Saturday, July 12, 2008

قصتنا


أعترف انى احبك منذ الصغر = وكلما كبرت حبك داخلى كبر
اعرف انك تخافين على وكانى = رضيع و امه تحميه من الخطر
اوقفى دموعا قد طال وقتها = وضمدى جراحا كانت لى قدر
كونى فرحا اعيش فيه ويحتوينى = كونى مظلة تحمينى من المطر
كونى ربيعا اينعت ازهاره بهجة = كونى جفونا حين يطول السهر
كل يوم اقبلى الى فى لهفه = كطائر عائد لوليفه بعد سفر
ضعى اناملك فوق راسى بحنان = و طمانى قلبى انه زال الخطر
ورددى نشيد الحب فبه نعرف = اننا قد انتصرنا على من غدر
وارفعى راية الشوق فوق ارضنا = ودعي الحب يرقص بعدما انتصر
فما بقى للحساد ولا للملام صوت = ولن يظهر بعد الان لهم خبر
سيظل الحب منتصرا بلا هزائم = فكلما قاتله حقود خاب وخسر
فنادى كل العشاق لنحتفل جميعا = بمواقع انتصر فيها الحب وظفر
حبيبتى انا وانت والعشق والليل = كل منا لطالما لاجتماعنا انتظر
وهانحن الان معا بعد زمن = بعدما تخطينا الصعاب وشاء القدر
ارى الليل والشوق سمار لنا = واراه من بعيد يطل علينا القمر
يقول هنيئا لحبيبن تجمعا معا = بعدما طال انتظارهما وطال السهر
حبيبتى للحب قصص كثر روائها = ولكن قصتنا ماعرف مثلها البشر

30 comments:

wael said...

ايه الجمال ده كله يالله ياعم يابختها
الطب عامل احلا شعر معاك
هههههههههههههههه
تحياتي

yoyo said...

صباحك سكر
اول زيارة ليا لمدونتك الرائعة وكمان اول تعليق لك فى الاول احب اهنيك على البوست الهايل اللى فيه كمية مشاعر واحاسيس هايلة وكمان اختيارك للالفاظ والكلمات هايل مشاء الله يعنى
(اعرف انك تخافين على وكانى = رضيع و امه تحميه من الخطر) تشبيه هايل لان العلاقة بين الام وابنها كلها مشاعر واحاسيس حلوة فيها حنان ودفء تفاهم ارتباط يعنى كمية مشاعر ضخمة يعنى كانك لقيت فى حبيبتك كل الامان والاستقرار

(اوقفى دموعا قد طال وقتها = وضمدى جراحا كانت لى قدر
كونى فرحا اعيش فيه ويحتوينى = كونى مظلة تحمينى من المطر)
كان الحب زى ما يكون بداية لحياة جديدة ونهاية لكل الدموع والجراح فيه الامان والاستقرار بعد اى محاولات فاشلة لقتل الحب دا زى ما يكون بيحاولوا يقتلوا جنين فى بطن امه لكن الجنين بالفعل اتولد اللى هو علاقة حب جميلة وقوية


(حبيبتى للحب قصص كثر روائها = ولكن قصتنا ماعرف مثلها البشر) بالفعل ما اكثر قصص الحب لكن مش كل قصة بتستمر وتعيش معنا ويعيش كمان اصحابها

تحياتى واحترامى يا دكتور
( يويو)

Ghada , Rofayda said...

كل ما شوف دكتور يطلع شاعر ...ايه الحكايه...ولا ايه العلاقه...؟
هو الطب بيعمل ده كله.....؟

بوست راااائع...

وعجبني جدااا البت ده

اوقفى دموعا قد طال وقتها
وضمدى جراحا كانت لى قدر

تحياااااااااتي

دمت مبدعااااا...

WhItE HeArT said...

انا تقريبا قريت الشعر ده قبل كده او واحد شبهو

بس بصراحه تحفه فعلا

وارفعى راية الشوق فوق ارضنا = ودعي الحب يرقص بعدما انتصر

جميل اوي البيت ده

تحياتي

wanna b a physician said...

yoyo

الحقيقة انا مش هاقدر اقول حاجة بعد الكلام الحلو ده
تحياتى وكل الاحترام

wanna b a physician said...

wael

الطب اه ماشى ياعم وائل
تحياتى ليك

wanna b a physician said...

WhItE HeArT

اه انت قريته قبل كدا فعلا فى مدونتى التانية اللى قفلتها

wanna b a physician said...

Ghada & Rofayda

مش موضوع الطب والله انا من زمان من قبل الطب وسنينه
بس هو فعلا ناس كتير فى طب موهوبين باشياء مختلفه رسم وادب وشعر وقصص

تحياتى ودمتى بالخير

سنووايت said...

انا برده بشبه عليه


رقيقة اوي الكلمات
فيها قوة الحب وروعته وجماله
واكيد قصة الهمتك الكلام دا
فهي اكيد قصة حب رائعة

تحياتي لكلماتك الرقيقة

ساعد نسرين الايمن said...

وارفعى راية الشوق فوق ارضنا = ودعي الحب يرقص بعدما انتصر
فما بقى للحساد ولا للملام صوت = ولن يظهر بعد الان لهم خبر

حلوين اوي البيتين دول
في الون فعلا
يا اه اد ايه جميلة صورة الحب وه يرقص بعدما ينتصر
نفسي انا بقي اقولهم

سلمت يداك يا دكتور

يوميات فنانه مفروسه جداا said...

يا سيييييييييييدي

ايه ده كله ايه ده كله

والله احساس رائع وجميل ويا بختها بيك يا دكتور هتصبحها بقصيده وتنيمها بقصيده يا سلام يا سلام

متشكره جدا عالسؤال بس انا منتحرتش ولا حاجه ههههههههههههه انا بس النت بيفصل عندي وحالته حاله

فزلوكة said...

بجد يعنى
أبيات جميييلة فعلا

وتجربة شعرية موفقة كالعادة

سؤال بقى؟
أكيد حضرتك فى طب؟؟
D:

سومه...مجنونه فى بلد عاقل said...

ماشى يا سيدى ايه دا بس تسلم واعزرنى على التاخير معلش مشغوله لشوشتى انت عارف التجنيد بقى والجيش عقبال املتك :))
سومه_87

wanna b a physician said...

سنووايت

ما انا قولت يا سنو انى كتبته قبل كدا فى مدنتى اللى قفلتها
اه بمناسبة الالهام هو مجرد كلام وقتها ماكنش بيعبرلى عن اى مشاعر
شعر لمجرد الشعر
تحياتى

wanna b a physician said...

ساعد نسرين الايمن

ان شاء الله تقولهم يا باشا
بالتوفيق وترجع بالسلامة
المفروض انك سافرت انهارده

wanna b a physician said...

فنانه مفروسه

هى مين دى اللى يابختها
انا ماعرفش حد انا برىء برىء ههههههههههههه
وبعدين النت بس انا كان نفسى تكونى انتحرتى ونخلص بقا
ههههههههههههههههههه
الف سلامة عليكى من كل شر
وترجعى تنرينا بعد انتظام النت

wanna b a physician said...

فزلوكة

اكيد حضرتى فى طب
بس كنت زمان بافكر ابقى ادخل لغة عربية بسبب الشعر
بس الطب رسالة نبيله وانا حبيته اكتر
تحياتى

wanna b a physician said...

سومه...مجنونه


التجنيد والجيش
ماشى كتيبه صفا كتيبه انتباه
مخالى شل يا عسكرى

ربنا يخلصك على خير ههههههههههههههههههه
تخياتى ياريسه

واحدة مفروسة said...

ايه ده
إزاي الكلام الرومانسي ده اتقال فى مدينة البلوجريه
و مش سمعته و لا جيتله
معلش العتب على السمع اللي تقل بفضل
العوامل الخارجيه و السنية
ههههههههه
إيه الاحساس العالي ده
يارب تكون موجوده اللي مكتوب لها الكلام ده
و ربنا يعملكو الخير و يسعدكم و يبعد عنكم الحاسدين

سومه...مجنونه فى بلد عاقل said...

منتظراك فى مدرسه البنات فى مدونتك مجنونه فى بلد عاقل ...تحكيلى عن تجاربك فى المدرسه التعليق
تحياتى ليك سومه_87

wanna b a physician said...

واحدة مفروسة

ما هو انتى غايبه عن المدونة منذ فترة فاكيد مش هتسمعى لانك بعيده وانا الصراحة صوتى واطى اوى وبعدين دى رومانسية لازم الصوت يبقى واطى واطى اوى ههههههههههههههههههههههه عشان الناس مش تسمع برضوة
نورتى يا مفروسة

wanna b a physician said...

سومة المجنونة

منتظرانى فى المدرسة ؟؟؟ ليه فاكرانى مدرس
وبعدين بطلوا دعاية بقا هههههههههههههه انا مدونتى مفيهاش مساحات اعلانية ههههههههههههههه
جارى التنفيذ يافندم

alshared said...

لا شئ أروع من شعر ممزوج بصدق وبساطه
كلماتك بعيدا عن أي شئ أيقظت مناطق من الشعور كنت نسيتها أو تناسيتها

تحياتي لقلم مبدع يجعل من الحبر فنا راقيا

دمت دوما مبدعا

wanna b a physician said...

الشارد

مشكور يا باشا وتسلم ايدك عالتعليق وعالزيارة
مش هاجى حاجة جنبك طبعا
تحياتى

~*§¦§ Appy §¦§*~ said...

اولا بعتذررررر
ثانيا مش ذنبى الريدر ابن التيييييت هو اللى مش طلعك ليه هنشوف العطل ده فين
ثالثا لو انت مزعل الريدر بتاعى صالحه وامرك لله هههههههههههه
رابعا يا رب يفضل الحب جواك على طول ولا حاجه تغيره ابدا ابدا ابدا

~*§¦§ Appy §¦§*~ said...

هجاوبك على سؤالك هنا
انا كنت فاكره خطيبى فيه مميزات الحبيب اللى بتمناها ولما ملقتهاش فضلت البعد عن اني اكمل يعنى راسمع شكل معين فى الصفات ملقتهاش فيه
ولو انى قولت مش هتكلم خالص هههههههههه بس انت اخويا
وعموما انا قولت مش لقياه بس بحبه من غير ما اعرف شكله فهمت ولا اوضح

wanna b a physician said...

اببى

اولا احنا عشان اخوات فبسال غايبه ليه
اما الريدر على فكرة انا مش باظهر باين فيه دايما هو شكله انا مش عاجبه

اما عن الموضوع التانى انا قريت مرة بوست ليكى معناه كدا بس الحقيقة فضلت مايكونش تفكيرى صح
وبعدين ياستى حد عسل زيك ان شاء الله يلاقى الحب واكتر
دومتى سعيدة وموفقه ومحبوبه

ساعد نسرين الايمن said...

ايه يا بني محدش سمع ليك صوت بعد اليوم اياه ؟
روحت فين ؟

wanna b a physician said...

ساعد نسرين

ابدا يا باشا موجود بس مشغول حبتين الفترة الجاية
وبعدين المفروض انك سافرت يعنى
خلى بالك من نفسك ومبروك مقدما

الباحثة عن السعادة said...

السلام عليكم ورحمة الله وبركاته
بسم الله ماشاء الله يادكتور مبدع دايما
بس عارف انا بجد سمعت كلام فى نفس المعنى دا من خطيبي بس بجد الكلام اما بتكتب والواحد يقرأه بيفكر فى معانى اكتر وانا هخلى خطيبي يقراه ويشبرقنى ويسمعنى ههههههههه

اعرف انك تخافين على وكانى = رضيع و امه تحميه من الخطر
بجد اجمل شئ ان الحبيبه تكون لحبيبها أم قبل كل شئ لان حب الام بحر مليان بالخيرات
وياسلام بقا لو تتقمص دور الام وكل مايعمل غلطه تمسكله سلك الكهربه ولو في ايدها شويه ميه تغرقه بيها شوفت الزوجه الام حنينننننننه ازاى هههههههههههه
تقبل تحياتى