Wednesday, January 21, 2009

اميرة

دى صورة تانية من حفلة التخرج عشان اسهل الاختيار بتاع انا ميييييييييييين

كنت تائها بمراكب شوقى = لا أجد مرسى لها على مر العصور

وعلى شاطىء الحنان وجدت = لؤلؤة تشع جمالا والصفاء نور

بعد أن عشت فى ظلام حالك = ستغدو أيامى ربيعا بعد أن كانت بور

منذ دخلت حياتى أصبح يومى = نهارا وكأن الزمان معها لا يدور

بعد أن عشت فى الحزن ليالى = أراها تشع بهجة وفرح وسرور

دوحة للقلب بالحب أصبحت تملئه = أميرة تسكن فى أعلى القصور

لا أعرف كيف أصف جمالها = فإنى أراها أمامى حوريه من الحور

أكذب إن قلت جميلة فالجمال منها = يغار فهى أحلى من بدر البدور

لا أعرف كيف أصف حبى فالهوى = بالقلب والشوق لا يكتب على السطور

إنى حين كنت أبحث عن أحلامى = كنت وكأنى بين الآشجار عصفور

يبحث عن وليفه ليبنيا عش الحب = يبحث عنه بين الأشجار والزهور

وحين وجدتك ارتاح القلب فأنت = العش وأنت الوليف وأنت للحب بذور

صدقينى مولاتى ما يوم مر فى خيالى = أن أعشق من هى للحب أزمنة وعصور

لم أعرف أنه سيأتى يوم وأتغير = فما كنت أعرف معنى الحب الطهور

وعرفته معك سيدتى يا معنى الحب = يا أميرة تسكن فى أعلى القصور

قصور الحنان والهوى والنبع والجدول = نبع الحب وحنان العشق والهوى المنثور

على أزهار الربيع منديا أوراقها ومعيدا = إليها الحياة فأنا الأوراق وأنت الهوى المنثور

كنت أبحث فى الماضى عنك ألآن = وجدتك فأصبح العمر بالبهجة يمتلء والنور

لا تقولى لا تعرفى فالهوى فضاح = ينطق به اللسان ويشتعل به القلب ويثور

فتقول العين كلاما فى الحب والآشواق = ولا تقبل رفض الحبيب فهى سرعان ما تثور

يا أميرة بين الآزهار تسكن بساتين الهوى = أسكنينى بين أوراقك وأذيقينى الندى المنثور

أذيقينى طعم الحنان والشوق والعشق = أذيقينى طعم الحب الآبدى الخالص الطهور

البوست ده عشان بس m_h_a_alshrakawy

طلبت بوست فرايحى مش كأبة مع ان مش مودى يعنى الفرح بس

يلا عشان خاطر الجماهييير هههههههههههه


22 comments:

Anonymous said...

بجد بجد بجد يا دكتور القصيدة اكتر من رائعة وانت ابدعت فى اختيار الكلام اللى خلى احساسها عالى لدرجة مش معقولة وموضوعها كمان جامد ورقيق وياريت تفضل على المود ده على طول وتبطل بقى حكاية مع ان انا مش عارف مودى ايه والكلام الغريب ده

Anonymous said...

تسلم ايدك يادوك وعرفت من البوست اللى قبله ان فى خطيبه وحبيبه يبقى ليه منكد علينا النكد دا كله خليك كده ربنا يكرمك مش طلبه زعل خالص اوعى تقلب وياريت ماحدش يزعله عشان مايقلبش تانى كده حلو اوى

Anonymous said...

بعد كلماتك دى المفروض تبقى ملكة كش اميرة وبس
========
بالنسبة بقى للفزورة انت اللى لابس بدلة:)

Anonymous said...

m_h_a_alsharkawy

والله مش اوعدك اوى بس ربنا يسهل زى ما قولت الجماهير وطبعا فى برنامج ما يطلبه المستمعون المذيع بيسمع اللى على مزاج الناس ربنا يسهل

Anonymous said...

طوبة ذهب وطوبة فضة

والله يا دكتوره حبيبه حاجات تانيه اشك
عامة باذن الله هاحاول انى اعمل اللى عايزينه
تحياتى

Anonymous said...

موناليزا

اكدي هى ملكة ومفيش كلام يوفيها حقها مهما حصل او تقال

اما انا مين دى هاقولها فى الاخر

تحياتى

Anonymous said...

طول عمرك مبدع يادكتور ومش جديد عليك الابداع المتميز دا ، وياترى نفهم من كلامك ان حبيبتك اسمها اميرة؟؟؟؟؟؟؟ وطلب اخير احنا كمان نفسنا تعملنا بوست زى m_h_a هنا مفيش تفرقة عنصرية
دمت مبدعا يادكتور وربنا يسترك دنيا واخرة وتلاقى الناس اللى تستاهلك بجد
تقبل تحياتى

Anonymous said...

نتمنى دايما المود العالى دا ياد/غازى
ودايما متعودين عليك كدا انك المتفائل الوحيد اللى بينا وبخصوص الرسالة اللى استلمتها دا مش صحيح ابدا واتمنى انك تنسى وترجع زى زمان المهم مبروك على التخرج وإنشلء الله تكون احسن د/ فى مصر قولوا امين واتمنى انك تعرف انا مين

Anonymous said...

توء توء يا دوك ينفع كدا نقول أسماء الجماعة
بتوعنا على الملأ كدا توء توء مش ينفع هههههههههههه

اه صحيح بالنسبة للصورة ممكن استعين بصديق ولا اقولك احذف اجابتين هههههههه ماشى ولك الاجر و الثواب و هنيأ لك يا فاعل الخير

اجى للبوست بقى
من فترة مش قرأت لك حاجة فيها حب و أمل الحمد لله ان أمل لسه موجودة ههههه

لا بجد بقى كلماتك حلوة اوى واحساسك أجمل

أكذب إن قلت جميلة فالجمال منها = يغار فهى أحلى من بدر البدور

الله الله المحب دائما ما يرى محبوبته بنظرة لا يراها سواه
يشعر بما لا يشعر به غيره فقط كانها خلقت له و خلق هو من اجلها


وعرفته معك سيدتى يا معنى الحب = يا أميرة تسكن فى أعلى القصور

ما اجمل ان تتعلم معنى الحب و مفرادته على يد من تملك قلب تستحق حبك و اكثر


فتقول العين كلاما فى الحب والآشواق = ولا تقبل رفض الحبيب فهى سرعان ما تثور

آآه من لغة العيون يا عزيزى فهى رسول الحب الصادق و لسان القلب الذى لا يكذب و لا ينافق

أذيقينى طعم الحنان والشوق والعشق = أذيقينى طعم الحب الآبدى الخالص الطهور

الله يسهله يا عم الدوك هههههههه
ما اروع ان يحيا قلبين فى كنف مدون الهوى و العشق
يرتشف كل منها الحب و العشق

ربنا يسعدك ويسعد قلبك يارب انت من اختارها قلبك فأنت تستحق كل الخير و هى تستحق حبا كحبك ذاك أدام الله عليكم السعادة

تحياتى
يويو

Anonymous said...

والله يا دكتور كلام جميل جدا بجد بس اللى اعرفه ان اسمها مش اميرة

وطبعا جميلة الصورة ومبروك التخرج انا شوفت باقى الصور
طبعا انت مش عارف انا مين ومش هاقولك

اه اقول انا بقا انت مين ورخامه هيييييييييييييييييييه

انت اللى قاعد تحت ده وساند على رجل الدكتور اللى يمينك اللى بدقن
يهااااااااااااااااى
سلام

Anonymous said...

اسمحلى يا دكتور اعتبر انتصارك ده انتصار شخصى لان انا اللى زنيت على دماغك لغاية ما غيرت المود لكن الانتصار الحقيقى لصاحبة الالهام ده ادعوا لى (تحياتى)

Anonymous said...

اهلا دكتور
دي اول زيارة,
ومبروك التخرج
انا اعدت اقلب في كذا موضوع من مواضيعك لقيت غم وكآبة
المهم عاوزه استفسر عن حاجو وياريت تجاوبني علشان تزيل حيرتي
انت خاطب؟ولا بتحب؟
وايا كانت الاجابة فهل انت فارقتها ولا ده تخيل؟
هي عايشه؟ولا انت اللي ميت؟

Anonymous said...

الباحثة عن السعادة

متشكر

موضوع القصيدة ده الله اعلم لو عشت

Anonymous said...

lolo

الله يبارك فيكى
التفاؤل ده صفه غير محموده عندى هههههههههه
وانا عارف انتى مين

تحياتى

Anonymous said...

yoyo

هههههههه لا مش اسم الجماعة ههههه

اما الصورة ففى حد حلها ليكم

اما القصيدة فمتشكر على كلامك
والحقية ان الحب لازم يكون كدا والا مش يبقى حب

اما حوار السعادة ده قولى يارب

Anonymous said...

دوده

مع انى مش عارف انتى مين بس مش مهم
وليه كدا تحرقى الفزورة

عامة تحياتى

Anonymous said...

m_h_a_alsharkawy

ههههههههه ياستى وماله انتصار انتصار بس اوعى تكون الممثلة مش باحبها

اما موضوع الالهام ده مليش فيه اوى هههههههههه

تحياتى

Anonymous said...

soly

اهلا بيكى

والله يبارك فيكى

اما الاسئلة انا مستغرب اول زيارة وحصلك كدا اومال الناس اللى بتيجى علطول تعمل ايه

عامة انا هاجاوب مش عارف ليه بس هاجاوب


حبيبه اه المفروض كدا
خاطب كنت
فارقتها ماديا بس
هى عايشه المفروض كدا
انا ميت تقريبا اه

بس الفكرة ان المواضيع بتاعتى ملهاش علاقة لانها كتابات قديمة مش جديدة

تحياتى

Anonymous said...

انت مين اللى لابس بدله
اللى هناك انت هتهزر ايه انت مين دى

Anonymous said...

يادكتور
انت بجد زعلتني اوي,انا مش بحب الفراق ابدا,وخصوصا لو كان الحب لسه موجود,ده بيبقى عذاب الله يكون في عونك,
بس مادمت لسه بتحبها ليه بعدت عنها,ارجعوا تاني لبعض,
ومش معقولة تكون هي بتقرا كلامك ده اللي انت بتقوله فيها وهتبقى مفضله الفرقه,
بس حاجة غريبة انك تكتب مواضيع في الفراق والحاجات دي قبل ما تتفارقوا,
ليه كنت حاسس بكده ولا غاويها غم فجالك لحد عندك؟

Anonymous said...

appy

ايه ياريسه وفيها ايه يعنى لما انتى عملتى كوكب حد اتكلم واعترض يعنى ههههههههه

دمتى بالخير

Anonymous said...

soly

متشكر على الاهتمام

كل شىء بايد ربنا والله اعلم بكره هيحصلنا ايه يمكن الواحد يموت ولا حاجة

تحياتى