة ابقى قولتها
وتحياتى للجميع

تلتزم بالقوانين ..... ولا

2008-07-23T05:35:00.002+03:00

الحقيقة فكرنى المنظر بمحمد سعد وهو بيقول فى فيلم اللى بالى بالك

تلتزم بالقوانين تبقى صاحبى وحبيبى

فبصيت للمنظر فوق بالذات اول صورتين اللى بيوضحوا المنظر من جهتين مختلفتين والصورة التانية فيها خطين حمر

بيوضوحوا مدى خروجها عن المستوى الرأسى للعمارة ( او البلوك ) يعنى

واللى بيوضحوا كمان ان البالكونه دى معموله بكل اتجاهات العمارة

اما الصورة التالتة فدى نموذج للبالكونات الطايرة الشائعة فى المنطقة دى

الحقيقة كل لما اعدى واشوف حد عامل كدا اقول يا سلام وهى دى مش مخالفة وبتهدد العقار

يعنى طلع فى ناس مش بتلتزم بالقوانين وبتبقى صاحبى وحبيبى برضوة ما طلعش زى محمد سعد

واستفزنى اكتر الاخ الاولانى ده يعنى مش كفاه يعمل بالكون طاير لا الراجل لف العمارة كلها

تعالوا نعرف البالكونات دى بتتعمل ازاى

اولا بيدخل بالكونة شقته الاصلية ويضمها للشقة

ثانيا يبدء فى عمل هذة البالكونة طبعا عند الحداد

وبيبدء يخرم الحيطة يعنى الأخ ده فتح الحيطة من كل الاتجاهات عشان يمد اسياخ حديد يثبت بيها البالكونة الحديدية دى

وده ثقل زايد جدا جدا على العمارة وخصوصا انه كمان فى الدور قبل الاخير

واللى بيفهموا فى المعمار يعنى المهندسين وكدا اكيد هيكونوا على دراية اكتر

المهم طبعا ان العشوائيات بنادى بعدم وجودها كمناطق

لكن بنسمح بيها كحالات فردية طالما كله تمام وكله فاهمنى طبعا

يعنى انا لو واحد زى ده وعمل بالكونة زى دى فى شارع مدارى اقول اهم ماليين الدنيا ويمكن محدش شافهم

لكن ده حضراتكم على شارع رئيسى وحيوى ومهم وعينى عينك واللى مايشترى يتفرج على رأى المثل

لكن الحقيقة مش عارف اقول اية لانى بجد تعبت فى مخالفات عشوائية كتير اوى ومسكوت عليها

يعنى فيه بلاوى كتير وحاجات بتسبب تلوث وامراض

ان شاء الله لنا تواصل معها

اما الحالات دى فبجد عايز يتاخد خطوة جادة وكنت مُصر انى اصورها وياريت بجد اللى يعرف يوصلها لبرنامج او اى شىء ينهى الموضوع ده ويخليهم ياخدوا قرار ويزيلوا المخالفات دى

يقولى وانا هابعتله العنوان فورا

وشكرا لحسن تعاونكم معا

كان معكم احد الغاضبين من العشوائيات والمخالفات

من امام احدى فرندات الباهوات المخالفين

قصتنا

2008-07-12T18:15:00.002+03:00

أعترف انى احبك منذ الصغر = وكلما كبرت حبك داخلى كبر
اعرف انك تخافين على وكانى = رضيع و امه تحميه من الخطر
اوقفى دموعا قد طال وقتها = وضمدى جراحا كانت لى قدر
كونى فرحا اعيش فيه ويحتوينى = كونى مظلة تحمينى من المطر
كونى ربيعا اينعت ازهاره بهجة = كونى جفونا حين يطول السهر
كل يوم اقبلى الى فى لهفه = كطائر عائد لوليفه بعد سفر
ضعى اناملك فوق راسى بحنان = و طمانى قلبى انه زال الخطر
ورددى نشيد الحب فبه نعرف = اننا قد انتصرنا على من غدر
وارفعى راية الشوق فوق ارضنا = ودعي الحب يرقص بعدما انتصر
فما بقى للحساد ولا للملام صوت = ولن يظهر بعد الان لهم خبر
سيظل الحب منتصرا بلا هزائم = فكلما قاتله حقود خاب وخسر
فنادى كل العشاق لنحتفل جميعا = بمواقع انتصر فيها الحب وظفر
حبيبتى انا وانت والعشق والليل = كل منا لطالما لاجتماعنا انتظر
وهانحن الان معا بعد زمن = بعدما تخطينا الصعاب وشاء القدر
ارى الليل والشوق سمار لنا = واراه من بعيد يطل علينا القمر
يقول هنيئا لحبيبن تجمعا معا = بعدما طال انتظارهما وطال السهر
حبيبتى للحب قصص كثر روائها = ولكن قصتنا ماعرف مثلها البشر

تهذيب وإصلاح أم رسوب ونجاح

2008-07-01T07:46:00.002+03:00

سمعت يوما فى ريبورتاج احد البرامج تقول المذيعة ان الثانوية العامة اصبحت تهذيب واصلاح
وبالطبع كانت تتحدث عن مايحدث فى الامتحانات
فهل هذا صحيح ؟؟؟؟؟؟؟
أولا لماذا كل تلك الضجة التى تحدث كل عام من أجل امتحانات الثانوية العامة
ربما لانها مرحلة انتقالية مهمه فى حياة الانسان ( الانسان المصرى فقط )
فهى بوابته الى الجامعة
ولان الأباء والأمهات يبنون احلامهم أن أولادهم سيدخلون كليات ويحققون مالم يحققونه هم
وربما أيضا لانها اصبحت مجرد عادة ان نقوم بضجة كل عام

فماذا يحدث كل عام
توتر وقلق لدى الطلاب طوال العام
معسكر مغلق للمزاكرة من أجل الدرجات
تحفيذ دائم من الآهل من أجل التفوق
خوف من الآهل أن لا يحصل ابنهم على المجموع المناسب
مفهوم خاطىء لدى الجميع ان لا أمل فى الحياة إلا بتلك الشهادة
ونسوا أن كثير من الناس لم يأخذوها وتفوقوا فى حياتهم
ونسوا أن الكثيرين لا يجدون عملا بشهادتهم فماذا استفادوا من وراء هذة المعاناة

اذا فلماذا يتوتر الطالب ويخشى أن لا يحصل على درجات عاليه
كما قولت فهو يرى الآهل متحفذين أو بعضهم مهددين كما سمعت أحيانا بعواقب وخيمة ان لم يحصل على مجموع عالى
ولانه يعلم ان الجميع ينظر اليه فكيف لا يحصل على درجات متقدمة
والأهل ينتظرون ذلك
على الرغم من أن ليس كل الناس متفوقين ولن يحصل جميعهم على درجات نهائية ولكن نحن كمصريين نريد أولادنا كلهم يحصولن على تلك الدرجات حتى وان كانوا لن يحصلوا عليها يوما ما قبل الثانوية
أتذكر عندما كنت أنا فى الثانوية لم أكن أشعر بأى ضغوط نفسيه سواء من الآهل أو من المدرسين وما شابه اللذين بالطبع يخافون على سمعتهم فى الدروس الخصوصية
فيحثون الطلاب على المزاكرة دائما
فكنا كثيرين لا نعير اهتمام لدرجة ان البعض كان يشك اننى وصديقى مثلا الاول والثانى على المدرسة فكيف ذلك ونحن لان عير المزاكرة اهتمام
ولكن اعتقد ان هذا شىء سديد ان لا تشغل بالك كثير بما انت فيه حتى لا تفقد اعصابك وتنهار وتسىء العمل
فلننظر حولنا ونبحث عن من دخلوا من قبل الجامعات
هل حصل جيمعهم على الدرجات النهائية
هل عمل كل شخص فى مجاله او هل عمل كل شخص
فلماذ نرعب اولادنا ونجعلهم مشتتين ونوصلهم لدرجة ان ينتحروا ويقتلوا أنفسهم
فلتأتى الامتحانات صعبه او سهله
فذلك طبيعى ولابد لمن يضع الامتحان ان يجعل فيه نسبة من الصعوبة ليقيس كل المستويات
ولكن ان يكون تعجيزيا فهذا مرفوض
ولكن الآهل يرفضون والطلاب يرفضون أن تأتى اسئلة لا يستطيعون الإجابة عليها
يريدون حل جميع الاسئلة وهذا خطأ
فمهما كانت الصعوبة هناك طلاب سيحصلون عل درجات نهائية وهذا طبيعى
فمن المسئول الآول عن حال أولادنا فى الثانوية ومن سبب البكاء والعويل
ولماذا نرى الناس كلهم غاضبون ؟؟؟؟؟
سؤال مطروح للجميع

ونهاية وبمناسبة الامتحانات وتسريبها
هل هذا شىء جديد أو لاول مرة يحدث تسريب للامتحانات
أم انها اول مرة تكتشف ؟
وهل اذا حدث ذلك نعاقب الطالب ونقول أنه تطبيقا للقانون سنلغى امتحانه سواء فى تلك المواد أو كلها ؟

سؤال أخير للجميع
لو عرفت ان امتحان ليك يباع فى مكتبة هل ستشتريه أم لا ؟

تاج تانى ونقول ألووووووووو

2008-06-22T02:34:00.002+03:00

الحقيقة التاج ده جانى من بنوتة مصرية الرقيقة الاحساس ( رودى )
وانا على قدر ما انا مبسوط منها الا انى باقولها ليه كدا صعب اوى الاسئلة
بس طبعا طبعا هاجاوب ومش هاتأخر

أذكر 5أحلام تخص ماضيككنت هتتخلى عن إيه فيها و هتتمسك بإيه لحد دلوقتى

الحلم الأول : كنت دايما باحلم اكون دكتور والحمدلله انا فى طريقى لذلك ربنا يسهل

الحلم الثانى : انى كنت اتربى وسط أب وأم وأخوات لانى اتربيت فى بيت جدى وده على أد ماهو ساعدنى فى حاجات كتير
إلا انه عملى عقد بالهبل مش تعدوا يعنى
تخيلوا انى مش باحس ان اخواتى دول اخواتى خالص احساس مؤلم ومخيف

الحلم الثالث : انى الاقى السعادة اللى بجد لانى بامر بلحظات كتير المفروض سعيدة بس عمرى ماحسيت مرة بانى فعلا مبسوط اوى
يمكن اتعودت اكون كئيب فحلمى انى اعيش سعادة

الحلم الرابع : حلمت زمان انى اطير بجد حلم غريب اوى بس مازلت احلم انى استطيع الطيران يوما ما
مش عايز ضحك وناس تقول عباس بن فرناس والكلام ده ماشىىىىىىىىىىىىى

الحلم الخامس : الأمااااااااااااااااااااااااااااااااااااااااااااااااااااااااااااااااااااااااااااااااااااااااااااااااااان

متمسك بجميع الآحلام دى ومش هتخلى عنها

أذكر خمس أحلام تخص مستقبلك و ما تتمناه منه

الحلم الآول : انى أكون مسلم بجد وأدخل الجنة يارب اميييييييييييييييييييييييييييييييييييييين

الحلم الثانى : انى ابنى بيت كويس واربى اولادى بجد واعلمهم حب بعض وحب الناس وحب الخير والعطاء ياااااااااااااااااااااااااااااااااااااااااااااااااه كتير كتير اوى
اه ويحفظوا القرأن ياريت

الحلم الثالث : إنى أكون دكتور كويس واقدر اساعد الناس فى ألامهم بجد
واتعامل مع الناس بحب دايما مهما حصل

الحلم الرابع : حب النااااااااااااااااااااااااااااااااااااااااااااااااااااااااااااااااااااااااااااااس

الحلم الخامس : هو حلم شامل لجميع احلامى ورغبة قوية فى تحقيقها

أذكر شخصين - على الأقل - متواجدين فى حياتك كنت تتمنى وجودهم من قبل

خطيبتى
و
خطيبتى برضوة

أذكر شخصين - على الأقل - غير متواجدين فى حياتك و تتمنى وجودهم مستقبلا فى حياتك و حياة أولادك

جدى اللى ربانى الله يرحمه
و
الأهل اللى بجد

اخيرا لمن تهدى التاج

الحقيقة ناس كتير بس بيتهيألى فيهم جاوبوا زى سنووايت كدا

فنانة مفروسة ( ياسمينة)
مجنونة فى بلد عاقل ( سومة-87)
( صاحبة الكوكب ) appy
زهراء ( مدونة كراكيب فزلوكة)
المفروسة دائما ( واحدة مفروسة)

يالهوى على اللى بيحصل

2008-06-10T16:31:00.002+03:00

محدش يفتكر ان دى الأغنية الغريبة بتاعت يالهوى دى نو نو نو
مع ان الموضوع ملوش علاقة بالهزار الا انى مش باحب الكأبة فى الحاجات دى
او يمكن انا خلاص بقيت جبله ومش باحس
المهم ان حصلت حاجة عجيبة انهارده هى مش اول مرة تحصل فى المجتمع اليومين دول
لالالالالالالالالالالالالالالالالالالالالالالالالالالا
دى بتحصل بقالها فترة
اقولكم اية اللى حصل
نازل الصبح فى امان الله رايح المستشفى المهم قال اية مستعجل بقا ومتأخر والكلام ده
وماشى بامد اقوم ابص الاقى واحد جاى فى وشى لابس بدله وحاطط نظارة شمس فوق راسه الحركة دى بتضايقنى على فكرة
المهم
الشخص ده يعرفنى واعرفه من ايام الثانوى العام مش لانى كنت التانى على المدرسة وكدا لالالالا
لانه كان معايا فى المدرسة وكمان الفصل وكمان أحياء زيى
وكمان ساكن جنبى فى المنطقة يعنى ما تعدوش طرق المعرفة المهم
هو جاى فى وشى وانا مستعد للابتسام بقا والكلام اياه ده بتاع الناس اللى يعرفوا بعض
حتى وان كنت مش باقبله بس ده الاصول يعنى المهم
بابص لقيته عامل عبيط اه والله عامل عبيط
بص بجنب عينه كدا قال يشوفنى شوفته ولا لآ وبعدين بص قدامه
وبعدين بصلى تانى بجنب عينه
قال يعنى انا مش شايفه البعيد
يمكن النظارة اللى فوق راسه مغيمه عليه ولا حاجة روحت مكمل طريقى
هو طبعا افتكر انه لابس بدلة والكلام ده يبقى واد ما يعبرش امثالى
بس لا طبعا احب اقوله ان هو بتاع بيطرى اولا
وثانيا بقا مندوب مبيعات يعنى عادى
مش عشان الشركة اديتلوه بدلة يعمل فيها واحد
يابنى عندى بدل انضف بمراحل من اللى انت لابسها لو على البدل يعنى
احب انوه انه مش يفرق معايا
بس بجد اتفقعت مرارتى من الناس والمجتمع واللى وصلناله
الناس بقيت كلها تشوف بعض اللى يعمل عبيط واللى يعمل اهبل
واللى يعمل كفيف زى ما يكون خلاص الواحد لو حد شافه هيمسكه بقا ويقوله اكلنى مثلا
ولا دى جنية اركب زى الناس اللى ماليين الشوارع دول
بس الصراحة انا لو وقفته هاقوله تاخد علبة السجاير دى تشتريها منى عشان انا عايز اروح ومش معايا فلوس اركب
مش هما بيعملوا كدا برضوة حتى لو انت مش بتشرب سجاير اهو تاخده تجامل جيرانك ولا حاجة
بجد حاجة تقرف اسلوب المعاملة اللى بقا موجود
فانا اتحرق دمى من الموقف مش لانه معايا لا لانه فكرنى باللى بقيت اشوفه اليومين دول
قصدى السنين دول
من معاملة غريبة بين الناس وعدم احترام للغير وحقد شديد
الناس نسيت ان فى حاجة اسمها مودة وحب نسيت ان فى عشرة واخوة
نسيت ان فى حق جار وحق سائل
نسيت ان فى حق كبير وحق للصغير
نسيت حتى اداب الطريق اللى كانوا بيعلموها زمان فى المدارس
ومابقاش حتى فى مدارس
بقيت مجرد مكان المدرسين تروح فيه عشان تجيب عيال للدروس الخصوصية
وعيال رايحه تاخده شهادة وبس
وبس كفاية كدا احسن تعبت نفسيا وجسمانيا وهاروح اشوفلى دكتور
سلالالالالالالالالالالالالالالالالالالالالالالالالالالالالالالالالالام

جراد يبنى حديقة

2008-05-29T21:34:00.002+03:00

كعقارب الصحراء اللئيمة= أتوا بزحف ليحتلوا أجمل مدينة
قالوا جئنا نزيل التخلف = عن أصحاب العقول القديمة
قالوا متخلفين همجيين = جئنا نهذب أظافرهم الطويلة
والله بل أنتم الهمجيون أنتم = الوحوش ذات الأظافر الطويلة
جئتوا تبحثوا عن أغراضكم = فوجدتم فى أرضنا نعمة الفريسة
بئس ما سولت لكم أنفسكم = نفوس هى تستتر بقناع طيبة
تأتى زاحفة راغبة فى التدمير= كأسراب جراد فى الصحراء طليقة
قالوا أتينا معمرين وهم أتوا = للخراب وتغيير العقائد الصحيحة
قالوا سنزرع كل الطرق أشجار = وسنبنى أسوار حول كل حديقة
هل سألتموهم كيف سيرووا الزرع = سيرووه بدماء أهل المدينة المسكينة
عفوا ً أقصد المتخلفين الهمجيين = فقد غيروا كل المعالم حتى الحقيقة
واآسفاه على حضارة شيدت = عبر السنين بناها أجداد عظيمة
دمرت حطمت شوهت بعثرت = بيعت عبر البلدان تجارة رخيصة
كل شىء كان جميلا ً طيبا ً = أصبح ذو ملامح أسفا ً بغيضة
ليتنى ما كنت أعيش فى زماننا = ليتنا متنا قبل ذل الهزمية
يستغرب البعض لما البغض = للجراد وهو يأكل الحشائش الرديئة
هل علموا أنها بين الحشائش = تأكل الخضار والآزهار وتدمر الحديقة
فكيف بالله عليكم يبنى لنا = جراد بيد ملطخة بالدم الأخضر حديقة
والله إنها لمضحكة ومبكية = تلك القصة فهى قصة غريبة فريدة
إنتهت من حيث بدأت كيف = اسألوا الجراد أكل ما بنى بعد دقيقة

شيخوخة اجتماعية

2008-05-22T20:54:00.002+03:00

صدق أو لا تصدق يوجد 60 ألف حالة طلاق سنويا فى مصر
على الرغم من أن معدل الزواج يترواح ما بين 40 – 50 ألف حالة زواج سنويا
أى أن معدل الهدم أكثر من معدل البناء وعندما يحدث هذا نسميه شيخوخة
وعندما يكون معدل بناء الأسر أقل من هدمها فهو شيخوخة ولكنها شيخوخة اجتماعية نعم هكذا هى
لربما يقول البعض أنها شيخوخة مبكرة ولكن أنا أقول لا إنها شيخوخة حتميه وفعليه وهذا وقتها نعم بالفعل هذا وقتها ....................

فمنذ فترة ليست بالقليلة بدء مجتمعنا فى الانهيار وتوالت سقطاته وانحداراته
فيرى السائر منا فى طريق ما ان المنظر العام للمجتمع يبدو غير واضح
تشوبه اشياء خاطئة كثيرة نتجت عن انفتاح ثقافى خاطىء وتربية منزلية غير سليمة
وغياب التوعية فى المدارس والجامعات
فانهار المجتمع وانحدر الى الهاوية فزادت حالات الطلاق لما ؟؟؟؟؟!!!!!!!!!

كثير من الاسباب لا يمكن حصرها فهناك منها الشخصى والاجتماعى ولكل منها اثر
فترى المجتمع وما يحدث فيه جعل كل طرف يكون سببا للطلاق
فالرجل تارة مخطىء والمرأة تارة اخرى هى المخطئه

اولا الرجل :
1. يشعر الرجل لدينا بانه سيد الكون وانه لابد وان يكون المسيطر حتى ولو بالعنف
2. بعض الرجال لا يعيرون للمرأة اهتمام سواء فكرى او عملى
3. البعض لا يسمح للمرأة بالعمل لمجرد انه يرى ان هذا شىء خاطىء ولا يصح
4. جزء من الرجال يسخر المرأة لملذاته فقط وينسى كونها انسانة
5. البعض يريدها تعمل كى تجلب المال وهو يجلس فى البيت
6. اخرون يريدونها تربى الاولاد وهم لا يريدوا مشاركتها

ثانيا المرأة :

1. تريد العمل وتنسى كثير بيتها وتهمله
2. احيانا لا تحترم زوجها وتنظر له انها حققت كل ما تريد ولا تريده
3. تهمل فى ملبسها ومنظرها الخارجى
4. وتزيد اعباءه بطلبات غير قادر على تحقيقها
5. قد تكون تزوجته لمجرد الفرار من بيت ابيها
6. احيانا تكون ملتصقه باهلها لدرجة تركها منزلها

هذا جزء بسيط من سلبيات الناس وليس كلها انها بعد الزواج
اما قبله فتجد

الشاب :
يبحث عن فتاة جميلة تلبس افضل ما يتيحه عالم الموضة ويبهره منظرها الخارجى
وكم هى مرحة و يستطيع التنزه معها او ربما اكثر من ذلك
فكل ما يجذبه هذا فقط وينسى الصفات التى تحدد هل يستطيعوا ان يكونا زوجين ام لا

الفتاة :
تبحث عنه كم تبحث عن البودى جارد الخاص بها لتجعل صديقاتها تغار
تريده روش بمصطلح الشباب فعندما تريد التنزه يسمح لها تذهب للسينمات وحدها او معه يسمح تتأخر فى الخارج شىء عادى له هكذا تحبه

كل هذا يجعل الصدام شديد فى بيتهم ويختنق الزواج وربما يكون هناك اطفال
كل هذا نتاج ضياع اجتماعى شديد وغياب التربية السليمة فقد اصبح المثل الاعلى مطرب او ممثل او ممثله
وايضا لا توجد الاسس الدينيه بجوار الاسس الاجتماعية السليمة لبناء الاسرة

تزييل
بما ان الحديث عن الطلاق فكم من الاطفال ضاعوا بسبب ذلك ونرى قانون الحضانه قد اتاح للحاضنه ان يزيد السن الى 15 عام للنوعين الذكر والانثى
بعد ان كان 11 للأنثى و 13 للذكر فبهذا الشكل اهمل وجود الآب
فكيف ينشىء طفل يعرف ان والده موجود ويريده ولا يستطيع ونحرمه من دوره فى تربيته وهو يحتاج هذا الدور لما نظلم الاولاد بذنب الاباء وهذا ايضا ينتج عنه طفل غير سوى نفسيا وتتكرر مأساة الطلاق معه ربما
وقانون الرؤية الذى يسمح ب 3 ساعات اسبوعيا فى مكان عام
كيف هذا 3 ساعات اسبوعيا اى 144 ساعة سنويا
اى 6 أيام فى السنة هل هذا ينشأ اطفال اسوياء
وهل هذة علاقة سوية بين أب وأبناءه وأين باقى اسرتهم حيث لا يجوز لغيره أن يراهم
البعض يقول يسمحوا بيوم فى الاسبوع أره قليل
فدعوه يكون أسبوعا فى الشهر ولتعد الحضانة لما كانت عليه

وفى النهاية انها شيخوخة اجتماعية أو إنه جيل المطلقات

تحرير الرجل ..............حررونى يرحمكم الله

2008-05-18T11:31:00.002+03:00

اعادة نشر

ان تحرير المرأة أصبح مصطلح لا معنى له من وجهه نظرى ووجهه نظر كثير ممن أعرف فلقد حصلت المرأة على حقوق أكثر مما يجب وأنتشرت فى كل مجالات الحياة مما جعل الرجال الآن يطالبون هم بحريتهم ويكونوا جمعيات من أجل هذا المطلب ...... فعجبا لهذا الزمان كانت تنادى بحريتها وأصبح الرجال هم من قيدوا ومازالت المرأة تنادى بحريتها ...حواء كفاكى بالله عليكى حرري آدم.

لا يجوز للمرأة ان تحمل جواز سفرها وترحل وحدها فذلك حفاظا لها من الطامعين وأصحاب النفوس الضعيفة وأيضا حتى لا يضع ذلك شكاّ فى قلب زوجها وتضطرب علاقتهم ( هكذا قال الإسلام ).

نعم أصبحت المرأة تتكلم مثل الرجال وتعمل مثل الرجال فى كل المجالات بل وأصبحت ترتدى ملابسها مثل الرجل حتى فقدت أنوثتها وأدهى من ذلك أنها تحررت من زيها المحتشم واتجهت إلى الأزياء الغربية التى تبرز مفاتنها وتجعلها عرضه لكل شىء يهدد أمنها النفسى و البدنى ...... هل هذا صحيح نعم

بل وصلت بكثير من بنات حواء أنهم أصبحوا يرتدون تلك الملابس من أجل جذب الأنظار .... فكيف بالله عليكم لا تزداد نسب الإغتصاب والتحرش الجنسى فى مجتمعنا المسلم. حواء أصبحتى تريدين العمل أصبحتى تأخذين مكان الرجل ولكن وجدتك تتحكمين فى عندما تكونين ذات منصب وأطلب منك طلبا وجدتك تنظرين لي بإحتقار حين أكون واقفا أمام مكتبك أقدم أوراقاّ نعم هذا ما يحدث

وجدتك تتسلطين عندما تكونين مدرستى .... تتعالين على زوجك فى بيتك لآنك وصلتى لآبعد مما وصل اليه حواء لقد كان فى الماضى دورك هو البيت ومساعدة زوجك حتى خارج البيت ودور آدم العمل من أجلك وأجل أولادك فتتقاسمان الحياة معاّ دون أنانية من أحد منكم الآن وجدتك تتركين منزلك معظم الوقت ولا مجال له أو لهم وتقولين حرية المرأة وجدتك تمشين فى الشوارع بملابسك المبهرجه ومكياجك الملطخ لوجهك ... من قال أن هذا جمالآ بل هذا عفوا وقاحة وخروج عن الدين .

لماذا تفعلين هذا وتقولين لماذا ينظر لى الناس إنها حريتى الشخصية ... وأيضا هى حريتهم أن ينظروا أى اتجاة يريدون. حواء وجدتك تريدين الخروج ليلا لما يخرج آدم وأنا لا
وتتعجبين لماذا ينظر لكى الناس ويتربصون بكى ... وهل قال الدين ذلك أن تخرجى فجرا
فلتعلمى عزيزتى حواء حين تتركين الدين يتربص بك الشر بكل انواعه.......... نعم هذا يحدث . حين لا تلتزمين بعفتك وحياءك المعهود تفقدين أنوثتك وحريتك وكرامتك وكل ما تملكين .

تتعجبين لما يريدوكى أن تتزوجى لآن تلك سنة الحياة
فاآدم أيضا يريدوه أن يتزوج هو الآخر لنكمل مجتمعنا ونعمر الكون
ولكن لا يستطيع أحد اجبارك على شخص بعينه هذا حقك كفله لكى الله....... نعم هذا صحيح.

ولكن اذا لم تتزوجى قبل فوات الآوان كيف تعمرين كون الله
وأنت لن تنجبى بعد ذلك كيف تربى أولادا صالحين ليكونوا لك ثقلا فى ميزان حسناتك
عزيزتى حواء لم تعودى مثل قبل فأنت الآن أكثر حرية مما يجب بل أنت الآن من يقيد الرجل ويجعله ينساق وراء الشهوات حين فرطتى فى دينك واحتشامك الا من رحم ربى حواء اتركى لآدم بعض من الحرية فلقد أخذتى حتى دوره فى الحياة وأصبح هو لا يجد عملا أصبحتى تريدين العيش وحدك وأنت شابه فلا تتزوجى ولا يجد هو عروسا فيذهب وراء الرزيلة ومن يندم أخرآ هو انتى حين تجدى نفسك فى أواخر عمرك وحدك..... نعم هذا ما يحدث

حواء اخلعى ملابس الغرب وملابس الرجال وارتدى ملابس حواء التى يجب أن ترتديها واتركى آدم بلا اغراءات فى الطرقات ولا تخدرى عقله وتغيبيه حواء لا احد ينكر حقك فى كل شىء دون الخروج عن الشرع دون المساس بدورك الرئيسى والذى لا يستطيع القيام به الرجل .....نعم لا يستطيع حواء اتركى آدم يجد عملا ومكانا فى المواصلات وفى كل مكان فقد أصبحت أكثر من الازم دون داعى تاخذين مكانه بلا جدوى هذا صحيح

حواء حررى آدم حررونى يرحمكم الله.....................

من الاحاديث

2008-05-12T16:45:00.002+03:00

جزاكم الله خيرا

نسى الفوطة

2008-05-09T05:38:00.002+03:00

ليه الدكتور نسى الفوطة ؟؟؟

نسي الفوطه

وناس واقفه بتتريأ ومبسوطه
وناس تانيه بتستغرب ومنقوطه

ليه الدكتور نسي الفوطه

وهو يا عيني كان واقف ووشه أحمر ولا القوطه
و قال ياجــــــــماعه سامحوني
وقبل ما تيـــــــجوا تلوموني
تعالــــــوا أحكيلكوا أنا حكايتي
وبعديها إبقوا حـــــــاكموني

سنــــين فــــاتت في ثانــــــويه
كفاح دامي وعــرق ودموع
وبعد المعركـــــــــه الحــــاميه
قدرت أنجح وأجيب مجموع

أخيراً حلمنـــــــــــــــــا إتحقق
هخش الطــــــــب وأدّكــــتر
رســـــــــــاله جميله ومعـــاها
مقام عالي وفلوس أكـــــــتر

في أول يوم لـــــــــبست جديد
وشلت البالطو رحـت لاقيت
زمايلي إتحــشروا في مــدرج
عامل ولا عــــــلبة الكبريت

ولكــن برضه مايئستش

دخل دكتور قعد يشــــــــــرح
كلام كــــان صعب ولاتيني
و أنا متنـــح ومـــش فــــــاهم
لاقيت النــــــــوم غلب عيني

و لسّه أنا برضه مايئستش

و قلت مادام ضــــاع النظري
هظبّــــــــط نفسي في العملي
جريت عـ المشـــرحه بسرعه
لكن كالـــــــــعاده خاب أملي
دخلـــــت لاقـــيت 200واحد
بيتخــــــــانقم على الجــــــثه
وناس واقـــــــــفه من الزحمه
على كتافـي ومـــــــش حاسه

و لسّه أنا برضه مايئستش

و طبــــــعاً حسّوا بظــــروفنا
وحطّولنا إمتــــــحان فوازيــر
وكل أمّا آجي أحــل ســـــؤال
أقف أدامــــــه زي الــــــزير

و لسّه أنا برضه مايئستش

وجينا في لجنة الشـــــــــفوي
وكان أدّامي واد كـوسه
خد الفول مارك مـ الدكتور.
وخد فوقهـــــــم كــمان بوسه

و لسّه أنا برضه مايئستش

سنه بتمشــي وســــنه بتيجي
مقـــالـــب بعـــدها مقــــــالب
زمايلي إتعينوا و قبـــــــضوا
و أنا شايـــــل لـــــــقب طالب

و لسّه أنا برضه مايئستش

كبـــــــرنا شـــويه وقــــالولنا
خلاص دلوقتي شوفوا حالات
و رحنـــــــا نشوف وكالعاده
دا كله بيطلع إشتــــــــــغالات

و لسّه أنا برضه مايئستش

لحد ماخلصم السبــــــــــــعه
وقلت خلاص هروق وهعيش
و قبل ما أفوق من الصــدمه
خدوني عشان أخـــش الجيش

و لسّه أنا برضه مايئستش

وقعت هناك في إيــــد ظابط
ظغرلي وقال يا بســــــكوته
أحب أبـشرك إنــــك معــايا
هتطـــــــفح الـــــــــــكوته

و لسّه أنا برضه مايئستش

خلااااص السبعه بقوا عشرة
ولسه أنا ماشي جنــب الحيط
و بان السن علــــــــى وشي
و شعري إبيـــّض و إصلعيت

و لسّه أنا برضه مايئستش

وبعد ما قـــــلت كــــــــفاره
خلاص هرتاحلى بقى كام يوم
لاقيتهم تـــــــــانــي واخدنّي
عشان تكليـــــــــفي في السلوم

و لسّه أنا برضه مايئستش

و قلت هنـــاك هآخد قرشين
آكل منهم و أجيـــــــــب لبسي
فوجئـــــــت يا عيني بمرتب
مايقضــــــنيش حتى شيبسي

و لسّه أنا برضه مايئستش

و بعد الـــعمر دا كـــــــــــله
رمــــــوني في وحـــده صحية
نسيت الطب أنا فيـــــــــــها
وبقــــــــيت زي التمــــــرجيه

و لسّه أنا برضه مايئستش

و آديني بعيش وهعمل أيـه؟؟
ماليــــــــش ولا حول ولاقوة
وحيد غلبان وحتى مافـــيش
جـــــواز علـــى نفــــقة الدولة

و لسّه أنا برضه مايئستش

قام الدكتور صعب عـ الناس
و فــــــضلم يـــبكوا على حاله
و حتى الفوطة نســــــــيوها
ولموا فلــــــــــوس وسابوهاله

و قال دكتورنا عـ الفوطــــه

تعــــــالوا هشـــــيلها أنا بكرة

لكن اهل المريض قالــــــوا

خلاص

هنسيبها للذكرى

منقول

شخص غيرى

2008-04-30T20:00:00.002+03:00

ربما لو تلاقينا فى زمن اخر= او لو كنت انا شخص غيرى
لو كنت رايتك ايامى السابقة= كنت احببتك وما عشت حزنى
ولخرجت من ابواب الاحزان= ولكنت تملقت وقهرت يأسى
ولكنى ابدا لن اتغير يوما= ولن تعد الايام لسابق عهدى
فلو بيدى لاخترت عودتى =الى ايام كنت احبوا ايام مهدى
ربما نتلاقى فى وقت اخر= وربما نتعانق من منا يدرى
قد اراك وترين قد تعرفينى= او تذوب ملامحى وتنسى عينى
معزوره ان نسيتى فكيف التذكر= وانا لا اذكر ملامح يوم امسى
بالله عليك بلا دموع ارحلى= ماعدت استطع كفكفتها بكفى
فتلك دموع محرمه عليه لمسها= حبيبتى تلك دموع ملك لغيرى
اعزرينى ان كنت قاسيا عفوا =فالقسوة الايام بكل القسوة علمتنى
اقصد كسرتنى بل حطمتنى بل= دمرتنى بعدما على البكاء عودتنى
لا دعى ذكرياتك لى ولا تاخذيها= فما يبقى لى بعدها انا وحدى
اتركى خطابا اقرأه كل حين= فاسمع صوتك يردد كلماته يكفى
هذا عندى كل الامانى حبيبتى =لعلها تبدو بسيطه ولكن مع غيرى
فانا بقايا انسان تتعذب اياما =اشلاء قلب اصبح شىء غير قلبى
ضعى كلمة احبك فقد تصبح واقعا= ان اصبحت انا شخص غيرى

أول تاج

2008-04-29T17:15:00.002+03:00

ده تاج جانى من سنووايت
اذكر عشر اشياء عن نفسك
حاضر يا دكتورة

1- مسلم , مصرى , طبيب قريب ان شاء الله ادعولى ....... قولوا امين

2- باحب الشعر جدا جدا جدا جدا وباعشق كتابته وانا باكتبه باحس انى موجود باكتب من وانا صغير كان عندى 13 سنة , باكتب اغانى برضوة بس لمجرد الكتابة مش اكتر يعنى مش بابيع لدرجة انى ساعات بامشى فى الشارع الناس كلها بتبص عليا وتقريبا بيقولوا اية المجنون ده لا ده اكيد مش تقريبا

3- حزين بدرجة كبيرة ووحيد جدا حتى فى وسط اللمة والناس باحس بالوحدة وفى عز الفرحة باحس بالحزن وان فرحتى مش كاملة , مش عارف ليه الحقيقة ممكن بقيت عقدة عندى موضوع الوحدة والحزن ده بسبب نشأتى , الله اعلم

4- باحب اللمة اوى وباحب الضحك والهزار جدا وباعشق الجو ده برغم الحزن والوحدة اللى باحسهم

5- بيقولوا عنى ناس يعرفونى انى مغرور او بمصطلح اخر تنك بس انا مش كدا هما بيقولوا ده لمجرد انى معتز بشخصيتى ومبسوط بيها لانى انا اللى كونتها وعلمتها بفضل ربنا

6- باتعارف على الناس بسهولة جدا مهما كانت صفاتهم الشخصية و عشان كدا ليا اصحاب ومعارف كتير اوى لدرجة انى ليا اصحاب اكبر منى سنا بكتير وبيعتبرونى صديق مقرب وبياخدوا ارائى وبيعملوا بيها , وليا عمى صاحبى جدا وبرضوة بيعاملنى من المنطلق ده

7- بيقولوا انى علمت نفسى بنفسى زى ماقولت وده بيخلى شخصيتى مش متأثرة باللى حواليا عشان كدا بيستغربوا ازاى انا ابن البيت ده وانا نفسى اشهد بده انى شخصية مختلفه عنهم مفياش منهم غير طيبتهم

8- باحب اساعد الناس طالما فى مقدورى كدا وبازعل اوى اوى لما باحس ان حد مش مقدرنى بعد اللى باعمله ليه وحصلت كتير معايا بس عمرى ما ندمت الحمدلله على مساعدة حد بجد بابقى مبسوط اوى وانا باساعد حد اعرفه باى شىء اقدر اعمله

9- باحب التدريس جدا جدا وكانوا زمان بيقولوا انى هاكون مدرس والحقيقة اديت دروس كتير اوى بس مجانا لمراحل متفرقة ولمواد عمرى ما درستها اخر حاجة كان انجليزى لحد محتاجة انى اساعده فى الثانوية العامة وكان سبب سقوطه كذا مرة , بالاقى نفسى اوى فى التدريس واتمنيت لو اكون طبيب مدرس او مدرس طبيب بس ده مش هيحصل , نصيب الحمد لله

10- اخيرا وليس اخرا مبسوط بالناس اللى بدأت اعرفهم من التدوين ورغم الفترة القصيرة الا ان العالم التدوينى اضافلى حاجات يمكن مش كتير بس اضاف وكفاية معرفة الناس زى سنووايت ورودى واجدع بنوتة وصحفية روشة وساعد نسرين وناس كتير

التاج هابعته خمسة لمين امممممممممممممممممممم صعبة شوية طيب
ساعد نسرين الأيمن
بنوتة مصرية (رودى)
مستجدة ( ربنا يرجعها عشان طولت الغيبة )
وائل (ليه أصحاب بجد)
محمود نميس ( الشارد)

جارى تنفيذ الطلب باخبارهم ومش باعته للى باعتهولى

بلغ اللى بعتهولك بانك نزلته
يا سنوو ياسنووايت انا نزلت التاج يادكتورة يادكتورة التاج اهو

واخيرا فى حاجة غريبة اوى حصلت كذا مرة ليه كتير فاكرنى بنت يمكن عشان اسم wanna الله اعلم بس ياجماعة انا رااااااااجل
وكمان موضوع السماعة عشان خاطر سنووايت
يادكتورة لسببين هى مضيقانى وحاسس بعدم وجودها
الاول لان التعليم عندنا مش عاجبنى جدا وحاسس انى دكتور وناقصه سماعته يعنى انا اللى المفروض ادور عليها واستخدمها ازاى
محدش بيعلمنى الا من رحم ربى
والتانى ان باشوف الدكاترة بيستخدموا السماعة ساعات فى حالات مش محتاجه
لمجرد انهم يدوا انطباع للناس انهم كشفوا عليهم بس

تحياتى
سلالالالالالالالالالالالالالالالالالالالالالالالالالالالالالالالالالالالالالالالام

نحن .... والفتنة

2008-04-17T05:03:00.002+02:00

نحن تشير إلينا المسلمين
والفتنة تشير إلى الفيلم القصير الذى انتجه هولندى يدعى "جريت فيلدرز"

فقد وجدت الكثير من المقالات تدعو لمقاطعة بضائع هولندا..... وأنصروا الإسلام أيها المسلمون
وأنصروا الرسول وهذة العبارات الرنانة وكَثر الصخب حول هذة المواضيع

أولا بكل الفخر أنا مع أى إنسان ينصر الرسول الكريم عليه صلوات الله وتسليمه
ومع مقاطعة كل البشر إن أساءوا هم إليه....... ولكن

عندما قام رسام الكاريكاتير الدانماركى برسم الصور المهينه للرسول الكريم كنت مع المقاطعة
لأن دولته قالت إنها حرية أن يسىء إلينا وإلى رسولنا المصطفى صلى الله عليه وسلم ولم تردعه ولم تمنعه او حتى تقول أنه أخطىء

اما ذلك المدعو" جريت" فقد قامت دولته بالأتى
قال رئيس الوزراء" جان بيتر" أنهم رفضوا عرض هذا الفيلم تماما ولا يعنيهم كون هذا الرجل عضوا فى البرلمان
فهو لا يمثل رأى الحكومة
وقد عرض فيلمه فى موقع على الانترنت ...... فما علاقة هولندا ومنتجاتها بهذا

وإن كنت أرى فى الاساس ان هذة المنتجات لا نستخدمها إلا ثلاث او اربع فقط منها وكلها اشياء ثانوية لا تستخدم الا كل حين كنوع من انواع الرفاهية
وارى ان المواطن المصرى البسيط لا يستخدم منها الا نوعا ان سمحت له الظروف لذلك او نوعين
فهل هذة مقاطعه لا والف لا
لانها اولا لم تبنى على اساس سليم
لان الرجل صاحب الفيلم الذى حرف فيه بعض آيات القرأن قالت حكومة دولته انها ضده
وليعلم الجميع انا لا يعنينى شىء فى المدافعه عن هولندا او غيرها
كل ما فى الامر انى اريد ان نفكر قبل ان نتخذ خطوات نحو مواقف

فقبل ان نسال عن اساءتهم هل حافظنا نحن على ما قاله رسولنا الكريم
لا والف لا فانى ارى اناس يقولون المقاطعة لنصرة الرسول منذ ايام مقاطعة الدانمارك الناجحة والمبنيه على اسس صحيحة ومبدء سليم فى معاقبة دولة بمقاطعتها اقتصاديا لانتهاكها حقوقنا
بل ادت هذة الرسومات الى انتشار اكبر للدين

ولكن فلننظر لانفسنا اولا هل نفعل ما امرنا به سيدنا محمد صلى الله عليه وسلم
فلو اننا عملنا باوامره لما جعلنا انفسنا محط هذة الافعال ولا قام احد بتشويه صورتنا لاننا سنكون اقوياء لا تكسر شوكتنا

ولكن موقف الدانمارك كان موقفا قويا منا واحيينا عليه واتمنى لو نقف نحن تجاه ديننا وقفه قوية ونلتزم بتعاليمه

وندرس السيرة النبوية بتمعن
ونرى كيف كان رسولنا يعامل من يسىء اليه كيف كان يرد الاساءة بالحسنى فدينه دين سمح لا يسىء الى المسىء ويجازى المحسن فهو دين سمح يدعو الى التسامح والمحبة لا الى العداوة ولا ان نقابل الاساءة بالاساءة فورا
ولكن ان اصر جاحد او جاهل على الاساءة الينا فهنا يكون ردنا وبكل عنف وقسوة
فلو كانت الاساءة كلاميه نرد عليها وانا زادت الى القتال فالقتال
ومثال الدانمارك خير شاهد
واخيرا فلينظر كما قلت كل منا ويرى هل بداخله حقا تعاليم الرسول الحنيفه ويطبقها ام ندافع فقط عنه كلاما ولا فعل منا تجاه اوامره وتنفيذها كمسلمين نؤدى ما امرنا به

هدومو عروسة

2008-04-04T00:03:00.002+02:00

ما تستغربوش اوى كدا ... يابنى مش تتنح هاقولك دلوقت

هدومو عروسة يعنى هدوم (ملابس) للعروسة

ياعينى عالصبر شوفت يابنى الترجمة باعرف صينى او الصينى هو اللى بيعرفنى
الحقيقة ان الصينى هو اللى عرفنا وكشفنا وكل حاجة ممكن نتخيلها

واكبر دليل الشلالات الصينية ( قصدى الدلالات ) بس هما فعلا شلالات وانهمرت مياهها علينا وغمرتنا وغرقتنا

يوووووووووووووووه قول زى ما انت عايز مش كفاية انهم ماليين الاسواق بمنتاجتهم من الإبرة للصاروخ زى ما بيقولوا

بس الصاروخ ده اللى هو بتاع رمضان اللى العيال بتلعب بيه ( بووووووووووم على دماغ ابوهم وامهم )

الحكاية انى قاعد عند عمى وفجأة بنفتح الباب لقيت فى وشى ست مبجلة صينية الشكل لدغة ولا ما اعرف اية بتقول هدومو عروسة وبتنور فى ايدها بكشاف
اهو لو مش عندنا عروسة ناخد كشاف اى سبوبه للبنيه وخلاص
المهم قولنالها شكرا
قالت فى عروسة فوق ؟
قولنالها يمكن

المفروض ان احنا طبعا نرشدها دى ست غلبانه وشقيانه وبتجرى على الصين ( قصدى عيالها اللى فى الصين ) بس اكتشفت ان عيالها واقفين بره مش فى الصين
وطبعا لو دخلناها وقعدت تبيع كالعادة هتطلع من شنطتها كل حاجة وتقولك دى ب 60 دنية اللى هو جنية تقولها ب 20 تقولك ماشى خودها
خدنا ربنا يا شيخة حتى دى عرفتوها ( الفصال )

انا خايف الاقيها مطلعه عربية من شنطتها دى تكون مطبقة وبتتفرد ولا حاجة

بجد نفسى افهم لما احنا بنادى بمنع الباعة الجائلين والكلام ده سايبين دول بيبعوه بأى صفة
يعنى دى ولا خالتك ام محمد الدلالة ولا دى بتاعت الجمعيات جاية تكون جمعية عشان مزنوقه فى قرشين

دى جاية تعرض بضاعة من انتاج بلدها اولا
وتلغى منتجات كتييييييييييير بيسترزق منها ناس من البلد
ومابقوش لاقيين حاجة يبيعوها لان كله عند الست الدلالة فى الشنطة وبارخص الاتمان
ياترى الاقى معاها سماعة دكتور صينى حلوة كدا باتنين جنية ولا حاجة ؟
يا جماعة ارجوكم ارجوكم اوقفوا الشراء منهم مش تدوهم الفرصة يغرقوا اسواقنا ويقفلوا بيوت الناس
الناس دى تعمل اية بجد تعمل اية

اقولكم البسوا وش صينى ولفوا عالبيوت
وقولوا هدومو عروسة

العِمة دى من عصر المماليك ولا المليميك

2008-03-26T06:59:00.002+02:00

الحقيقة هو الاعلان بتاع الضرايب الاخير واللى قبله كلهم لذاذ والفنان محمد شومان دمه خفيف بس الضرايب دمها تقيييييييييييييييييييييييييييييييييييييييييييييييييل اوى على ناس كتير.

طبعا ده حق البلد ومحدش يقدر يقول عليه حاجة ,هو مش بالظبط , بس محدش يقدر لان الضرايب بتجيب فلوس من ناس معاها عشان نعمل مشاريع تخدم البلد ( اه والله تخدم البلد )
كل ما اعدى قدام محل افتكر الاعلان ده وابقى نفسى اقولهم العمة دى من عصر المماليك ولا المليميك ( حلوه المليميك دى جديدة ).

ليه بقا ؟ عشان كل ما اعدى قدام محل بتاع ملابس مثلا الاقيه كاتب السعر 50.99 طبعا 50 جنية وال 99 دى قروش هههههههههههههههههههههههههه
حلوه والله رجعنا لعصر القروش والملاليم عشان كدا باقولكم عصر المليميك.

واللى تلاقيه كاتب السعر 9.99 واللى كاتب 99.99 وهلمه جرا
والله ناس لذيذة ودمها خفيف يعنى انا لما ادخل اشترى هيدينى الباقى وقرش
هههههههههههههههههههههههههههه ولا هياكل عليا القرش
وطبعا القرش ده مش السمك لانه لو اداهونى هياكلنى لكن القرش ده هو احد العملات القديمة ايام الملك بقا وكدا ( عشان الناس الجديدة ) بتوع اليورو والجنية الدهب ( قصدى الجنية الفضة )

طبعا الناس الحلوة دى بتهرب بكدا من فئة محاسبة اعلى الى فئة محاسبة اقل
يعنى للى ملوش فى المحاسبات والضرايب وكدا
لما يقول ان السعر 50.99 قرش كدا مش دخل فى 51
ولما يقول ان السعر 9.99 كدا مش دخل فى 10
ولما يقول 99.99 يبقى مش دخل فى 100
وهكذا وهكذا .........................................

وبكدا يكون خرج بمكسب طبعا لان حضرتك لما تتحاسب على انك بتبيع القطعة دى ب 100 جنية غير لما تكون اقل من المية
ودى حاجات كلها بتحسب باختلاف السلعة ودى امور دقيقة مش هنتطرق ليها هنا
احنا طبعا بس بنتكلم عن العمة المليمية بشكل عام ومبسط
واضف عزيزى القارىء ( حلوة الجملة دى ) الى ذلك انه بيحط فى دفاتره انه استخدم الف لمبدة للانارة هذا العام واتكسر زجاج المحل وتم تجديده 10 مرات
وهكذا وهكذا ........................................

ويخرج فى الاخر ليه فلوس عندنا وعند الراجل اللى واقف بيتفرج قدام المحل ويخرج يطالبه بيها لانه مسكيييييييييييييييين وعايز يأكل ولاده اللى يا حرام بقالهم يومين نفسهم فى الباتون ساليه هههههههههههههههههههههه الحلو الساليه ده

يلا يابنى انت وهو نمشى بقا كفاية كدا مش نبص للناس فى لقمتهم لان اللى يبص فى حاجة غيره يزور

واخيرا احب التنويه ان فى ناس محترمه برضوة مش ننساهم
وسلام ختام ودقى يا مزازيك العمة دى بولتيك ومن عصر المليميك.

فلاش باك ...........وأنا بافتح الشباك

2008-03-15T17:52:00.002+02:00

طبعا كله بيسأل شباك اية ؟؟؟؟؟؟؟

مش شباك بيتنا ولا حتى شباك خالتك أم محمد لما تفتحه وتقف تبص تعدى خالتك أم على تقولها
ازيك ياختشى ؟ عامله اية؟
الحمد لله ياختشى عامله جمعية تخشى ؟؟؟
بس اقبضها الآول ....
وماله اّأقبضهالك وهى هتغلى عليكى ياختشى
ربنا يكرمك .... واية الأخبار ؟
أبدا اللى تنشك مرات ابنى مفيش فايده منها , والبت بنت زينات اتجوزت وقعت وقعه سقع بنت اللذين
ااااااااه ياختشى طول عمرها هى وأمها كدا
اااااه بلاش نجيب سيرة الناس .... اخش اشوف اللى عالنار

طبعا دى مش حكايتى .......

الحكاية والشباك كان شباك الآتوبيس , حيث انه فى يوم من الآيام قدر لىّ أن أركب الأتوبيس وأجلس وده معناه كبيييييييييييييييييير انى تقريبا قريب رئيس الهيئة او المعلم الكبير اوى سواق الأتوبيس , لأ وكمان جنب الشباك ........ المهم

كنت باصص قدامى وبعدين قررت اتنفس هواء أنقى قليلا من داخل الآتوبيس ,فنظرت جانبى وفتحت الشباك ....... وأنا بافتحه شوفت راجل عجوز كبير أوى فى السن يمكن يكون أكتر من 80 سنة بس واقف وعادى خالص والآتوبيس فضل ماشى وأنا لاوح دماغى وباصص ورا عالراجل العجوز ده وقعدت أسأل نفسى .....................

ياترى هأكبر لحد ما أبقى زيه ؟ ولو كبرت زيه ... هل هاكون مستعد للحظة الموت ؟
ياترى هأموت أنا الآول ولا هو ؟
ياترى هو بيفكر ونفسه يرجع صغير ... عشان مش يعمل الآخطاء اللى عملها
ياترى لما كان شاب زيى كان نفسه يرجع صغير لأن الذنوب ملت حياته ونفسه مش يكون عملها
ولا ماكنش عنده المغريات اللى موجوده فى زمنى أنا وكان أقل منى ذنباّ
الله اعلم ......................

ياترى تاب عن كل ذنوبه ؟
ياترى عنده أولاد ؟ وأد اية ؟
ياترى رباهم كويس وعلمهم الصح عشان مش يكرروا أخطائه ؟
ولا أهملهم وسابهم للدنيا تجيبهم يمين وشمال
ولو رباهم كويس واهتم بيهم ... ياترى هما بيراعوه دلوقت وفاكرين اللى عمله عشانهم ولا جاحدين بكل شىء قدمه؟
ولو مش أهتم بيهم ..... هل هما نسيوا ده وبيراعوه برضوة؟
ولا فاكرينه ومش قادرين ينسوه؟
ياترى أنا لو هابقى مكانه هأكون ربيت ولادى كويس .... علمتهم دينهم كويس
حزرتهم من مغريات الزمن والدنيا .... من الفتن اللى بقت ماليا الحياة

لو بقيت فى سنه هاكون عملت لمجتمعى حاجة كويسه
ولا هاكون زيى زى ناس كتير اتولدت وماتت ومش قدمت حاجة لغيرها
ياترى لو بقيت اده اللى يعرفونى هيكون حبين وجودى وسطهم
ولا هيكونوا بيتمنوا موتى ؟؟؟؟؟؟؟؟؟؟؟

ياترى هاكون توبت عن كل الذنوب واستغفرت ربنا وعدت اليه ولا لآ ؟
قعدت أقول لنفسى كلام كتيييييييييييير
أخره كان ياترى الآتوبيس ده لو عمل حادثة وخبط الراجل ده وموتنا دلوقت أنا وهو
ورغم طول عمره وقصر عمرى مين فينا ذنوبه هتكون أٌقل ويدخل الجنة ؟
الله واعلم .............................

واتاريه كان فلاش باك فى حياة الراجل العجوز بس نظرة مستقبلية فى حياتى أنا

تحرير الرجل ................ حررونى يرحمكم الله

2008-03-11T17:55:00.002+02:00

أولا تأخرت كثيرا فى هذا البوست لظروف لدى
كان لابد من الرد لأنى وعدت الآخت سمسمه بالرد وسأرد حالا .

بل وصلت بكثير من بنات حواء أنهم أصبحوا يرتدون تلك الملابس من أجل جذب الأنظار .... فكيف بالله عليكم لا تزداد نسب الإغتصاب والتحرش الجنسى فى مجتمعنا المسلم.
حواء أصبحتى تريدين العمل أصبحتى تأخذين مكان الرجل ولكن وجدتك تتحكمين فى عندما تكونين ذات منصب وأطلب منك طلبا
وجدتك تنظرين لي بإحتقار حين أكون واقفا أمام مكتبك أقدم أوراقاّ نعم هذا ما يحدث

وجدتك تتسلطين عندما تكونين مدرستى .... تتعالين على زوجك فى بيتك لآنك وصلتى لآبعد مما وصل اليه
حواء لقد كان فى الماضى دورك هو البيت ومساعدة زوجك حتى خارج البيت
ودور آدم العمل من أجلك وأجل أولادك فتتقاسمان الحياة معاّ دون أنانية من أحد منكم
الآن وجدتك تتركين منزلك معظم الوقت ولا مجال له أو لهم وتقولين حرية المرأة
وجدتك تمشين فى الشوارع بملابسك المبهرجه ومكياجك الملطخ لوجهك ... من قال أن هذا جمالآ بل هذا عفوا وقاحة وخروج عن الدين .

لماذا تفعلين هذا وتقولين لماذا ينظر لى الناس إنها حريتى الشخصية ... وأيضا هى حريتهم أن ينظروا أى اتجاة يريدون.
حواء وجدتك تريدين الخروج ليلا لما يخرج آدم وأنا لا

وتتعجبين لماذا ينظر لكى الناس ويتربصون بكى ... وهل قال الدين ذلك أن تخرجى فجرا

فلتعلمى عزيزتى حواء حين تتركين الدين يتربص بك الشر بكل انواعه.......... نعم هذا يحدث .
حين لا تلتزمين بعفتك وحياءك المعهود تفقدين أنوثتك وحريتك وكرامتك وكل ما تملكين .

تتعجبين لما يريدوكى أن تتزوجى لآن تلك سنة الحياة

فاآدم أيضا يريدوه أن يتزوج هو الآخر لنكمل مجتمعنا ونعمر الكون

ولكن لا يستطيع أحد اجبارك على شخص بعينه هذا حقك كفله لكى الله....... نعم هذا صحيح.
ولكن اذا لم تتزوجى قبل فوات الآوان كيف تعمرين كون الله

وأنت لن تنجبى بعد ذلك كيف تربى أولادا صالحين ليكونوا لك ثقلا فى ميزان حسناتك

عزيزتى حواء لم تعودى مثل قبل فأنت الآن أكثر حرية مما يجب بل أنت الآن من يقيد الرجل ويجعله ينساق وراء الشهوات حين فرطتى فى دينك واحتشامك الا من رحم ربى
حواء اتركى لآدم بعض من الحرية فلقد أخذتى حتى دوره فى الحياة وأصبح هو لا يجد عملا أصبحتى تريدين العيش وحدك وأنت شابه فلا تتزوجى ولا يجد هو عروسا فيذهب وراء الرزيلة ومن يندم أخرآ هو انتى حين تجدى نفسك فى أواخر عمرك وحدك..... نعم هذا ما يحدث

حواء اخلعى ملابس الغرب وملابس الرجال وارتدى ملابس حواء التى يجب أن ترتديها واتركى آدم بلا اغراءات فى الطرقات ولا تخدرى عقله وتغيبيه
حواء لا احد ينكر حقك فى كل شىء دون الخروج عن الشرع دون المساس بدورك الرئيسى والذى لا يستطيع القيام به الرجل .....نعم لا يستطيع
حواء اتركى آدم يجد عملا ومكانا فى المواصلات وفى كل مكان فقد أصبحت أكثر من الازم دون داعى تاخذين مكانه بلا جدوى هذا صحيح

حواء حررى آدم حررونى يرحمكم الله.....................

آليس فى بلاد العجائب

2008-03-09T22:50:00.002+02:00

كلنا نذكر هذا المسلسل الكرتونى الذى كانت تبحث فيه الفتاة آليس عن سعادتها ووجدتها فى عالم غريب وعجيب تحكم سيدة وكل أفراده هما ورقات للكوتشينة ونحن أيضا نبحث عن السعادة فى دنيا العجائب فهل نجدها ؟؟؟؟؟؟؟؟

وصلنى من أحد معارفى أن فى جامعة الزقازيق كلية التربية تحدث مهزلة بكل معانى الكلمة اذا استمر الحال كما هو عليه
فهناك دفعة من المعيدين مهدده بالفصل لما..... لأن أحد الطالبات زميلاتهم فجأة وبعد عام ونصف من تعينهم تزكرت أنها كانت تريد التعيين معيدة دون وجه حق فهى ال70 على دفعتها فى الكلية والتعيين فقط ل 11 الأوائل
فقامت برفع قضية على الجامعة تطالب بحقها فى التعيين وشكرا لمحامين الجامعة الآعزاء فقد لم يتقدموا بمستنداتهم لما...... لست أدرى
وقال أحدهم كلاما لا يدل على أنه يدافع عن الجامعة

وصدر قرار بإيقاف المعيدين عن العمل لحين إثبات أحقيتهم وأيضا نص الحكم على عدم أحقية الفتاة فى التعيين ( عجيبة )
ثم استمرت المهزلة حيث لم يخطر أحد المعيدين إلا بعد فوات الآوان وانتهاء المدة القانونية للإعتراض
ثم توصلوا لحل وقامت القضية من جديد ويأتى محامى أخر ليقول لهم أنا تعبان مش جاى الجلسة (نعم يا حبيبى ومين يترافع عن الجامعة)
ويأتى الأول الذى طلبوا عدم اشراكه فى قضيتهم (لمصلحة من كل هذا ) الله اعلم
ثم يعلموا أن القضية كانت لها جلسة مسبقة ولم يحضروا وليس هناك جلسة هذا اليوم ( عجيبة )
وأن الحكم سيصدر بعد أسبوعين من الآن
أعزائى 11 معيدا مهددين بفصلهم ولمصلحة من لا ندرى دون سبب وجيه
فقد تعبوا وكدوا وجدوا فى دراستهم وحصلوا على مراتب الشرف من أجل هذا التعيين ثم يحدث ما يحدث ولمصلحة من ( عجيبة)

أخبرنى بذلك ....... أحد المتعجبين فى بلاد العجائب .

مصطفى

2008-02-26T17:28:00.002+02:00

مصطفى ده مش اسمى ولا اسم واحد صاحبى
ده اسم انسان كان نفسه يعيش وتكون العيشه هنيه وهنيه دى مش اختى ولا اخته
لا دى السعادة بكل معانيها فى الدنيا ديه .
بدء مصطفى يبص حواليه ويشوف ويفكر ازاى هيختار حياته ويبدء طريقه...
بص شاف طفل صغير بيحبى على الأرض وأمه غايبه عنه وراها شغل عشان فلوس أبوه مش بتكفى إنهم ياكلوا.
وأبوه مسافر بره ومش جنبه والواد بيصرخ اااااااااااه ومفيش ناس يسمعوه .

بص تانى فى ناحيه تانية شاف عيال كتير فى مدرسة مش لاقيين لا مدرس ولا مدرسة كلهم غايبين سابوا المدرسة وراحوا للدروس المتخصخصة (الخصوصية)
عشان مرتبهم مش مكفى ومش مهم العيال تروح المدرسة.
شافهم قاعدين فى زحمة وضيقة قاعدين على حرف الدكة واللى واقفين فى السكة مش لاقيين مكان .

بص ناحية تانية لقى واحد أكبر شوية بيقولوا عليه فى الثانوية ......
بينط من فوق سور مدرسته رايح فين .... رايح يلعب فى سايبر ولا يشرب شيشة عالقهوة ..... ليه كدا يابنى ؟ ياعم يعنى لو زاكرت هاعمل اية ما انا كدا كدا هاقعد عالقهوة.

بص ناحيه تانية لقى واحد أكبر شوية بيجرى ورا الفلوس عايز يلحق يكون نفسه
ويلاقى عروسة تناسبه عشان سنة عدا التلاتين ومش لاقى وقت حتى يسأل على أهله ...
بص ناحية تانية لقى أب بيحوش عشان ولاده يتعلموا وبالعافية يادوب بيقدر يكفيهم
واهو حارم نفسه و حارمهم من حاجات كتييييييييييير ولا لاقى وقت يعترض على حاجة فى دنيته ويجيب منين وقت يعترض.

وبص فى ناحية تانية لقى ناس بتحاول تعترض على الحال اللى مش عاجبهم
ومممنوعين منه ومتكبلين ومبعودين عنه وكل واحد غصب عنه غير كلامه وساب غيره لهمه .

وبص فى الشارع لقى دنيا زحمة ومواصلات مش نافعه ....وشباب عالناصية وبنات ماشيه وضلت طريقها....... وولاد بتشرب أى حاجة تقابلها وتقولك عشان تنسى........ وعيال بتشتم بعضها وتجرى بالعصى وتضرب اهلها.... وأهل متفرقين وأخوات متخاصمين وجيران مش طايقين كلمة من بعضهم ......وناس بتحكم ناس ومفيش عدل عندهم وناس بتكره السلام وناس بتحب تموت بعضها........ وناس عايشه فى الدمار وناس الدمار عشقها
وناس تخون وناس تبيع أرضها وناس تشترى......... وناس بأرخض الأتمان تبيع عرضها
وناس بتاخد حق غيرها ومش بتراعى ضميرها........... وناس بتاخد رشوة فى درج مكتبها عشان تمشى مصلحة غيرها وناس مش باقي عندها ضمير.... وناس ........وناس ......وناس...................

بعد ده كله مصطفى قرر يموت فى بطن امه ومش يتولد للحياة ويعيش اللى عاشه اللى قبل منه .

تاتا خطى العتبة

2008-02-21T07:31:00.002+02:00

تاتا دى مش المروحة الصينى اللى مش بتجيب هوا لا
ولا العتبة دى اللى هى جنب الموسكى وفيها محلات أينعم مفيش حد بيشترى بس فى محلات
المهم ان العتبة هى عتبة الكلية كلية اية ؟؟؟ كلية الطب يا جدعاااااااااااااااااااااااااااااااااان .

فى أول يوم دراسة داخلين من الباب لقينا عمنا مسرور اللى واقف عالباب بيقول
الكاررررررررررررنية بعد إذنكم
احنا الدفعة الجديدة مش معانا كارنيهات (ده احنا طبعا بكل فخر بنرد)
طيب بطاقة الترشيح ..........

طبعا بطاقة الترشيح دى مش بتاعت الانتخابات اللى احنا مش بنعملها ولما بنعملها مش بنستخدمها عشان مش بنلاقى حد نرشحه وان لقينا بنلاقى الدنيا زحمة وهرجله فبنروح وناخدها من قصيرها (معايا يا بشر ) والترشيح برضوة مش ترشيح المياه اللى بنشربها ولا حتى ترشيح وتنقية مياة الصرف لاعادة شربها مرة اخرى يع يع يع اه صحيح هما بيكرروها ؟

بطاقة الترشيح دى اللى المفروض بتقول انى ما شاء الله عليا وخمسه وخميسه فى وش اللى ما يصلى عالنبى انى دخلت الطب عشان واد جامد ودحيح وجبت مجموع فى الثانوية.
المهم
طلعت المدرج ومعايا أحمد صاحبى فاكرينه طبعا بتاع عبده ........
وبعدين المدرج ملياااااااااااااااااااااان بشر كله بقا جاى يحضر مفيش مكان نقعد طبعا لاننا جايين متاخر................
ليه !!!!!!!!!!
عشان المواصلات مش موجودة فى المكان اللى ساكن فيه وبتوع الهيئة لو ربنا نتعهم بالسلامة وجم مفيش مكان الا بقا على المرايا واللى موجودين ممنوعين من المشى وشكلنا كدا هنقضيها مشى .

المهم قعدنا على الارض فى اخر المدرج ودخل راجل محترم اوى ولابس بدله وشكله يبان عليه العز دكتور بقا هههههههههههههههههههههههههه .
بدء الراجل فى الشرح وكان يستخدم اللغة الهيروغليفية الحديثة (أقصد الإنجليزية) بس كانت بمثابة هيروغليفى لينا لانه بيقول كلام جديد علينا وكل كلمة يقولها انجليزى فى انجليزى
ومصطلحات غريبة ولا كلمة عربى وكأننا بقالنا سنين فى الكلية وطلع يا اخويا الانجليزى بتاع زمان ده مش انجليزى ( دلوقت عرفت ليه كان بيقوله انجليزى ده يا مرسى )
اتارى الانجليزى حاجة تاااااااااااااااانية خالص ................................
بس كان فى ناس فاهمه

اااااااااااااااااااه دول بقا بتوع المدارس التانية ملناش دعوة احنا
انا طبعا مدارس الحكومة ومالها يعنى ما هى خرجت واد زى الفل ودخل طب اهو .
وكتر خير الحكومة انها عامله مدارس حلوه زى دى وبتخرجنا على الطب
وتعيش الحكووووووووووومة ومدارس الحكوووووووووووومة وتسقط العنطزة .

انتهى الراجل من الكلام والرغى التمام وأنا بارفع ايدى اصقف لقيت احمد بيمسكها

فى اية يابنى عايز اصقف
تصقف اية دى محاضرة يابنى
ياعم وانا مالى انا باشوفهم بيعملوا كدا فى التليفزيون مش بيبقوا فاهمين حاجة وبعدين الراجل يخلص كلام يروحوا مصقفين
هما مين دول يابنى
أنا اعرف اهم ناس كتير رجاله على ستات يوووووووووووه ما تعدش
يابنى اصحى دى كانت محاضرة مش مؤتمر
اااااااااااااااااااااااااه قولى كدا اصلى نسيت احنا فين اصلا كنت نايم لا مؤاخذة
يادى النيلة كله نايم
ما هما برضوة بيناموا ياعم جت عليا ده حتى هنا مفيش تليفزيون يصورنى
كمان يصورك
ايوة ياعم هو أنا شوية
ليه يعنى أنت مين
أنا دكتوررررررررررررررررررررررررررررررررررررررررررررررررر
ههههههههههههههههههههههههههههههههههههههه مش باين يعنى شايفك نايم
ياعم واية يعنى هو الدكتور ما بينامش يعنى
ياعم القمور مش كدا
امال ازاى
يلا يابنى انت مسطول يلا .....يلا يا حبيبى خلينا نروح السكشن
سكشن !!!!!!!!!!!!!!!!!! يعنى اية
هو انت مش من الكلية ولا اية
طبعا من الكلية انت بتقول اية
كلية اية كلية الطب يا جدعاااااااااااااااااااااااااااااااااااااااااااااااااااااااان.

فى إنتظار الصباح

2008-02-20T05:38:00.002+02:00

وجلست مليا تفكر.....
هل أنام ؟ فلربما أحلم به .....
هل أظل يقظة ؟ فأنا فى اليقضة أحلم به ......

ظلت الآفكار تدور بعقلها .......... سأمسك بيده وأخبره ألا يغيب مرة أخرى
ففى الغياب أموت كل لحظة من الوحدة ........ سأمسكها وأرقص معه رقصة جديدة فالرقص بين يديه حياة أخرى ........ سأمسكها وأنام على كفه و أزرف الدموع واحدة تلو الآخرى حتى يعلم كم فى الفراق تزداد اللوعة.......... سأمسكها وأجوب معه الطرقات وأقول هذا حبيبى وأقولها له مع كل خطوة ................. سأمسكها وأقبلها وأقول له كن لى أم أرتمى فى صدرها حين الضيق , كن لى أب يرشدنى حين أََضل الطريق , كن لى صديقا حين أحتاج رفيق , كن لى إبتسامة وقت الضيق , كن صبرا حين لا أطيق , كن عفوا عندما أكون من المخطئين , كن لى نجاة حين أكون من الغارقين , كن .....وكن..... وكن ..... وكن ..... أشياء كثيرة سأخبره بها وحده فأنا ملكه وحده .

ستأتى الشمس بنورها وسيأتى معاها حاملآ أيام عمرى بين عينيه لأعيشها دون حزن سيطغى نوره على نور الشمس وسيعرف الكون كله كم ....أحبه ....أحبه.... أحبه .... أحبه.

كان قلبها يدق فتدق عقارب الساعة وتمشى خطوة يسرع قلبها نبضا فتنظر للساعة لربما يسرعها قلبها وتنظر إلى ساعتها فى ترقب بالله عليكى اركضى اركضى فمرورك هو قرب للحبيب .

جالسه أمام الشرفة وعينيها على الحائط تترقب عقارب الساعة تدور العقارب وتدور الأفكار

فى رأسها والليل يمضى بطيئا وكأنه الدهر كله ولكن الآمل داخلها يجعلها صابره وتفكر فى

كلام ستقوله له حين تراه , كلمات كثيرة قد هيأتها داخل عقلها لتقولها له .

سأقول أحبك بجنون سأخبره بالفم وبالعيون , سأقول أذوب أذوب من الحنين , سأقول لحظة
غيابك تمر سنين , سأقول حبيبى عمرى لو قضيته حبا لك فهو قطعا شىء ضئيل
سأقول ....... سأقول ......... سأقول ...............................

وفى غمرة نشوتها يد تمتد نحو الشرفة تيقظها وتقول لها ماذا بك ........

فتنظر فى ذهول وتعود ذاكرتها فإنه حلمها المعتاد منذ أن فارق حبيبها الدنيا وهى تمنى نفسها

أن تنتظره يوما ويأتى لها فى الصباح مع قدوم الشمس فلقد كانا على موعد فى صباح يوم ولم

يأتى لأنه فارق الدنيا وقتها ومن يومها وهى فى إنتظار الصباح .

زى انهارده

2008-02-19T04:00:00.002+02:00

أكيد كله هيسأل اية هو اللى زى انهارده

زى انهارده من كام سنة ساعات بانسى وساعات بافتكر ااااااااااااااااااااااااااااااااااااااه

23 سنة اتولدت فاكرين طبعا اليوم اللى امى جابتنى فيه وجدتى زغرطتلها وابويا هلل وقال جالى ولد

وعدا بقا ايااااااااااااااااااااااااااااااااااااااام كتير وكبرت كبرت اووووووووووووووووووووووى
اسمحولى ابعبر قصدى اعبر عن احساسى فى اليوم ده بيبقى اية وانهارده يا جماعة استثناء
باكتب عشان عيد ميلادى بقا وكل سنة وأنا طيب ويارب السنة دى تبقى أسعد وكفاية بقا كأبة

انهارده يوم غير كل ايامى
يوم اتعودت اعيش وياه احزانى
وافكر وارجع بالوقت ايام وليالى
والاقى جرح وحزن ودموع بتملانى
انهارده المفروض جميل وغصب عنى
باكتب كلام مليان اهات بتشكى احزانى
ليل طويل وسنين كتير مليانه
مليانه وهم وحاجات كتير ملخبطه كيانى
انهارده يوم غريب دايما يعدى
انهارده هو يوم احزانى يوم ميلادى

الأوله بسمله

2008-02-15T17:16:00.002+02:00

جه جواب التنسيق بيقول انى دخلت كلية الطب ياحلاوة يا ولاد هابقى دكتور .

ومن يوميها واللى يقولى يا دكتور واللى يقول يا دوك والحمدلله محدش قالى يا دوج ولا يادك.. طور.

طبعا قبل الكلية قالك فى كشف طبى كشف طبى مين ليه داخل الجهادية يييييييييييييه قصدى الحربية ده انا قديم اوى .

قولت وماله نروح نكشف اهو نطمن عالصحة اللى مش موجوده اصلا واهى 20 جنية هندفعها ونعرف اية اللى عندنا ونتعالج لو فيه حاجة .... قشطة .

وروحت ياخويا ودخلت لقيت دكتوره زي الفل لابسه بالطو ابيض وماسكه سماعه....
اكشف صدرك... كشفت حطت السماعه وشالتها اتفضل روح ..... نعم أروح جاى من بيتنا عشان كدا يا نهار اية الجمال ده ؟ طيب ماشى حاضر هنروح شكرا .

وهكذا بدءت الكلية بخدعة الكشف الطبى ادفع كيف تكشف, فدفعنا ...... واتكشفوا هما,
ييييييييييييييه اهو بقا هنبدء نعك ونغلط فيهم, بلاش بلاش خلينا جنب الحيطة , صح كدا؟.

المهم انى طلعت سليم معنديش امراض طيب مش كانوا يحللولى انا باحب التحاليل اوى....

التحاليل الطبية مش الرياضية ما تفهمونيش غلط هما صحيح الاتنين هنا زى بعض غلط فى

غلط بس مش مهم اهو حاجة بتسلينا والسلام,

والسلام احسن من الحرب ,والحرب مش وراها غير الخراب ,والخراب بيجى من عدم الالتزام, والالتزام مش موجود عندنا, وعندنا كل حاجة تمام, تمام يا فندم المذنب فى الحبس, والحبس مش للمذنبين, والمذنبين احرار ,والاحرار مش عايشين, والعايشين مش لاقين اكل, والأكل عايز أرض, والآرض اتبنت مبانى, والمبانى بتقع على دماغنا, ودماغنا مليانه حاجات مش فاهمينها, وان فهمناها مش بنقدر نعملها ,وان عملناها مش بنكملها, وان كملناها بنموت بعدها

,هو فى اية اللى أنا باقوله ,

خلينا فى التحاليل الرياضيه اهو بتحس برضوة انك مش بتتفرج عالماتش وبس لا بتفهم بيحصل اية .قال يعنى خلاص لما الحكم يدى انذار لازم يشرحولنا ليه اده اللعيب ده انذار وهما اصلا عايزين الطرد من كل البرامج .

,خلينا فى الملوخيه احسن ,

الملوخية اكله جميله ممكن تاكلها ممكن تشربها لو عايز ولو مش بتحبها ممكن تشربها للى جنبك ,زى الملفات الكتير فى الشغل لما تديها لواحد بيحب يشتغل وتروح انت ما انت معزور وراك شغل تانى ,مش ده الموضوع اللى كنت باتكلم عليه ,

ياااااااااااه دايما بانسى يا جماعة قولت فكرونى انا نساى , أقصد الكلية , كلية اية ؟ كلية الطب يا جدعاااااااااااااااااااااااااااااااااااااااااااااااان.

..............

عبده

2008-02-15T14:11:00.002+02:00

ياترى مين عبده ده ؟ هاقولكم استنوا .
فى يوم قبل الكلية باكلم واحد صاحبى مامته ردت عليا فى التليفون طبعا

ازيك يا طنط؟ الحمد لله ازيك انت يا عبده .مين عبده ده انا مش اسمى عبده ده طبعا انا باتسائل سرا .
تقريبا يمكن فاكرانى البواب بس.... لالا احنا فى منطقه مش فيها بوابين طيب يمكن عبده السفرجى برضوة لا ......معندهمش الله امال مين عبده ده .ايوة يا طنط احمد موجود ؟ لا مش موجود يا عبده. برضوة عبده طيب امرى لله عبده عبده

الصراحه انا خوفت اسألها لتقولى شفيق ياراجل بس برضوة مين شفيق لا لالالالالالا هاتجننننننننننننننننننن

المهم انى قفلت وبقى شكرا اسمى عبده وهذا اصبح اسمى عنوة ودون ارادتى وبقيت انا عبده وعبده انا ولكن لازلت لا أعرف هل انا السوفرجى ولا الطباخ وليه اصلا بقيت عبده

البداية

2008-02-13T00:14:00.002+02:00

زى أى أم لما بتفرح بابنها اكيد امى فرحت والناس قالوا يابختها دى جابت ولد ياسعدها
واكيد امها زغرطتلها وابويا بقا هلل وقال ياجدعااااااااااااااااااااااااان جالى ولد.

ولما كبرت شوية بدءوا الناس حواليا ياترى ياكتكوت نفسك تطلع اية طبعا قولتلهم ظبوط
(قصدى ظابط يعنى) معلش كنت لسه صغير .
وبعدين لما كبرت شوية من جوايا اتغيرت .....بصيت حواليا نفسى اطلع اية
تخيلوا ...........
منادى على ميكروباص غريبة شوية بس اهى احلام طفولية .

ولما بدءت اكبر حبه بحبه لقيت جوايا امنية نفسى اكون دكتور والبس بالطو ابيض
والناس فى مستشفى بتقول يا دكتور يادكتور وهكذا .......
لا وماكنتش مهتم يعنى لا بازاكر ولا الكلام ده .

اااااااااااااااااااااااه نسيت اصلى عايش فى بيت جدى من و أنا عندى سنة يمكن أكتر شوية
الله يرحمه مات وانا فى الإعدادية كنت فى تالته اعدادى .فترة شقاوة ويمكن صياعة شوية.
ولما نجحت بقا ودخلت الثانوية العامية (قصدى العامة) أنا دايما كدا بانسى حطوا املهم عليا
وكل اللى كان نفسه يطلع حاجة ومش طلعها عايزنى اطلعها .....
...... الله ..... الله ..... طيب ماتجبيولى سلم اطلع لكل واحد شوية بس سبونى اطلع نفسى الأول وصدوقنى انا مش هاتحول .

جيت بقا قال اية جبت مجموع عالى فى سنة تانية بس ولقيت الناس كلها بتكلمنى حتى العيلة .... العيلة !!!!!!!!!! لآ لآ لآ لآ لآ دى حاجة غريبة عليا أنا مش مصدق (بركاتك يا ثانوية)
والكل بدء يسأل من تانى نفسك تطلع اية (الصراحة كان نفسى اعمل زى الحرامية والم فلوس كتير)قولتلهم طبعا دكتور فرحوا قالوا يا حلاوة فى العيلة هيبقى دكتور وقروا عليا .
وعلى رأى المثل ياناس شر كفاية قر ...............
رقدت بقا فى السرير أيام وأيام ولا حد سأل عليا (معلش يابنى هى دى الدنيا )
ده طبعا أنا باصبر نفسى .

وعدت كمان سنة تالتة وياحلولى يا حلولى دخلت الكلية كلية اية يابنى
ههههههههههههههههههه كلية الطب يا جدعاااااااااااااااااااااااااااااااااااااان.

بسم الله الرحمن الرحيم

2008-02-13T00:12:00.002+02:00

تعالوا سوى نبتدى والله اعلم امتى هنتنهى على فكرة دى حكاية يمكن فيها حاجات شبه حكاية ناس كتير وفيها حاجات بتاعتى وبس يعنى اكيد مش كل الناس مرت بيها بس شبه حاجات مروا عليها