Monday, June 1, 2009

اليوم يومنا

اليوم يومنا سيدتى فاسمعى منى النداء
وتذكرى احلامنا وليالى حبنا فى الشتاء
قد طال البعد ولكننى اراكى فى الانحاء
عطر لا يغيب عن أرضى يملء الأرجاء
هواء استنشقه فاحيا متجدد بلا انتهاء

طرقات اسير فيها فأرى كل الذكريات
ولا أرى أى شىء غيرك فأنتِ كل الكائنات
فى وجوه الناس أراكى تطلى بالضحكات
وعلى الأشجار أراك ِ طيور فوق الورقات
وفى السماء أراك ِ سحاب يحمل قطرات

فأخبرينى كيف فى البعد أنساك ِ لحظة
وأنا اذا نسيتك غبت عن الحياة فى لحظة
كيف للإنسان أن ينسى الحب و الفرحة
كيف للإنسان أن يحيا وحيدا فى غربة
بالله اخبرينى كيف أنساك ِ يا اجمل فرحة

اليوم يومنا ولا ادرى ان كنتى تذكرينى
اليوم يومنا وأنا احيا بأنفاسك فتنفسى لى
اليوم يومنا وفى الانحاء اسمع احتفالات
والطيور اقبلت فرحه تغرد احلى النغمات
وانتى بلا حراك لما ألا تحركك الذكريات

يا أميرة النساء النساء منك تغار
والكل يطلب حبا مثل حبك ليل نهار
وأنت صاحبه الحب غائبة عن الأنظار
ألا يعنيك ِ عذابى ودموع العين أنهار
ألا يبكيك ِ غيابى ؟ أتعيشى بلا مرار


أجيبى السائل هاجرتى فالهجر أحزان
أجيبى ولا تتركى ذكريات لطى نسيان
أقبلى وأشعلى قناديل الحب لتنير الوديان
أقبلى وضمينى اليكِ فبدونك لا مكان للحنان
أجيبى وأقبلى ولا تترددى يا أجمل إنسان

اليوم يومنا وكل الأيام لا تكفى احتفال
حتى فى البعد أحتفل والحب فى اشتعال
لهيب الحب يحرقنى فلا امتعض هذا محال
حبيبتى أشتاق إليك ِ شوق الأم للأطفال
أشتاق إليك ِ شوق العصفور للطيران

بعدك امتنعت عن كل أشياء الطفولة والجنون
و تغير طعم الموز فى فمى وعصير الليمون
وأصبحت أكره اليقظة واحب النوم بجنون
فكيف أسير فى أرض لا تجمع المحبين
اليوم يومنا فلا تتناسى بالله يا أم حنون
ملحوظة : اليوم هو يوم مميز بالنسبة لى وأصبح أكثر
حيث ان اليوم كانت أول سيدة أولدها ويخرج احدهم للحياة على يدى
واحساس رائع حقا

21 comments:

واحدة مفروسة said...

مبرووووووووك
طبعا شعور جميل
و تحس بوجود الله سبحانه و تعالى
يارب تطلع تدكتور شاطر بتعرف ربنا و تتقيه فى عملك
المهم المولود ولد ولا بنت؟؟؟
مبرووووك الف مبروك

wanna b a physician said...

واحدة مفروسة

الله يبارك فيكى

والله يا حاجه نسيت اشوفه ههههههههههههه

لا كان بنت ومامتها سمتها روداينا
انا مش عارف هو بيتكتب كدا صح ولا ايه اسامى عجيبة


تحياتى

yoyo said...

صباحك سكر يا دوك

اليوم يومنا سيدتى فاسمعى منى النداء
وتذكرى احلامنا وليالى حبنا فى الشتاء

الله بقى ليه الاحراج دا افرض هى مش بتسمع ولا واقعة على ودنها يعنى ينفع كدا مش ربنا امر بالستر
ههههههههههههههههه

يا أميرة النساء النساء منك تغار
والكل يطلب حبا مثل حبك ليل نهار
وأنت صاحبه الحب غائبة عن الأنظار
ألا يعنيك ِ عذابى ودموع العين أنهار
ألا يبكيك ِ غيابى ؟ أتعيشى بلا مرار

من دونك حبك من أكون أكون ؟!
أنت من توجنى على عرش النساء لأميرة
أنت مد أخلنى مدن الهوى فأصبحت على يدك وليدة ؟!
أنت من له عشت وعاشت كل نبضة من نبضات قلبى
انت من اليه تموج الروح فأنت من بعث الروح فى أوصال قلب يحتضر


خلاص طالما طعم الموز اتغير خليها مانجة ولا حتى فراولة ولا اقولك برتقال كله تمام يعنى
هههههههههههههههه

وكمان عصير الليمون توء توء توء
يا حرام

تسلم ايدك ويسلم احساسك الرقيق

الف الف مليون مبروك اكيد طبعا احساس و شعور جميل جدا انك تكون سبب فى اخراج روح للحياة احساس جميل اوى يا دوك
ربنا يوفقك يارب
تحياتى
أختك
يويو

wanna b a physician said...

yoyo


سورى للتأخير
بس صباح التريقه يعنى بقا كدا مااااااااااااشى يا بنى ادمين هههههههههههههههههههههههههه
ماهو المشكلة ان كل حاجة طعمها اتغير
زى ما تقولى كدا الميه ملوثة

ربنا يشفى ويهدى
ايه اللى انا باقوله ده

سلام بقا

سومه...مجنونه فى بلد عاقل said...

مبروك يا احمد بالتوفيق يا اخى
والاحساس الاجمل من انك تخرج طفل للحياه هى انه يجيلك بعد عشرين سنه وتشوفه وهو بيكبر وبيتجوز وناجح فى حياته انا عارفه الفرحه دى والاحساس دا لانى كنت بشوفه فى عين بابا كل يوم وانا بكبر قصاده او بشوفه يقابل حد هو الى طلعه برا للحياه

موناليزا said...

الف مبروووك يادكتور
وكان المولود نوعه ايه؟ وسموه ايه؟

yoyo said...

صباحك سكر

ايه الغيبة دى بقى يا دوك
يارب تكون بالف خير يارب

انا فى انتظار جديدك
تحياتى
اختك
يويو

yoyo said...

ايه دا حركة جديدة اعتقال التعليقات دا والله
ههههههههههههه
ماشى ياعم المعتقل
ربنا يطمنى عليك بقى

shirry said...

الله
دي حاجة حلوة اوي
كمان احساسك قدرت توصله بطريقة جميلة جدا
بجد بدعيلك بالتوفيق في كل حاجة
في الكتابة وفي شغلك
بالتوفيق

wanna b a physician said...

سومه...المجنونه

ازيك يا سومه الله يبارك فيكى

يارب تكونى بقيتى كويسه وبخير


تحياتى

wanna b a physician said...

موناليزا

الله يبارك فيكى


بنت وسموها روداينا حاجة كدا

wanna b a physician said...

yoyo

شكرا عالسؤال يا استاذة بس هو انا كنت مطحون فى الشغل والله مش اكتر وباجى البيت عشان انام ساعتين واغير وانزل تانى



اه شوفتى معتقل التعليقات ههههههههههه
ان شاء الله هتلاقى جديد



تحياتى

wanna b a physician said...

shirry


ربنا يخليكى يارب ويكرمك

وشكر للعاء ولكى بالمثل يارب وزيادة

yoyo said...

صباحك سكر

لاشكر على واجب
انت اخ و صديق عزيز و الله
ربنا يعينك و يوفقك يارب

هههههه ماشى لما نشوف اخرة الجديد عند دا ايه
فى انتظارك دوما
تحياتى
يويو

فزلوكة said...

:)
احساس مختلف ... زى إحساس أول قال اكتبه
دايما بداية الأشيتء بتكون مميزة .. تماما كهذه القصيدة

دمت مبدعا

كلمات من نور said...

أجمل إحساس بيتهيألي أنك تشارك في ميلاد جديد

مبروك وعقبال الولادات القادمة

wanna b a physician said...

yoyo

انتظرى شوية كمان
الجديد متأخر شوية


تحياتى

wanna b a physician said...

فزلوكة

دايما فعلا بداية الاشياء مختلفه تماما

دمتى بالخير والتوفيق

wanna b a physician said...

كلمات من نور

متشكر جدا

ادام الله عليكى الخير والسعادة

تحياتى

حزينه said...

رمضان كريم
فينك

حزينه

wanna b a physician said...

حزينة

الله اكرم كل سنة وانتى طيبة
موجود بس الدنيا يعنى

ان شاء الله انهارده او بكرة بالكتير هتلاقى جديد

تحياتى