Tuesday, July 1, 2008

تهذيب وإصلاح أم رسوب ونجاح



سمعت يوما فى ريبورتاج احد البرامج تقول المذيعة ان الثانوية العامة اصبحت تهذيب واصلاح
وبالطبع كانت تتحدث عن مايحدث فى الامتحانات
فهل هذا صحيح ؟؟؟؟؟؟؟
أولا لماذا كل تلك الضجة التى تحدث كل عام من أجل امتحانات الثانوية العامة
ربما لانها مرحلة انتقالية مهمه فى حياة الانسان ( الانسان المصرى فقط )
فهى بوابته الى الجامعة
ولان الأباء والأمهات يبنون احلامهم أن أولادهم سيدخلون كليات ويحققون مالم يحققونه هم
وربما أيضا لانها اصبحت مجرد عادة ان نقوم بضجة كل عام

فماذا يحدث كل عام
توتر وقلق لدى الطلاب طوال العام
معسكر مغلق للمزاكرة من أجل الدرجات
تحفيذ دائم من الآهل من أجل التفوق
خوف من الآهل أن لا يحصل ابنهم على المجموع المناسب
مفهوم خاطىء لدى الجميع ان لا أمل فى الحياة إلا بتلك الشهادة
ونسوا أن كثير من الناس لم يأخذوها وتفوقوا فى حياتهم
ونسوا أن الكثيرين لا يجدون عملا بشهادتهم فماذا استفادوا من وراء هذة المعاناة

اذا فلماذا يتوتر الطالب ويخشى أن لا يحصل على درجات عاليه
كما قولت فهو يرى الآهل متحفذين أو بعضهم مهددين كما سمعت أحيانا بعواقب وخيمة ان لم يحصل على مجموع عالى
ولانه يعلم ان الجميع ينظر اليه فكيف لا يحصل على درجات متقدمة
والأهل ينتظرون ذلك
على الرغم من أن ليس كل الناس متفوقين ولن يحصل جميعهم على درجات نهائية ولكن نحن كمصريين نريد أولادنا كلهم يحصولن على تلك الدرجات حتى وان كانوا لن يحصلوا عليها يوما ما قبل الثانوية
أتذكر عندما كنت أنا فى الثانوية لم أكن أشعر بأى ضغوط نفسيه سواء من الآهل أو من المدرسين وما شابه اللذين بالطبع يخافون على سمعتهم فى الدروس الخصوصية
فيحثون الطلاب على المزاكرة دائما
فكنا كثيرين لا نعير اهتمام لدرجة ان البعض كان يشك اننى وصديقى مثلا الاول والثانى على المدرسة فكيف ذلك ونحن لان عير المزاكرة اهتمام
ولكن اعتقد ان هذا شىء سديد ان لا تشغل بالك كثير بما انت فيه حتى لا تفقد اعصابك وتنهار وتسىء العمل
فلننظر حولنا ونبحث عن من دخلوا من قبل الجامعات
هل حصل جيمعهم على الدرجات النهائية
هل عمل كل شخص فى مجاله او هل عمل كل شخص
فلماذ نرعب اولادنا ونجعلهم مشتتين ونوصلهم لدرجة ان ينتحروا ويقتلوا أنفسهم
فلتأتى الامتحانات صعبه او سهله
فذلك طبيعى ولابد لمن يضع الامتحان ان يجعل فيه نسبة من الصعوبة ليقيس كل المستويات
ولكن ان يكون تعجيزيا فهذا مرفوض
ولكن الآهل يرفضون والطلاب يرفضون أن تأتى اسئلة لا يستطيعون الإجابة عليها
يريدون حل جميع الاسئلة وهذا خطأ
فمهما كانت الصعوبة هناك طلاب سيحصلون عل درجات نهائية وهذا طبيعى
فمن المسئول الآول عن حال أولادنا فى الثانوية ومن سبب البكاء والعويل
ولماذا نرى الناس كلهم غاضبون ؟؟؟؟؟
سؤال مطروح للجميع

ونهاية وبمناسبة الامتحانات وتسريبها
هل هذا شىء جديد أو لاول مرة يحدث تسريب للامتحانات
أم انها اول مرة تكتشف ؟
وهل اذا حدث ذلك نعاقب الطالب ونقول أنه تطبيقا للقانون سنلغى امتحانه سواء فى تلك المواد أو كلها ؟

سؤال أخير للجميع
لو عرفت ان امتحان ليك يباع فى مكتبة هل ستشتريه أم لا ؟

30 comments:

Anonymous said...

انا شايفة ان اللي حصل السنة دي بيحصل كل سنة بس مش بيتعرف والسنة دي الموضوع زاد شوية فانكشف

وصعوبة الامتحانات دي طول عمرها كدة وحتي ايام امتحاناتنا كانت كدة ما انساش الفيزياء ولا التفاضل
وبعدين مش لازم الكل يجيب فوق ال 95% والاول 99.99% او فوق المية كمان , المشكلة اننا عندنا مفاهيم كتير عايزة تتصلح , والله انا رايي تتلغي الثانوية العامة دي والتنسيق يبقي بامتحان داخل الجامعه نفسها يقيس قدرات الطالب وحسب ميوله لان ناس كتير بيدخلوا كليات ومش بينجحوا فيها, بس المشكلة ان يكون فيعه تسريب امتحانات في الكليات كمان , يبقي مفيش امل

Anonymous said...

اه بالنسبة للسؤال أكيد هشتريه مع اني مش باثق في الحاجات دي , يعني كدة كدة هذاكر ومفيش مانع اشتريه واشوف مكتوب فيه ايه

Anonymous said...

يا عم والله كله فى البلد بقى بايظ يعنى جت على الثانوية العامة
بس موضوع هادف
احسان اللوذعى

Anonymous said...

فكرتنا بحالنا يادكتور أصل عندنا ثانويا عاميه قصدى عامه والبيت مكهرب بس صاحبة الشهادة حطه ايديها فى التلج
أنا معاك إن بلاش حكايه القلق والتوتر اللى الاهالى بتعملها لنفسها ولأولادها بس يادكتور ساعات الحزم بيكون مطلوب وخصوصا لو ابنك حاطط على دماغه لوح تلج وبيستهتر فى أوقات المراجعه زى الحاله اللى عندنا لولا كنت بسهر طول الليل معاها ماكنتش هتزاكر وهتقضيها نووووووووم
أما بالنسبه لصعوبه الاسئله فدا موضوع اتعودنا عليه وكل سنه يقولك الامتحانات صعبه وتيجى السنه اللى بعدها يقولك لا دى السنه اللى فاتت سهله اووووى والسنه دى هى اللى صعبه هى بس موضوع توتر الاهل وكلهم عاوزين عيالهم مش يغلطوا خالص فلو معرفوش جزئيه وكانت عاوزه تفكير يبقى الامتحان صعب
وبجد كل شئ ناصيب فالانسان يعمل اللى عليه ومش يوتر نفسه واللى ربنا رايده هيكون واشخاص كتير ربنا مش اراد ليهم التفوق فى الثانويه بس بعد كدا اكرمهم فى الكليه اللى دخلوها.
ومن ناحيه لو لقيت امتحان فى مكتبه هخلى خطيبى يشتريه عشان انا بخاف من الذنوب ياعم وابقا أقوله فى الخباثة ايه توقعاتك للامتحانات ههههههههههه
تقبل تحياتى

Anonymous said...

يانى يانى ياانى
اسفه يادكتور مش عارفه ابطل العاده اللى فيا وطولت فى الكلام زى كل مرة

Anonymous said...

السلام عليكم
الثانوية العامة هى عقدة بعض الاباء لابنائهم وهى لا تستحق كل هذه لبضجة وهذا لا يمنع ان الحكومه فشلت فى الامتحانات من تسريب او اسئلة غير موجودة فى المنهج وهذا ظلم
لكن لا احد يحاسب
تحياتى لك على موضوعك الجميل
هانى يس

Anonymous said...

الخوف من الثانويه العامه وكتر المجامي بقى صعب جدا جدا والناس جالها هسهس منها مع انى شايفه ان كل ده ملوش لازمه وممكن الواحد يبقى افضل لو بهدوء بس الخوف اللى مترسب جوا الناس

وبعدين ايه السؤال الغتت ده طبعا لا مش هشترى هو انا هساوى مجهودى بمجهود اللى ذاكر اكتر حتى يبقى حرام والله كان بيحصل ومكنتش برضى اخد الاسئله المتوقعه حتى مش بحب التشتت ده

Anonymous said...

فكرة المجتمع إن النجاح فى إنك تكون دكتور أو مهندس

تعلقنا الدائم بالألقاب

دا بيخلى الآباء يموتوا نفسهم عشان ابنهم يطلع دكتور أو مهندس

بس فى رأيي إن الفكرة دى ابتدت تتغير لفكرة أسوء ألا وهى
إيه إللى هيجيب فلوس أكتر ؟؟

وبالنسبة للسؤال

بجد والله يعنى وبمنتهى الصراحة
لأ ,, مكنتش هشتريه
لسبب بسيط
إنى أنا مقتنعة تماما إن العبرة ليس دائما بما يكتب فى ورقة الإجابة
وربنا لايضيع مجهود حد أبداااا

Anonymous said...

واحده بتكلمني بتقولي ابني جايب مجموع وحش اوي في الثانويه العامه انا قولت تلاقيه جايبله 60%ولا حاجه بقولها كام قالتلي الخايب جاب92% وربنا اتصدمت

قولتلها اااااااه بس ايه المجموع الضعيف ده هههههههه ده علي كده بقي انا فشله فشل زريع فاشله ايه انا عديت مرحلة الفشل وبقيت في الضياع بمجموعي ده هههههههه

انا ان شاء الله ولادي والله ههتم بالدين اول حاجه وميهمنيش التعليم اوي لاني مؤمنه بأن كل ميسر لما خلق له وكل واحد ليه قدرات ربنا مديهاله

واحنا كا بلد ضايعين في كل حاجه جت عالثانويه يعني

وبالنسبه للسؤال معرفش بس ممكن اشتريه اشمعنه غيري يشريه وينجح وانا لا يعني وبعدين انت بقي هتشتريه ولا لا جاوب يلا علينا

ملحوسه

اديني مفرستكش ولا حاجه اهه

سلامز

Anonymous said...

الثانويه العاميه دي أول حاجه بتدل أن منظومة التعليم عندنا فاشله ومتخلفه

يا دكتور أنا ما أعرفش بلد تانيه في الدنيا -أنا قصدي الدنيا المتحضره- بيحصل فيها اللي بيحصل عندنا ده


لو سمعت أن الامتحان موجود في مكتبه هاجري علشان اشتريه

المساواه في الظلم عدل


تقبل تحياتي

Anonymous said...

اكيد بيحصل كل سنة بس المرة دى الموضوع ظهر بس الله اعلم مين السبب فى ظهوره وليه ظهر دلوقتى
وطبعا لو بيتباع امتحان فى المكتبة هشتريه
تحياتى

Anonymous said...

السيناريو يتكرر كل عام
ويبقى الوضع كما هو عليه

Anonymous said...

سنووايت

صح المفاهيم اغلبها عندنا غلط
والمشكلة ان الناس مش عايزه تفهم برضوة ان مش كل الناس زى بعض
وعندك حق حتى لو غيروا النظام هيبقى فيه واسطه بقا وحاجات كتير

تحياتى يا دكتوره

Anonymous said...

شفقة هانم واحسان بك

ماهو مش ينفع نقول كله بايظ ونسكت لازم نتكلم ونحاول نغير
مش كدا ولا اية ؟؟؟؟؟؟؟

Anonymous said...

الباحثة عن السعادة

هو الاهل اغلب الوقت سبب التوتر
وايه يعنى الطالب حاطط تلج زى ما بتقولى حضرتك ما دا كويس طالما هو ذكى يبقى هيقدر يعمل حاجة بوقت قليل وهدوء اعصاب
اما بالنسبة لخطيبك يعنى عايزاه هو زى ما بتقولى ياخد ذنب وانتى لا
اية الحب ده ؟؟؟؟

اما بالنسبة للتطويل فدا براحتك

Anonymous said...

HANY YASSIN

هو اى نظام بيحصل فيه ثغرات او اغطاء اما تكرار الاخطاء والسماح بحدوثها فده هو اللى يبقى تقصير وعيب وفشل فادح
شكرا ليك

Anonymous said...

appy

هههههههههههههههههههههههههههههههههه
عايزه تقولى انك كنتى فاشلة ومش بتزاكرى يعنى لالالالالالالالالالا انتى مش كدا يا اببى
نورتى يا فندم

Anonymous said...

فزلوكة

عندك حق دلوقت بقيت ايه هيجيب فلوس اكتر

اما السؤال هو طبعا العبرة مش باللى بيتكتب
العبرة بالمصحح ومزاج سيادته
نورتى

Anonymous said...

فنانه مفروسه

ماهما دول الناس اللى بوظوا الدنيا وسبب اللى بيحصل بتفكيرهم ده
وربنا يعينك وتربى اولادك ان شاء الله زى ما انتى عايزه

اما بقا ان مجموعك يعتبر فشل فده مش جديد يا ياسمينه احنا عارفين ده ههههههههههههههههههههههههههههه

وهاجاوب يا ستى
اه هاشوف ايه فيه بس برضوة هازاكر
لانى مش باتطمن للتوقعات اوى او اللى بيقولوا هى دى الامتحان

Anonymous said...

alshared

المساواه فى الظلم عدل صح
طيب تصدق حتى لما بيقولوا الامتحان فى ناس بتنقص برضوة وناس بتطلع الاول ونلاس الاخر
ان الله لا يضيع اجر من احسن عملا

Anonymous said...

موناليزا

ماهو احنا عايزين بقا نغير الوضع ده
ولا ايه

Anonymous said...

ayman badr

اه ماهو الواحد نفسه يعرف ليه ظهر دلوقت اوى كدا
ولا يمكن الاعلام يعنى بقا اقوى
مش اعتقد اوى
يلا الله اعلم
تحياتى

Anonymous said...

الصراحة موضوع الثانوية العامه ده ملخبط شوية
لان الاهل بيدوه اهتمام و بيكونوا متوترين
التوتر ده بينعكس على الطلبه مع انهم كانوا بيذاكروا عادي السنه اللي قبلها
بس طبعا مع ارتفاع المجاميع الاهل عارفه ان الطالب لو جاب حتى 85 ممكن ما يدخلش حاجه عدله
غير ان المسؤلين اصلا عن التعليم بزودوها علشان يقللوا اعداد الطلبه المقبولين فى الكليات العظمى
كأن مافيش كليات عدله غير الكليات العظمى

الحمد لله معانديش حد فى المدرسه علشان اجاوب السؤال

Anonymous said...

اعتقد ان اى نظام لما يكون فى غلط لازم يبقى فيه محاسبة من الاول
والا كله هيبقى زي بعضه
اعتقد ان كلامى منطقى

Anonymous said...

عايز اقول لك حاجة احنا اصلا طريقتنا في وضع الامتحانات غلط المفروض الامور ترجع زي زمان النتايج يعني اللي يجيب 84% يدخل طب لكن مش معقول النتايج الحديثه دي بجد والمفروض اللي بيحط الامتحان يحط في اعتباره الاسس سليمه للامتحان يعني نص الامتحان اللي مذاكر يحله وبعدين يفرق اللي يجيب جيد من اللي يجيب جيد جدا وهكذا مش طبيعي الكل يكون فوق ال 95 واللي يجيب اقل من 95 ميدخلش كليه بأه ايه المهزله دي انا مبسوط ان امتحان الفاضل والتكامل جه صعب مع اني شفت الامتحان في قمة الهيافه هوه فقره وله فقرتين اللي فيهم تفكير شوية وده شيء طبيعي

وبالنسبه للإعلام ياريت يلاقي حاجة يتكلم عليها بدل الامتحانات اللي بتخلي الناس تحت ضغوط كبيره ملهاش لازمه خالص


اما بالنسبة للسؤال الاخير اعتقد اني مش هشتريه بس مش علشان انا محترم ولا حاجة من دي لا لإن هيكون عليه زحمه وانا بكره الزحمه والحر قوي

تحياتي وموضوع مهم فعلا

Anonymous said...

فرنسا والرايق

اهلا طبعا فى مدونتى اولا
ثانيا هو طبعا المجاميع الغريبة دى شىء غيرطبيعى اولا اما موضوع الاهل ففى كل الاحوال هما غير راضيين حتىايام ال85 ما كانوا يدخلوا حاجة
اما السؤال ملوش علاقة بحد فى تعليم ولا لآ
تحياتى

Anonymous said...

HANY YASSIN

وهو ده اللى قولته ان اى نظام فى اخطاء بس تكرار الخطأ هو غير مقبول لان معناه التقصير
تحياتى

Anonymous said...

WhItE HeArT

المجاميع العاليه نتيجة لحاجات كتير مش بس وضع الامتحانات بطريقة خطأ
لا لان الطلبة بقت تزاكر اكتر برضوة وبيجتهدوا يجيبوا درجات

اما موضوع انك بتزهق منالحر والزحمة انت تأمر بس واروح اجيبهولك ههههههههههههههههههههه

Anonymous said...

نظام تعليم فاشل في مجتمع فاشل ينظر فقط للمظاهر طبيعي ان تكون نتيجته هذه المهزله
ربنا يحقق لك أحلامك و الحمد لله ان ربنا خرجك من الكليه علي خير عقبالي

Anonymous said...

أميرة محمد محمد محمد

هو مجتمع نظامه فاشل اكيد
بس فى ناس صح برضوة وكويسه
ربنا ينجحك ويوفقك ويخرجك من الكلية على خير