Tuesday, February 19, 2008

زى انهارده

أكيد كله هيسأل اية هو اللى زى انهارده
زى انهارده من كام سنة ساعات بانسى وساعات بافتكر ااااااااااااااااااااااااااااااااااااااه
23 سنة اتولدت فاكرين طبعا اليوم اللى امى جابتنى فيه وجدتى زغرطتلها وابويا هلل وقال جالى ولد
وعدا بقا ايااااااااااااااااااااااااااااااااااااااام كتير وكبرت كبرت اووووووووووووووووووووووى
اسمحولى ابعبر قصدى اعبر عن احساسى فى اليوم ده بيبقى اية وانهارده يا جماعة استثناء
باكتب عشان عيد ميلادى بقا وكل سنة وأنا طيب ويارب السنة دى تبقى أسعد وكفاية بقا كأبة


انهارده يوم غير كل ايامى

يوم اتعودت اعيش وياه احزانى

وافكر وارجع بالوقت ايام وليالى

والاقى جرح وحزن ودموع بتملانى

انهارده المفروض جميل وغصب عنى

باكتب كلام مليان اهات بتشكى احزانى

ليل طويل وسنين كتير مليانه

مليانه وهم وحاجات كتير ملخبطه كيانى

انهارده يوم غريب دايما يعدى

انهارده هو يوم احزانى يوم ميلادى

9 comments:

أحمد منتصر said...

كل سنة وإنت طيب يا عم الدكتور :)

wanna b a physician said...

وانت طيب يا ابو حميد

بت خيخة وأي كلام said...

كل سنة وانت طيب يا طبيييييب
وبالمناسبة الحلوة دى احب اهديلك
اغنية
يالا حالا بالا بالا حيوا ابو الفصاد
هيكون عيد ميلاده الليلة اجمل الاعياد
فلليحيا ابو الفصاد
واغنية
عيد ميلاد سعيد يا نسمة عيد ميلاد سعييييييييد
عيد ميلاد سعيد يا نسمة عيد ميلاد سعيييييييييد
فاكراها الاغنية دى بتاعة سعاد حسنى فى مسلسل هو وهى
واحب كمان اهديلك اغنية
كل سنة سنة سنة وانت طيب يا غالى
بتاعة مصطفى كامل
واحب كمان اهديلك
اغنية
عدت سنة والليلة عيد ميلاد جرحى انا
بتاعة الحزين هانى شاكر
واحب اهديلك اغنية كل عام وانتى حبيبتى
بتاعة الفظيييع كاظم الساهر
وفى النهاية احب اهديلك اغنية سوسو كف عروسة بتاعة ماما عفاف راضى
سلام
اختك خيخة

Wael said...

كل سنه ونتا طيب :)

wanna b a physician said...

خيخه

وانتى طيبه
شكرا على أرشيف الاغانى وربنا يخليكى
عقبال ما يكبر ابنك وتشوفيه حاجه حلوه بلاش دكتور

wael

وانت طيب

بنوته مصرية said...

كل سنه وانت طيب واعقبال ميت سنه

وان شاء الله السنه دي تحقق كل احلامك

كل التحية لك
رودي

wanna b a physician said...

وانتى طيبة يا رودى

Anonymous said...

كل سنة وأنت طيب يادكتور
وإنسي الجراح وكن طبيبا لجراحك وأنطلق للحياة بنفس راضية

د/اجدع بنوته said...

هابى بيرث داى متأخره