Saturday, September 5, 2009

اخبرينى

اولا كل سنة وكل الناس طيبة ولو انها متأخرة
وان كنت متأخر منذ فترة طويلة واظن ان ده سيستمر ولكن احاول الوجود ولكن ليس لدى جديد ليكتب
فلا ذهن لدى لتجميع كلام للكتابة رغم كثرة الاشياء والاحداث
ولكن بالنسبة لى كل شىء متوقف
لذلك هذة اعادة نشر لاحد المواضيع التى ربما لم يقرأها الكثير
تحياتى
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اريد ان اكون جواركِ
ولكنك تمنعينى
اريد ان احقق احلامكِ
ولكنك تخشينى
فماذا افعل بالله اخبرينى

انا المحب الذى ما فارق
الحب لحظة ايامى وسنينى
وانت ترحلى وتهجرينى
كيف بالله اخبرينى

اشعل النيران فى أصابعى
لعلكِ ترين موطنى فتأتينى
أقرع ألاف الأجراس
فهل معشوقتى تسمعينى

كيف فى البعد تعيشى
وكيف يعيش الحب
وكيف اعيش انا
ان كنتِ فارقتينى

يقولون نصفنا نقابله
مرة فى العمر وقابلتينى
فهل كان هذا حلم
اذا فلما بالله تقيظينى

اما كان هذا واقع
واخترتِ الرحيل وعذبتينى
هل تجدى فى البعد سلواكِ
اما فقط كنت تختبرينى

ان كان هذا قصدك
فانا اخلص المحبين فى الهوى
على عهد حبك باقى
حتى وان لم تحبينى

ايقظى قلبك ومشاعره
قبل فوات الاوان ونادينى
فستجدى قلب مهرول
فقابليه بحنان وعانقينى

فكم اشتقت لهذا العناق
فكم عناق من الناس لم يجدي
فان انتِ اتيتِ ستجدى
كم لهفتى لكِ وحنينى

اكتب بدمائى على الجدران
احبك بجنون وجنونى يحبك
والحب يعشق جنونى فيه
والعشق عنى اسأليه واتينى

الطيور حولى تبكى
واوراق الاشجار تسقط
حتى اصبحت لا أفرق
بين بكائهم وبكائى فكفكفينى

احملى قنديل احلامى وتعالى
فطريق الامل مظلم دونك
والنور فى غيبوبة دونك
ودونك لا اتحرك فآنيرى

صرخاتى فوق الجبال تصعد
وتعبر البحار والانهار وتركض
تناديكِ انا معك أسعد
فهل تسمعيها بالله اخبرينى


15 comments:

Asmaa mahaba said...

يا سلام يا سلام ع الناس اللى رجعت تبدع تانى دى حاله حب ولا ايه يا دك :) متخبيش على اختك حاجه

wanna b a physician said...

سومه المجنونه

ياسلام ايه بس يا بنتى وابداع ايه ده كله من الزمن العتيق اللى ولى ولن يعود

تحياتى
اخوكى المكتئب
احمد

alshared said...

أيه يا عم الحج

أيه الغيبه الطويله دي كلها

وحشتني بصراحه

وبعدين أيه موضوع الأكتئاب ده
شكله مرض ينتقل عن طريق الهواء
:)

شد حيلك وأنا معاك

عايزين نطلع من الحاله دي
:))

حروف said...

كلنا مكتئبين
وللحب ضحياةة
دمت بالف خير
اول زيارة

حزينه said...

حمد الله على السلامه
ورمضان كريم
لا تغيب تانى

حزينه

wanna b a physician said...

alshared

ربنا يخليك وتسلم

اهو بقا الدنيا بتمطوح فى الواحد بعيد عنك
والاكتئاب ليس حالة جديدة ولكنه حالة متزايدة

شكلى كدا بقيت مريض نفسى
ماتعرفش دكتور



تحياتى وكل سنة وانت طيب

wanna b a physician said...

حررروووف

ربنا يفرج عنكم الكرب

دمتى بالخير
ويارب ماتكونش اخر زياة

تحياتى

wanna b a physician said...

حزينه



الله يسلمك يا حزينة

الله اكرم

باذن الله هاحاول مش اغيب

تحياتى

Asmaa mahaba said...

كل سنه وانت طيب يا مكتئب لما تنوى الانتحار قولى عشان اجى معاك ننط من فوق مجمع التحرير
اوعدك انت تنط وانا استندل واجرى :))

wanna b a physician said...

سومه...مجنونه


وانتى طيبة يا ندله طول عمرك كدا طبعا هههههههههههههههههه

ماتنسيش تدعيلى والله شكلك هتندلى فى دى كمان


تحياتى

yoyo said...

احم احم
اتنين ميرندا كركديه معاك يا بنى
هنا و صلحه الله يكرمك
هههههههههههه

yoyo said...

مسائك سكر يا دوك
والله لك وحشة كبييييييييييييييييرةاوى
كل سنة وانت طيب ويارب تكون بالف خير يارب
عيدك سعيد
تحياتى
يويو

wanna b a physician said...

yoyo


ميرندا كركديه طيب فى وينينج ولا ايه عشان القعدة تحلو


وانتى طيبة يا يويو وانتى كمان والله ليكى واحشه

واشربى كركديه براحتك وبعدين هما مش غلوا الحاجة الساقعة انا هابطل اشربها انا د
كتور يابنتى ومرتبى مش يستحمل
ههههههههههههههههههههههههههههههه
تحياتى

طوبه فضه وطوبه دهب said...

aked gamel kl3ada wa7sask kolo raa bs leh 7alt el gmod el mlzmak wleh el 7ala de sbha 3la allah doam el7al mn al mo7al ol yarab whwa hykrmk wybadel 7alak wwa7shna klamk wzyaratk mstnenk

top-fn said...

كلمات جميله جدا بلا اكثر من ممتازه ولا اجد ما يعبر عن مدى اعجابى بها من كلمات
تسلم ايدك وننتظر جديدك