Sunday, June 22, 2008

تاج تانى ونقول ألووووووووو


الحقيقة التاج ده جانى من بنوتة مصرية الرقيقة الاحساس ( رودى )
وانا على قدر ما انا مبسوط منها الا انى باقولها ليه كدا صعب اوى الاسئلة
بس طبعا طبعا هاجاوب ومش هاتأخر


أذكر 5أحلام تخص ماضيككنت هتتخلى عن إيه فيها و هتتمسك بإيه لحد دلوقتى


الحلم الأول : كنت دايما باحلم اكون دكتور والحمدلله انا فى طريقى لذلك ربنا يسهل

الحلم الثانى : انى كنت اتربى وسط أب وأم وأخوات لانى اتربيت فى بيت جدى وده على أد ماهو ساعدنى فى حاجات كتير
إلا انه عملى عقد بالهبل مش تعدوا يعنى
تخيلوا انى مش باحس ان اخواتى دول اخواتى خالص احساس مؤلم ومخيف



الحلم الثالث : انى الاقى السعادة اللى بجد لانى بامر بلحظات كتير المفروض سعيدة بس عمرى ماحسيت مرة بانى فعلا مبسوط اوى
يمكن اتعودت اكون كئيب فحلمى انى اعيش سعادة

الحلم الرابع : حلمت زمان انى اطير بجد حلم غريب اوى بس مازلت احلم انى استطيع الطيران يوما ما
مش عايز ضحك وناس تقول عباس بن فرناس والكلام ده ماشىىىىىىىىىىىىى


الحلم الخامس : الأمااااااااااااااااااااااااااااااااااااااااااااااااااااااااااااااااااااااااااااااااااااااااااااااااااان


متمسك بجميع الآحلام دى ومش هتخلى عنها






أذكر خمس أحلام تخص مستقبلك و ما تتمناه منه


الحلم الآول : انى أكون مسلم بجد وأدخل الجنة يارب اميييييييييييييييييييييييييييييييييييييين

الحلم الثانى : انى ابنى بيت كويس واربى اولادى بجد واعلمهم حب بعض وحب الناس وحب الخير والعطاء ياااااااااااااااااااااااااااااااااااااااااااااااااه كتير كتير اوى
اه ويحفظوا القرأن ياريت

الحلم الثالث : إنى أكون دكتور كويس واقدر اساعد الناس فى ألامهم بجد
واتعامل مع الناس بحب دايما مهما حصل


الحلم الرابع : حب النااااااااااااااااااااااااااااااااااااااااااااااااااااااااااااااااااااااااااااااس



الحلم الخامس : هو حلم شامل لجميع احلامى ورغبة قوية فى تحقيقها



أذكر شخصين - على الأقل - متواجدين فى حياتك كنت تتمنى وجودهم من قبل


خطيبتى
و
خطيبتى برضوة


أذكر شخصين - على الأقل - غير متواجدين فى حياتك و تتمنى وجودهم مستقبلا فى حياتك و حياة أولادك

جدى اللى ربانى الله يرحمه
و
الأهل اللى بجد






اخيرا لمن تهدى التاج

الحقيقة ناس كتير بس بيتهيألى فيهم جاوبوا زى سنووايت كدا

فنانة مفروسة ( ياسمينة)
مجنونة فى بلد عاقل ( سومة-87)
( صاحبة الكوكب ) appy
زهراء ( مدونة كراكيب فزلوكة)
المفروسة دائما ( واحدة مفروسة)




36 comments:

Anonymous said...

ليه عملت فيك ايه انا يعنى عارف التاج ده لو ضربته فى عدد المرات اللى جالى هيطلع كتير شويه هههههههههههههههه

ربنا يحقق اللى انت عاوزة او يعوضك عنه خير ومقبول منك يا قمر

Anonymous said...

الله ايه الاجابات الجميله ديه يا دكتور احمد ربنا يحققلك احلامك وتبقي دكتور كويس ويخليلك خطيبتك امين يا رب العلمين

بس حرام عليك يا دكتور احمد انا مبحبش التيجان بس هجاوب عليه بأذن الرحمن في اقرب فرصه

ومتشكره جدا جدا انك افتكرتني

سلامز

Anonymous said...

أحلامك جميله ربنا يحققهالك

Anonymous said...

واحدة مفروسة

شكرا عالدعوة بس وانا مالى
كاتبالى لينك المدونة قال يعنى انا مش عارفها طيب ماشى اقولك بقا مش هاعتبرها اجابة ؟
هههههههههههههههههه

Anonymous said...

appy

ماعملتيش حاجة وعشان كدا عايزك تقولى احلامك وتتحقق يارب
شكرا لمرورك يا سيدة الكوكب

Anonymous said...

abo 7anf

شكرا للمرور وامين يارب

Anonymous said...

فنانة مفروسة

شكرا لمرورك الجميل
وطبعا لازم افتكرك ده أقل واجب يا فندم فى انتظاراجابتك

Anonymous said...

ايه دا انا دخلت وقعدت اقرا واتعقدت وبعدين الاقى اسمى موجود يا خيبتى طب انا حجاوب ازاى ....دا انا لسه منزله بوست خناقه بين سى السيد وفكيهه حاضر اوعدك دا يكون التاج اللى حجاوبه ان شاء الله لو عشت وكان ليا عمر يعنى دا موضوعى التانى باذن الله حتشوف الاجابات الطقه بس مش عاوزه تريقه
اه بالمناسبه باين والله اعلم كنا فى حلم واحد عشان انا حلمت زمان انى بطير
ربنا يحققلك كل ما تتمناه...
كانت معك سومه _87

Anonymous said...

اه صحيح نسيت اقولك شكرا لانك افتكرتنى

Anonymous said...

إذا جاز التعبير
فهوا "تدبيسة " أكتر منه تاج

شكرا جزيلالالالالالالالالالالالالالالا
وهيتجاوب إن شاء الله بس أذاكره الأول!!!

أما إجابات حضرتك فماشاء الله بجد جميلة
مش عارفة بس حسيت شوية إن فيها "براءة " الطفولة
ودا كان أحلى ما فيها

بالتوفيق إن شاء الله وتحقق كل أحلامك

Anonymous said...

انا عندي حساسية من التيجان
كل مااشوفها تلاقيني باعطس
هاتشلن

Anonymous said...

كلها احلام سهل تحقيقها ان شاء الله والاحلام اللي ما اتحققتش زمان ماتعرفش حكمة ربنا منها ايه اكيد هيكرمك باحلام احلي منها في المستقبل , يارب يارب تتحقق كلها
وتلاقي الامان والحب وتدخل الجنة يارب

Anonymous said...

احلامك جميلة يادوك

ربنا يكرمك وتقدر تحققها

ان شاء الله

Anonymous said...

سومه 87

كنا فى حلم واحد اتارينى باقول مين زقنى من فوق الشجرة هههههههههههه
وطبعا ياريسه لازم نفتكرك
تعيش سومه يا تعيش يا تعيش

Anonymous said...

فزلوكة

ولا تدبيسة ولا حاجة انا ماكنش معايا دباسة
وبعدين البراءة دى انا نفسى اخدها من زمان شكرا لاعطائى اياها الأن

Anonymous said...

المفقوعة مرارتها

ما انا عشان كدا قولت بلاش ابعتهولك
بس اية هاتشلن دى عايزة شلن لا معلش
يحنن

Anonymous said...

سنووايت

والله يادكتورة ربنا يسمع منك ويحقق احلامك انتى كمان
منورانى دايما ابقى سلمى على ممتاز

Anonymous said...

arsenalwy

شكرا لمرورك ودعوتك اميييييييين
ويحققلك احلامك انت كمان

Anonymous said...

السلام عليكم ورحمه الله وبركاته ،،

وفقكم الله فى طريقكم وأنالكم أحلامكم ،،
إلى الأمام دائما ان شاء الله

Anonymous said...

السلام عليكم ورحمة الله وبركاته
بسم الله ماشاء الله يادكتور إجابة غلط هههههههههههههههههه
لابجدأحلام إنسان حليم بيحلم حلم فى زمن ضاع فيه الاحلام
ومن تحليل احلامك إسمعها كلمه من انسانه عسل زيي توكل على الله وأتجوز بسرعه وياريت تعزمنى على وليمه الفرح هههههههههه
بجد ربنا يحققلك أحلامك دى واللى ماكانش ليك يد فيه وماعرفتش تحققه حاول تحققه فى اولادك وبجد لو ربيتهم على ماتتمناه وذكرته فى احلامك بجد صدقنى هتحس بالامان والسعادة الحقيقيه
ونصيحه يادكتور بكونك بإذن الله راجل مقبل على الزواج خلى أسرتك هى حياتك وحاول بقدر الامكان ماتخليش أى دخيل يهدملك هذه الاسره وخليها طريقك إلى الجنة ربنا ينعم عليك وعلينا بيها أمييييييييييييين
انا طولت صح اه انا طولت معلش انى طولت ومش هطول تانى ولو طولت تانى ابقى قول مش تطولى
ربنا يحميك يادكتور وينعم عليك برضى الرحمن

Anonymous said...

انا حليت التاج فوت شوف الفرق بين الاجابات ههههههههههه نحن نختلف عن الاخرين
سومه_87

Anonymous said...

مبروك التاج للمرة التانيه....وابقى هاتوا لفه لاختك

Anonymous said...

السلام عليكم ورحمة الله ...
إن شاء الله تكون بخير يا دكتور
أحب بس اعرف حضرتك انى إلى حد ما النهاردة يعتبر خلاص براءة خلصت امتحانات
والحمد لله النهاردة رفع راسى قووى كانت كيمياء ويارب تعوض الفيزياء وأعتقد أكيد حضرتك سمعت عن المهزلة اللى حصلت
ادعيلنا بقى يا دكتور احنا عايزين نبقى دكاترة احنا كمان ..ولو انى شايفة انه حلم صعب ..لكن ان شاء الله خير
أما بالنسبة لأحلام حضرتك فبدعيلك من كل قلبى انها تتحقق طبعا مش كلها
ليس كل ما يتمناه المرء يدركه
لكن على الأقل الأمــــان

حياك الله يا دكتور

Anonymous said...

الطبيبه الاديبه

ووفقكى الله دائما فى دراستك وفى حياتك
تحياتى

Anonymous said...

الباحثة عن السعادة

لا مجال للدخلاء فى حياتى
من يعكر صفوها دائما ما يفعله الاقرب منى بسبب عدم تفهمهم المواقف
وشكرا لمرورك ولا اطالة ولا حاجة

Anonymous said...

عروسة ننوسه

الله يبارك فيكى ويافندم مش يغلى عليكى انا افتكرتك جاوبتيه قبل كدا
هالفهولك واجيبه
تحياتى

Anonymous said...

المشتاقة إلى الجنـة

طبعا عارف اللى حصل بس ان شاء الله ربنا يوفقك
وعسى ان تكرهوا شيئا ويجعل الله فيه خيرا كثيرا

وزى ما انتى قولتى كدا مش كل الاحلام بنحققها فمش معنى ان حلم ليكى يتغير تيأسى لا اعملى حلم الجديد من الحاجة الجديدة

وبعدين بتدعيلى نص دعوة ماشى
تحياتى

Anonymous said...

يها المواطنون نذيع عليكم بعد قليل خبرا هاما
مارشات عسكريه مارشات عسكريه مارشات عسكريه
كمان مارشات عسكريه
كفايه كده
ايها المواطنون جاءنا البيان الهام التالى
اذاعت كافة وكالات الأنباء الفضائيه والأرضيه وما تحت الأرض ايضا ان السيد عبده الرايق مرشح للفوز بجائزه تقدر بربع مليون يورو ....متتخدوش اوى كده لأن من شروط الجائزه ان يجيب على سؤال بمدونتنا التى تحوى هى وموقعنا كافة التفاصيل والكل مدعو للأشتراك والفوز باحدى جوائزنا الثيمه
ونرجوا ان تستمعوا الى حلقة برنامجنا الأذاعى الذى به ايضا معلومات مثيره فى هذا الموضوع يوم الأحد 29-6 حيث نكشف كافة الأسرار وراء هذا الموضوع والبرنامج يذاع التاسعه وعشر دقائق صباحا على اذاعة مصر الرئيسيه كما يمكن الأستماع اليه من داخل موقعنا على النت اسرة برنامج انت تسال والكمبيوتر يجيب
والعنواين
المدونه ثم الموقع كالتالى
http://netonradio.blogspot.com

7:52

Anonymous said...

ربنا يكرمك ويوفقك يا دكتور

Anonymous said...

ربنا يكرمك ان شاء الله وتحقق أحلامك كلها

Anonymous said...

هاى يا دكتور ازيك اجاباتك بسيطة اوى وربنا يحققلك كل احلامك

Anonymous said...

ربنا يحقق لك كل ماتتمنى وتحلم به

Anonymous said...

funckydoctor

امين وتحقق احلامك انت كمان
تحياتى

Anonymous said...

محمد حلمي مخلوف

متشكر وربنا يكرمك انت كمان

Anonymous said...

موناليزا


امين يارب العالمين ليا وليكى

Anonymous said...

PrInCeSS BeRy

هاى يا بيرى ازيك ربنا يكرم يارب