Sunday, April 19, 2009

تاااااج

إسمك ؟
أحمد

سنك ؟
أربعة وعشرين سنة وشهرين (ههههه) كبرت اوى مش كد
ا
مجال دراستك ؟
الطب

إسم مدونتك ؟
طبيب بلا سماعة

صورتك الرمزية فى المدونة بتعبر عن إيه؟
عن مجال عملى

هل فكرت فى إغلاق مدونتك؟ و السبب؟
فكرت وعملت كدا مرة
الأسباب تقدروا تقولوا اكتئاب مع احباط مع ممل مع عدم رغبة فى الحياة
وحاجات تانية


إيه رد فعلك لو حد قل أدبه عليك فى المدونة؟
من الآساس ما اعرفش حد قليل الأدب
وأسلم رد على السفيه انك مش ترد عليه وتنزل لمستواه


أسوأ مدونة دخلتها ؟

مش فاكر بس هى مدونة كانت بتغلط فى الإسلام واعلامه


هيحصل إيه للايميلات بعد ما تموت ؟
مش هيحصل حاجة هتفضل موجوده دون قراءة

إديت الباسورد لحد من قبل ؟
اه

السفر بالنسبة لك ؟
تجربة جديدة ليها عيوب ومميزات بس تستحق العناء

المود بتاعك إيه ؟
دلوقت متلخبط بس السائد حزن وكأبة

الأكلة المفضلة ؟
الكوسة ( ومحدش يفهمنى غلط
(

الصفات اللى اخدتها عن والدك ؟
الصفات اللى اخذتها عن والدتك ؟
اجابة السؤالين لا شىء لانى اتربيت بعيد عنهم

أكثر 6 حاجات بتكرههم ؟
الظلم
قلة الآدب
الحقد
السلبية
اهمال مشاعر الاخرين
أن تأخذ احدهم بذنب أخر

أكثر 6 حاجات بتحبهم ؟
الصراحة
اللون الأزرق
حب الناس
صوت الكروان
الوحده
العمل

شخصيتك نوعها ايه ؟
سؤال غريب اوى
نوعها فحلقى فاتح قال نوعها قال

لماذا دخلت عالم التدوين ؟
باب للصداقات وابداء الرأى ومعرفة اراء الأخرين

مجال واسع للمعرفة

أهمية التعليقات بالنسبة لك ؟
أهميتها لا تكمن فى جودة ما كتبت ولكن فى انه مازال هناك من يهتم بى ويسأل عنى

أحلى بوست كتبته مع لينك له والسبب؟؟
مفيش بوست معين لانى باحس انى مش باعرف اكتب اصلا

أفضل مدونة قرأتها ؟
أى حد من الناس اللى بادخل عندهم يبقوا افضل مدونة

أفضل بوست قرأته ؟

حاجات كتير مش هافتكر حاجة معينة

الشغل بالنسبة لك ؟
أهم شىء على الرغم من صعوبة لأنه بيتعامل مع أرواح الناس
ولما تحس ان فى عيان ممكن يموت منك لان مفيش حاجة تتعمله
بيبقى احساس مؤلم والواحد بيبدء يحاسب نفسه فبتبدء المعاناة من هنا

الانترنت بالنسبة لك ؟
مجال معرفة وترفيه أحيانا

تمرر التاج لمين ؟

سومة ( مجنونة فى بلد عاقل )
Appy
الشارد
فنانة مفروسة
وربنا يسامحك يا يويو

10 comments:

yoyo said...

صباحك سكر يا د/ أحمد
هههههههههههه و الله وادبست يا قطة معليش بقى تاج يفوت ولا حد يموت هههههههههههه
عقبال التاج الجديد بقى
ماشى يا واد تقيل اجابات على السريع كدا بس اهى عرفتنا عليك اكتر واكتر
يارب دايما منور مدونتك ومنور كل المدونات يارب

مش تخاف ربنا هيسامحنى ههههههه

تحياتى
يويو

Kiara said...

اجاباتك جميله وواضحكه ومش كبرت ولا حاجه امال احنا نقول ايه

Empress appy said...

هكرهك يا احمد هكرهك ليه التدبيسه بس تعرف بجد هجاوبه وبعدين كوسه يا مفتري حرام عليك يععععع مش بحبها

wanna b a physician said...

yoyo

واد تقيل ايه بس انا خلاص بقيت متشردلى اهو بسببك ههههههههههههههههه

وليك يوم يا ظالم


تحياتى يا استاذة

wanna b a physician said...

كيارا

ولا كبرتم ولا حاجة مش تخطوا فى دماغكم

دمتى بالخير


تحياتى

wanna b a physician said...

appy

هتكرهينى ايه بس هو انا اقدر يا ريسه

وبعدين هاستنى الاجابات

ومالها الكوسه دى جميلللللللله ومنتشرة على الاقل


سلام

انت تسال والكمبيوتر يجيب said...

دعوه
-الأخ العزيز
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://stop.to/cairo

yoyo said...

صباحك سكر

امممممم
ايه الغيبة الطويلة العريضة دى يعنى ؟؟!!
يارب تكون بالف خير

وبعدين كل دا من تاج
وانا بقول واد تقيل بقى هههههههههههه
قال دكتور قال بلا بتاع بقى

ابقى طمنى عليك يا ابو حميد
انا ليا يوم ماشى ماشى ههههههههههه
تحياتى
يويو سابقا
الظالمة حاليا ههههههه

wanna b a physician said...

انت تسال والكمبيوتر يجيب

شكرا للدعوة

wanna b a physician said...

yoyo

ايتها الظالمة هههههههههه
انا موجود ربنا يخليكى والف شكر عالسؤال ان شاء الله يكون فى جديد قريب

تحياتى يافندم