Wednesday, November 12, 2008

الدنيا خربانه

أولا باعتزر للى علقوا على البوست اللى انا رفعته لانه الحقيقة كان مش فى موضعه كلمتين بقا ساعة زعل وكدا
تقريبا يعنى عيل ورجع فى كلامه ولا ارخص احلام ولا حاجة
المهم طبعا الاعتزار التانى عن الغياب المحتوم الفترة القادمة اسفا بسبب الامتحانات مش هاقدر اعمل بوستات جديدة وكدا
الامتحانات دى اصلا حاجة بقيت خنقه ربنا يخلصنا منها هانت ان شاء الله
مع ان الواحد مش عارف اصلا يعنى يعمل ايه بالظبط ملوش مزاج اوى انه يمتحن دلوقت هههههههههههههه
المفروض انه بمزاجى يعنى وقال ايه الظروف متبهدله حواليا وناس تعبانه وهكذا
وكمان انا احس انى تعبان اروح قال احلل من عبطى مش اسكت لا روحت احلل
قال ايه يطلع قال السكر عالى
عالى ازاى هو يعنى انا كنت باكل اصلا عشان يعلى يا نهار سكره زياده
طيب وماله عشان تكمل بقا ماهى ناقصه خنقة
الحاجة اللى مضيقانى بس انه يعنى انا مش باحب اتقيد فى حاجة يقوم تحصلى حاجة تقيدنى
طيب ماشى يا انا يا هى بقا ههههههههههههههه والشاطر هيكسب اكيد
طبعا طبعا اعلنت عدم الاهتمام حاليا لان انا مشغول بالامتحانات ومش فاضى بقا لا لسكر ولا ملح الحقيقة هو يظبط نفسه انا مش فايقله دلوقت
اما بقا الحاجة الافظع هى مال الحاجات انهارده كلها فظيعه كدا ؟؟؟؟؟؟؟؟
ان انا لما كنت باتبهدل كدا فى اى حاجة باكلم حد
الحد ده مابقاش موجود طيب يعنى ايه الحوسه دى يارب اروح فين انا دلوقت
انا عرفت اروح امتحن واخلص مش انتحر محدش يروح مخه لبعيد
مش انا بتاع الحاجات دى اينعم الاحداث تدعو لذلك لو واحد مجنون وانا الحمدلله عاااااااااااااااااااقل جدا وبعدين ما انا كدا كدا ميت ميت يعنى هاروح فين يبقى اموت بكرامتى احسن هههههههههههههههههههههههه
والاعتزار الاخير لشخص انا قولت عنه كلام مهما حصل ماكنش ينفع اقوله بس من كتر اللى فيا ومن اللى هو عمله
ياريته كان موجود
يلا بقا سلام واعتزر مرة اخرى عن الفترة الجاية بس ان شاء الله هاحاول التواجد فى اقرب فرصة وهاحاول انى ادخل اعلق عند الناس اللى بحبهم
سلالالالالالالالالالالالالالالالالالالالالالالالالالام

40 comments:

شفقة هانم واحسان بك said...

الف سلامة عليك
وماتطولش الغيبة
وخد بالك من المذاكرة

Anonymous said...

الف سلامة عليك يادكتور وربنا يزيح عنك يارب اى هم
وبجد مافيش حد يستاهل تتعب عشانه او يأثر فيك للدرجة دى ويتعبك أنت أهم من أى انسان فى الدنيا وبإذن الله هتكون أحسن إنسان فى الدنيا بخلقك وطيبتك وذكائك ربنا يعينك يارب
والحد اللى كنت بتتكلم عنه هو عمره مابيزعل منك ابدا مهما قولت لانه عارف اللى فيك وعذرك
ربنا يوفقك فى مذاكرتك يارب وينعم عليك براحة البال أميييين يارب

سومه...مجنونه فى بلد عاقل said...

لا ليك حق تزعل معلش بس شوف انت تعندك استمحانات انا بقى كل اسبوع فى استمحان برضك والله
سلامتك يا احمد منغير دكتور بقى يا راجل فى انسان يرحق فى دمه بالشكل دا لحد ما سكره يرتفع كدا والله العظيم انت بتهرج ومفيش الف سلامه فى انك مهمل فى نفسك سلام بس هى

emey said...

الخنقة دى شىْ عادى جدا فى هذة الدنيا متخفش مش أنت لوحدك دة كل الناس حتى لو مش مصدقنى أمشى فى الشارع وبص فى وش الناس هتعرف أنك مش لوحدك ربنا يصبيرك ويصبرنا جميعا

موناليزا said...

عفا الله عما سلف
التمس لاخيك سبعون عذرا فان لم تجد فلوم نفسك
نصيحة اخوية:لا تقل اى شئ عند الغضب لانك ممكن تخسر حد عزيز عليك
ربنا يوفقك وينجحك ويعدى الامتحانات على خير

حاجات جوايا said...

ألف سلامة عليك
ربنا يشفيك ويوفقك وترجع بالسلامة ان شاء الله

دمت فى حفظ الله
سالى

م/ الحسيني لزومي said...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

Mushtaqa Lelganah said...

السلام عليكم ورحمة الله ....حمدا لله على سلامتك يا دكتور وبالتوفيق ان شاء الله فى الامتحانات

funckydoctor said...

ربنا معاك يا زميل
وأكيد السكر على بس من اضغط العصبى
ونفوق للموصوع بعد الإمتحانات ان شاء الله

فزلوكة said...

ألف سلامة عليك يا دكتور

وبالتوفيق إن شاء الله

نحن بالإنتظار

yoyo said...

والله وحشتنى اوى يا دكتور

تسلم ليا يارب ويسلم ليا سؤالك عليا يارب مش يحرمنى منك ابدا

الف مليون سلامة عليك ربنا يشفيك و يحفظك يارب

ربنا يعينك على مفرمة الامتحانات دى والله قلبك معاك معليش كلنا لها بقى الامتحانات للجدعان هههههههههههه ربنا يوفقك يارب مش تغيب علينا بقى ابقى طمنى عليك

تحياتى
يويو

doaa said...

أنا أول مرة أزور مدونتك وواضح انها حلوة وذات قيمة

ربنا يوفقك وفي انتظار الجديد بعد العودة سالماً إن شاء الله من الامتحانات

بالتوفيق

alshared said...

أنا جاي اسأل عليك

وبس

غيبت غيبه طويله قوي يا معلم

ترجع بالسلامه

wanna b a physician said...

شفقة هانم واحسان بك


الله يسلمكم انتوا الاتنين بقا
باذن الله هاخد بالى ربنا يسهل

تحياتى

wanna b a physician said...

غير معرف

لا طبعا فى ناس تستاهل كل شىء لو كانت هى حياتنا نفسها والسعادة اللى بنعيشها يبقى اكيد من غيرهم مفيش حياة

ومتشكر على الدعاء

تحياتى

wanna b a physician said...

سومه المجنونه

اصبرى عليا لما ترجعى حسابك هيكون عسير وكمان ايه مفيش الف سلامة دى طيب يلا ادى جزائك انك مش ملاحقة وهتقاطعى مدونتك
والى لقاء اخر ان شاء الله

wanna b a physician said...

emey

اه طبعا كل انسان فى حاجة خنقاه بتفاوت الدرجات
وربنا يصبرنا فعلا

تحياتى

wanna b a physician said...

موناليزا

ده مش غضب ولا حاجة ده زعل كتييييييييييير اوى بعد التماس الاف الاعزار مش سبعين بس

تحياتى

wanna b a physician said...

حاجات جوايا

متشكر جدا وربنا يحفظك

تحياتى

wanna b a physician said...

funckydoctor

يا باشا نفوق مش نفوق عادى خليها على الله


تحياتى

wanna b a physician said...

Mushtaqa Lelganah


حمدلله على سلامتك انتى كمان

دمتى بالخير
تحياتى

wanna b a physician said...

فزلوكة


ربنا يكرمك ودمتى بخير
ان شاء الله لن يطول الانتظار

تحياتى

wanna b a physician said...

doaa

الاولى ويارب طبعا تتكرر وفعلا تكون المدونة عجبتك

تحياتى

wanna b a physician said...

yoyo

وانتى والله يعنى وحشتينى وكلماتك الجميلة وحشتنى بس طبعا يعنى هافضل متابع


هى بقا فترة وتعدى ان شاء الله

دمتى بسعادة وخير
تحياتى

wanna b a physician said...

alshared

تسلم ويسلم سؤالك ان شاء الله لنا عودة

تحياتى

yoyo said...

كل سنة وانت طيب

عيد سعيد يارب عليك وعلى كل اسرتك

يارب تكون بالف خير و صحة

صحيح فين العيدية بتاعتى مش ليا دعوة بقى ههههههههههههه
كل عيد وانت بخير
تحياتى
يويو

Anonymous said...

ازيك يادكتور
كل سنة وانت طيب
ليه مش بتكتب مواضيع جديدة احنا إشتقنا لمواضيعك
بكل التوفيق

Anonymous said...

ومن حق فين العيديه؟؟؟؟؟؟؟؟؟؟؟؟؟؟؟ إشمعنى يويو كلنا عاوزين عيدية

نهر الحب said...

عيد سعيد
وكل عيد اضحى وانت بخير
وان شاء الله العام القادم على عرفات متجمعين
عيد سعيد يارب العالمين

حزينه said...

ربنا معاك
واحنا فى انتظارك مهما طال
بس انت خد بالك من مذكرتك

حزينه

wanna b a physician said...

yoyo

كل سنة وانتى طيبة وكل عيلتك بخير وسعادة
طبعا يافندم تاخدى عيديه هانزل بوست جديد عشان خاطر العيديه
وكمان لشخص واحشنى ومش هاعرف اديله عيديه هاكتبه عيديه ليه

تحياتى

wanna b a physician said...

نهر الحب

كل عام وانتى بالف خير
امين يارب العالمين كلنا جماعة هناك

عيد سعيد عليكى

wanna b a physician said...

غير معرف


كل سنة وانت طيب
طبعا العيدية فى الطريق اليكم

wanna b a physician said...

حزينه

ربنا يخليكى وكل سنة وانتى طيبة

يوميات فنانه مفروسه جداا said...

الووووووو
في حد هنا
الو يا بندر يا داكتووووووووور
مش موجود ولا ايه
ماعلينا
كل سنه وانت طيب
والسنه الجايه تبقي اجدع دكتور يدي حقن في مصرررررررررر
ههههههههههه
مش الحقن اللي انت فاهمها نو نو نو

وريد بقي وبنج وحركات
بس تعالي هنا
انا فرساك انا
انا
ليه يعني
كنت بعملك ايه
ده انا حلوه وطعمه ومبفرشس حد خالث
انا اتفرس بس
لكن افرس
حاشا وماشا وجاشا
وبعدي ايه تلاقي عريس ديه
ايه التشريد ده
بقولك مش عارفين نقفل بوابة البيت تحت من كترهم
اف زهقونييييييي هههههههههههههههه
كل سنه وانت بألف خير وعيد سعيد عليك يا رب
اختشك فنانه هانم مفروسه جدا

سنووايت said...

(`'·.¸ (`'·.¸*¤* ¸.·'´) ¸.·'´)
♥*** عيــــــــد سعيــــــــــــــــــد ***♥
(¸.·'´ (¸.·'´*¤* `'·.¸) `'·.¸)

wanna b a physician said...

فنانه مفروسه

اه انا هنا اهو والله هنا هنا اهو
كل سنة وانتى طيبة يا لمضة

wanna b a physician said...

سنووايت

عيد سعيد عليكى

m_h_a_alsharkawy said...

الف الف سلامة مع ان انا اول مرة اسمع بحكاية السكر دى او اعرف عنها حاجة طب والحال ايه دلوقتى ياريت تطمنا ده لو عرفت انا مين اساسا المهم ويارب تبقى بخير، بطل تفكر انت بس وانت هتبقى كويس وزى ما قلتلك قبل كده اللى فى نصيبك هتشوفه حتى لو حصل ايه

wanna b a physician said...

m_h_a_alsharkawy


الله يسلمك لا انا عارف انتى مين اساسا
بس كنت مستغرب الشرقاوى دى بس
عامة يعنى ان شاء الله خير