Thursday, May 22, 2008

شيخوخة اجتماعية


صدق أو لا تصدق يوجد 60 ألف حالة طلاق سنويا فى مصر
على الرغم من أن معدل الزواج يترواح ما بين 40 – 50 ألف حالة زواج سنويا
أى أن معدل الهدم أكثر من معدل البناء وعندما يحدث هذا نسميه شيخوخة
وعندما يكون معدل بناء الأسر أقل من هدمها فهو شيخوخة ولكنها شيخوخة اجتماعية نعم هكذا هى
لربما يقول البعض أنها شيخوخة مبكرة ولكن أنا أقول لا إنها شيخوخة حتميه وفعليه وهذا وقتها نعم بالفعل هذا وقتها ....................

فمنذ فترة ليست بالقليلة بدء مجتمعنا فى الانهيار وتوالت سقطاته وانحداراته
فيرى السائر منا فى طريق ما ان المنظر العام للمجتمع يبدو غير واضح
تشوبه اشياء خاطئة كثيرة نتجت عن انفتاح ثقافى خاطىء وتربية منزلية غير سليمة
وغياب التوعية فى المدارس والجامعات
فانهار المجتمع وانحدر الى الهاوية فزادت حالات الطلاق لما ؟؟؟؟؟!!!!!!!!!

كثير من الاسباب لا يمكن حصرها فهناك منها الشخصى والاجتماعى ولكل منها اثر
فترى المجتمع وما يحدث فيه جعل كل طرف يكون سببا للطلاق
فالرجل تارة مخطىء والمرأة تارة اخرى هى المخطئه

اولا الرجل :
1. يشعر الرجل لدينا بانه سيد الكون وانه لابد وان يكون المسيطر حتى ولو بالعنف
2. بعض الرجال لا يعيرون للمرأة اهتمام سواء فكرى او عملى
3. البعض لا يسمح للمرأة بالعمل لمجرد انه يرى ان هذا شىء خاطىء ولا يصح
4. جزء من الرجال يسخر المرأة لملذاته فقط وينسى كونها انسانة
5. البعض يريدها تعمل كى تجلب المال وهو يجلس فى البيت
6. اخرون يريدونها تربى الاولاد وهم لا يريدوا مشاركتها


ثانيا المرأة :

1. تريد العمل وتنسى كثير بيتها وتهمله
2. احيانا لا تحترم زوجها وتنظر له انها حققت كل ما تريد ولا تريده
3. تهمل فى ملبسها ومنظرها الخارجى
4. وتزيد اعباءه بطلبات غير قادر على تحقيقها
5. قد تكون تزوجته لمجرد الفرار من بيت ابيها
6. احيانا تكون ملتصقه باهلها لدرجة تركها منزلها


هذا جزء بسيط من سلبيات الناس وليس كلها انها بعد الزواج
اما قبله فتجد

الشاب :
يبحث عن فتاة جميلة تلبس افضل ما يتيحه عالم الموضة ويبهره منظرها الخارجى
وكم هى مرحة و يستطيع التنزه معها او ربما اكثر من ذلك
فكل ما يجذبه هذا فقط وينسى الصفات التى تحدد هل يستطيعوا ان يكونا زوجين ام لا


الفتاة :
تبحث عنه كم تبحث عن البودى جارد الخاص بها لتجعل صديقاتها تغار
تريده روش بمصطلح الشباب فعندما تريد التنزه يسمح لها تذهب للسينمات وحدها او معه يسمح تتأخر فى الخارج شىء عادى له هكذا تحبه


كل هذا يجعل الصدام شديد فى بيتهم ويختنق الزواج وربما يكون هناك اطفال
كل هذا نتاج ضياع اجتماعى شديد وغياب التربية السليمة فقد اصبح المثل الاعلى مطرب او ممثل او ممثله
وايضا لا توجد الاسس الدينيه بجوار الاسس الاجتماعية السليمة لبناء الاسرة



تزييل
بما ان الحديث عن الطلاق فكم من الاطفال ضاعوا بسبب ذلك ونرى قانون الحضانه قد اتاح للحاضنه ان يزيد السن الى 15 عام للنوعين الذكر والانثى
بعد ان كان 11 للأنثى و 13 للذكر فبهذا الشكل اهمل وجود الآب
فكيف ينشىء طفل يعرف ان والده موجود ويريده ولا يستطيع ونحرمه من دوره فى تربيته وهو يحتاج هذا الدور لما نظلم الاولاد بذنب الاباء وهذا ايضا ينتج عنه طفل غير سوى نفسيا وتتكرر مأساة الطلاق معه ربما
وقانون الرؤية الذى يسمح ب 3 ساعات اسبوعيا فى مكان عام
كيف هذا 3 ساعات اسبوعيا اى 144 ساعة سنويا
اى 6 أيام فى السنة هل هذا ينشأ اطفال اسوياء
وهل هذة علاقة سوية بين أب وأبناءه وأين باقى اسرتهم حيث لا يجوز لغيره أن يراهم
البعض يقول يسمحوا بيوم فى الاسبوع أره قليل
فدعوه يكون أسبوعا فى الشهر ولتعد الحضانة لما كانت عليه

وفى النهاية انها شيخوخة اجتماعية أو إنه جيل المطلقات

14 comments:

Anonymous said...

فعلا" عندك حق يادكتور
بس عارف المفاهيم كلها عن الزواج اتغيرت والناس بقى عندها الجواز ده حاجة كده زى ماتيجى تيجى بس المهم يتجوزوا وخلاص
اكيد لو الناس طبقت معايير معينة فى البحث عن شريك الحياة اكيد الموضوع هيفرق كتييير
كمان لو الناس تعرف اد ايه العلاقة دى مقدسةكانوا فعلا" قدروها كمان لو عرفوا الولاد اللى بينهم دول هيبقوا اما حجة ليهم او عليهم كانوا برضو قدروا مسئوليتهم
انا مبتكلمش على عموم البشر بالعكس فى امثلة كتير فوق الرائعة
بس فعلا" مشكلتنا.... اللامبالاة

Anonymous said...

يادكتور بجد موضوع مهم وافكارك سليمه بجد

واعتقد ان حضرتك حطيت ايدك على المشكلة

واعتقد انه ان عرف السبب بطل العجب

والحل في ايدينا ان احنا نطور شوية من طريقة تفكيرنا ومنبصش زي مابيقولوا تحت رجلينا

تحياتي

Anonymous said...

اه شكلك كده هتسيب الطب وتحول حقووق قسم أحوال شخصيه ماشي وماله.

المهم بالنسبه للطلاق والكلام ده فانا بعتقد ان النديه في التعامل بين الراجل والست هيا اللي بتجيب المشاكل ووجع القلب سيبك من اخطاء الرجاله لان علي مدار السنين واحنا عارفين ان الراجل مليان اخطاء والست بتستحمل وتعيش عشان خاطر ولادها دلوقتي لا مبيحصلش انت بتصرف وانا بصرف زيي زيك ونسينا ان مهما كان الراجل راجل والست ست يعني المفروض نتتجه لدينا شويه واللي بيقول الرجال قوامون علي النساء ومفيش مانع يعني لو واحد شد والتاني سيب والعكس عشان المركب تمشي بس للاسف مبيحصلش . واعتقد برضو ان العيب الجزري من الرجل لان الست بتحب الرجل الشخصيه القويه يعني لو فوتلها مره يشرب بقي بالشفا ان شاء الله اللي هيحصلو.
اسفه عالاطاله بس موضوعك كالعاده هادف وجميل.
تقبل مروري سلام

Anonymous said...

والله معاك حق بجد الموضوع ده اختلف عن زمان كتير والناس دلوقتى اهم حاجة عندها انها تتجوز وبس ....مع ان اختيار شريك الحياة المناسب مهم جدا...بشكرك على اثارتك للموضوع الهام ده

Anonymous said...

الموضوع هايل يا دكتور بجد
الناس بتتسرع دلوقتي في الجواز وماحدش بيحاول يحط اساس معينة واساسية لبناء حياة اسرة , يمكن لان فرص الجواز نفسها قلت فالاهل بقوا بيتسرعوا في قبول اي عريس مش مهم بقي فيه تكافؤ ولا لأ المهم ان البنت تتجوز وخلاص , ونفس الكلام لاهل العريس عايزين يفرحوا بابنهم وخلاص
للاسف غياب التكافؤ وعدم مراعاة الله هم السبب الاساسي
لو قلتلك كم الزيجات لناس اعرفهم وبقالهم اقل من سنة و فشلت بسبب انهم اكتشفوا انهم اتسرعوا وان مش هو دا اللي كانوا عايزينه مش هتصدق

الموضوع شيق جدا والتزييل اللي في الاخر عجبني فيه رايك وعرضك

Anonymous said...

منوفياية

هى كل حاجة بقيت ماشية زى ما تيجى تيجى والمعايير دى موجودة من زمان بس محدش واخد باله باين
واكيد مش عموم البشر بس عموم البشر بقا عندهم لا مبالاة







white heart

ايوة عليك نور اذا عرف السبب بطل العجب بس تقول اية كله موطى وباصص تحت رجليه وبس







فنانه مفروسة

تصدقى زمان اللى يعرفونى قالوا انى حولت حقوق بس انا قولتلهم لا معهد فنى صناعى
هو فعلا بقا موضوع الند للند ده وان الراجل لو فوت الست تقول خلاص اشد انا وهكذا
بس اية حكاية اخطاء الرجالة على مدار السنين دى جملة جامده ههههههههههههههههههههههه










gannah

طبعا من اهم الاشياء المستقبل المهنى و شريك الحياة دول مكلين علطول
تحياتى ليكى









سنووايت

هى قلت فعلا الفرص بس المجتمع هو سبب انها قلت بتعسفه وطلباته الغير سليمة
وطبعا اصدق لانى شوفت ناس كتير بعد فترة قليلة زهقوا ومش استحملوا او اكتشفوا انهم لا يصلحوا لبعض وده زى ما قولتى من التسرع
تحياتى

Anonymous said...

واله يا دكتور انا شافه ان الحياة لازم تكون نسبة وتناسب علشان يحصل تكافؤ بين الاتنين
مش كل واحد يلقى المسؤلية على التانى وفى حالة حدوث المشاكل يتهموا بعض بالقصور .... وطالما فى توافق فى التفكير بينهم مش هيحسل الطلاق
لكن ضغوط الحياة بتزيد من المشاحنات وبتجعل كل واحد فيهم داير فى ساقيه وناسى اهم متطلبات حياته وواجبات وحقوق الطرف الاخر
تحياتى

Anonymous said...

قطة الصحراء

هو صحيح ضغوط الحياة بتزيد من المشاحنات بس التفاهم وحب الطرف الاخر والمحافظة على علاقتهم ببعض ده بيخلي المشاكل تعدى وهى الحياة غير خاليه من المشاكل طبعا

Anonymous said...

دا رابط اخر مرتبط بموضوعك ايضا

Anonymous said...

والله يا دكتور موضوع الطلاق بقى كتير وده لعدم مسئوليه الاتنين والجهل فيه
الا فيه بعض الناس اللى بيكون فعلا الحياه بينهم مستحيله قوووووووووى
وانا كنت هكتب عن نظرة المجتمع اصلا للمطلقه لان دى كارثه اكبر

Anonymous said...

غير معرف

شكرا لمرورك
وبيتهيالى انك بنت ان شاء الله هاقرا الموضوع ده تحياتى






آببى

اكيد الاختلاف مابينهم وعدم التفاهم
وده يا أببى نتيجة للمجتمع اللى بقا غريب جدا فى كل شىء واساليب التربية
وطبعا فى من النوعين ناس مستحيله الحياة معاهم
اما نظرة المجتمع للمطلقة هاستنى تكلمى عن الموضوع
تحياتى

Anonymous said...

جميل اوى ...اطلعاك دة...

مش مستغرب مع انك طبيب ..غالبا ما يطهر الطب ارواح من يمتهنوة..

المدونة جميلة اوى...

والبوست شيق اوى

Anonymous said...

السلام عليكم رحمه الله وبركاته
موضوع جميل جدا ربنا يكرمك يارب
فعلا الاسرة الان اصبحت مفككه جدا
وقكم الله لكل خير

Anonymous said...

ELGaZaLy

شكرا لمرورك وربنا يكرمك انت اجمل
وربنا يطهرنا يارب






د\ابا يحيى وادم

الواحد بجد تعب من هذا التفكك وربنا يعديها على خير
تحياتى ليك