Wednesday, March 26, 2008

العِمة دى من عصر المماليك ولا المليميك





الحقيقة هو الاعلان بتاع الضرايب الاخير واللى قبله كلهم لذاذ والفنان محمد شومان دمه خفيف بس الضرايب دمها تقيييييييييييييييييييييييييييييييييييييييييييييييييل اوى على ناس كتير.

طبعا ده حق البلد ومحدش يقدر يقول عليه حاجة ,هو مش بالظبط , بس محدش يقدر لان الضرايب بتجيب فلوس من ناس معاها عشان نعمل مشاريع تخدم البلد ( اه والله تخدم البلد )
كل ما اعدى قدام محل افتكر الاعلان ده وابقى نفسى اقولهم العمة دى من عصر المماليك ولا المليميك ( حلوه المليميك دى جديدة ).



ليه بقا ؟ عشان كل ما اعدى قدام محل بتاع ملابس مثلا الاقيه كاتب السعر 50.99 طبعا 50 جنية وال 99 دى قروش هههههههههههههههههههههههههه
حلوه والله رجعنا لعصر القروش والملاليم عشان كدا باقولكم عصر المليميك.



واللى تلاقيه كاتب السعر 9.99 واللى كاتب 99.99 وهلمه جرا
والله ناس لذيذة ودمها خفيف يعنى انا لما ادخل اشترى هيدينى الباقى وقرش
هههههههههههههههههههههههههههه ولا هياكل عليا القرش
وطبعا القرش ده مش السمك لانه لو اداهونى هياكلنى لكن القرش ده هو احد العملات القديمة ايام الملك بقا وكدا ( عشان الناس الجديدة ) بتوع اليورو والجنية الدهب ( قصدى الجنية الفضة )



طبعا الناس الحلوة دى بتهرب بكدا من فئة محاسبة اعلى الى فئة محاسبة اقل
يعنى للى ملوش فى المحاسبات والضرايب وكدا
لما يقول ان السعر 50.99 قرش كدا مش دخل فى 51
ولما يقول ان السعر 9.99 كدا مش دخل فى 10
ولما يقول 99.99 يبقى مش دخل فى 100
وهكذا وهكذا .........................................



وبكدا يكون خرج بمكسب طبعا لان حضرتك لما تتحاسب على انك بتبيع القطعة دى ب 100 جنية غير لما تكون اقل من المية
ودى حاجات كلها بتحسب باختلاف السلعة ودى امور دقيقة مش هنتطرق ليها هنا
احنا طبعا بس بنتكلم عن العمة المليمية بشكل عام ومبسط
واضف عزيزى القارىء ( حلوة الجملة دى ) الى ذلك انه بيحط فى دفاتره انه استخدم الف لمبدة للانارة هذا العام واتكسر زجاج المحل وتم تجديده 10 مرات
وهكذا وهكذا ........................................



ويخرج فى الاخر ليه فلوس عندنا وعند الراجل اللى واقف بيتفرج قدام المحل ويخرج يطالبه بيها لانه مسكيييييييييييييييين وعايز يأكل ولاده اللى يا حرام بقالهم يومين نفسهم فى الباتون ساليه هههههههههههههههههههههه الحلو الساليه ده



يلا يابنى انت وهو نمشى بقا كفاية كدا مش نبص للناس فى لقمتهم لان اللى يبص فى حاجة غيره يزور


واخيرا احب التنويه ان فى ناس محترمه برضوة مش ننساهم
وسلام ختام ودقى يا مزازيك العمة دى بولتيك ومن عصر المليميك.

13 comments:

Anonymous said...

حلوة اووووى المليميك دى جديدة
وحياتك بلغ الضرايب يهجموا على محلات الملابس شغالين نهب القرشينات مننا كل شويه يكتبوا 65.99 وياخدوا 66 اه ياقلبي على القرش

سنووايت said...

الحل بسيط علي فكرة
بعد كدة لما حد يروح يشتري حاجة ب 55.99 يصر انه ما يمشيش من المحل الا لما ياخد باقي ال56

wael said...

يادكتور انت مش واخد بالك ان الضريبه 20 % يعني سرقه وش
غير يا دكتور لو بجد بيصرفوها على البلد مش مشكله بس ادفع عشان البيه والباشا يغير عربيتو ليه يعني
المهم ان في سنه كام طب عشان اعرف قدامك عذاب قد ايه؟
انا في بكالريوس على العموم ياريت نبقى اصحاب

wanna b a physician said...

غير معرف

هابلغهم ما انت عارفنى

سنوو
حاضر هنصر على القرش اتفاقنا ياستى

wael

انا عارف يا وائل موضوع ال 20 % وانا باتكلم بس على الناحية بتاعت المحلات بتعمل اية وهتلاقى جملة بين قوسين ( اه والله تخدم البلد ) فى رايك دى اية
عامة انا باكلريوس برضوة يا باشا اللى هى سادسة احسن بكالريوس عندنا خمسة وسادسة تحياتى

واحدة مفروسة said...

هوه القرش ده راح فى مكانه .. مافيش مانع .. بس تقول ايه.. حاجه تفرس

منوفيـــايــة said...

ده ضحك ع الدقون بقى
تصدق كنت مستغربه اوى من الموضوع ده ومش فاهماه
الله يخليك يادكتور نورتنا وغلبنتا اصلى المفروض انى محاسبية لكنى لا افقه شىء ف الحياة العملية ولا حتى النظرية
بس براوة عليك نزلت البوست قبل 31مارس...يارب تخش ضمن العينة:))))
ايدك ع فاتورة الدخول عندك بقى هههههه

د/اجدع بنوته said...

هههههههههههههههههه

مره دخلت محل

ففاصلت

فالسيلر قالى لا حضرتك

السعر مكتوب 120 يبقى هو 120

فقلتله ايه منزلينه ف الكتالوج 120 يعنى

قالى لا بس الضرايب بتحاسبنا ع 120

فازاى نديه للزبون ب 110

كده نخسر

الصراحه لو طايله ملايه ف الوقت ده

كنت فرشتها ف قلب المحل وقعدت عليها

انتو بتخسروااااااااااااااااااا

وشووووووووووبش لام المواطن

الضرايب مصلحتك اولا واخيرا ههههه

wanna b a physician said...

واحدة مفروسه

ماهو لو فى مكانه مش كنت اتكلمت


مستجدة

اه هو ضحك عالدقون فعلا والافظع انه يحط سعر ويبيع بسعر كمان
انا مابديش فاتورة انا بالبس العمة ههههههههههههه


اجدع بنوته

ابقى لما تفرشيها افرشيلى واحده جنبك بس انا باشبشب وشووووووبش يا اهل البلد كلها
الضرايب مصلحتك اولا واخرا

تائهة فى أرض الأحلام said...

ماهو بص الحق حلو برده

مصلحة الضرايب مفترية لأنه مش معقول ان اصحاب المحلات يدفعوا 20% ضرائب

والضرائب صعبة اوى وبيجوا على الغلبان اكتر من الغنى

ده انا كنت بقبض من مكان ما 150 جنيه لازم اخدهم 134 جنيه والباقى اتخصم ضرائب

وبرده مرة قبضت 600 جنيه اخدتهم 562 جنيه
افتراء ولا لا بذمتك

wanna b a physician said...

تائهه

اكيد افترى مش قولت حاجة بس انا كنت باتكلم على اسلوبنا فى مواجهه المشاكل اننا نغش غيرنا مش طريقه للهروب

dr_modymodak said...

ولسه اللي يعيش يامه يشوف سرقه عيني عينك

وياريت بتيجي بفايده عالشعب

طرق كل يوم حوادث مدارس ما تستحقش اللقب ده مستشفيات قصدي قبور

مانا لو بدفع وبلاقي مش هعترض

اياكش تولع بقي

mostafa rayan said...

كان في فيلم قصيرعلي احدالمدونات -ونشروهبردة علي اليوتيوب - بيتريق علي اعلانات الضرايب واحد بياخد الجرنال من بياع الجرايدو بيطالبه بالفاتورة
وكان في تعليق صوتي بيقولك
دول كلهم 95% بس
وختم بعبارة جامدة قوي
الضرايب مصلحتك عند ام التيتي
شوفت بقي ام التيتي بتعمل ايه

Dr.Mohammed Gohary said...

واللى تلاقيه كاتب السعر 9.99 واللى كاتب 99.99 وهلمه جرا

بيتهيألي تقصدي هلم جرا؟؟
هههههههههههههه
هلمه دي يعني زيطه وزحمه هههههههه



واخيرا احب التنويه ان فى ناس محترمه برضوة مش ننساهم

ربنا يخليكي
ههههههههههههههههههههههههه



موضوع تحفه