Sunday, December 21, 2008

مغادرة

عندما تعطيك الدنيا ظهرها فليس امامك سوى اختيارين احدهما ان ترفسها معبرا عن غضبك فتسقطها ارضا ولكن

حين تستفيق هى ستكون المواجهة شرسه وغير محسوبه العواقب فلربما تقسوا عليك اكثر وتجرحك وتحزنك اكثر

مما كنت ستكون لو كنت اخترت الاختيار الاخر

وهو ان تستدير وتعطيها انت ايضا ظهرك وتعيش فيما انت فيه من حزن والم وتتأقلم عليه

فكثره الاحزان والضغوط لا تترك مجال للفرح ان يأتى من أى باب
وخاصة عندما تكون انت احد اكثر الناس شعورا بالحزن والوحده في من حولك

وانا من النوع الثانى الذى يختار ان يستدير ويعطى للحياة ظهره فقد قررت ذلك

وبناءَ الى ما سبق من احداث مكأبة وصواعق محزنة ولا مبالاة غير عاديه من المحيطين وأشياء كثيرة

قررت انا اغلاق المدونة كجزء من اعطاء الدنيا ظهرى

والسلام عليكم ورحمة الله وبركاته

28 comments:

Anonymous said...

ليه كده بس لو كل موقف فى الدنيا هيخلينا نديها ضهرنا يبقى عمرها ماهتشوف وشنا ابدا فعلا فى مواقف متعبه اوى وبتكسر اوى لكن الوقت كفيل انه يداوى كل شىء وربنا يكرمك وتخرج من اللى انت فيه على خير

Anonymous said...

سبحان الله .. هوة انا آجى ألاقى الإستقبال ده :( الباب بيترزع فى وشى طاخ طاخ :(
ربنا يسامحك يا دكتور .. عامة أنا هرجع أخبط تانى يمكن حضرتك تكون غيرت رأيك وقررت تكمل تدوينك :)

كلام جد : حضرتك اسأل نفسك كنت بتدون ليه واستفدت ايه وهل التدوين كان ليه نواحى ايجابية طب ومقارنة بالسلبية .. فى النهاية لا تستسلم هو فتور لا أكثر وربنا يقدرلك الخير ويرضيك بيه إن شاء الله

Anonymous said...

السلام عليكم ورحمة الله وبركاته
لا يادكتور مش انت اللى تخلى الدنيا تهزمك وايه يعنى أحزان وضغوط وعدم مبالاة من اللى حواليك والله كلهم مايستهلوا انك تكون جنبهم او تهتم بيهم لانهم بجد بلا شعور . وبالله عليك اوعى تقفل المدونة لاننا بجد بنفرح مع كل بوست جديد وبنطمن عليك منه واسمحلى انا هبلغ الكل عشان يأثر عليك وماتقفلش المدونة

Anonymous said...

الحزن

هذا الأحساس الغريب الأطوار

عزيزي

كلنا لدينا أحزاننا

كلنا لدينا همومنا

وكلنا تأثرنا بها

ولكن

لم نهرب

يجب أن تترك الحياه

يجب أن تترك هذه المدونه شرفه نطل منها عليك
كأصدقاء أو كما تفضل أنت

ولكن لا تغلق النافذه

لا يستطيع الشخص منا كسب صديق ولا معرفة رجل الا نادرا

فلا ترحل


دمت بكل الود
أخوك

Anonymous said...

لا بجد خليك
مش اى حاجه تحصل تتعبنا
نمشى ونسيب الدنيا
بجد خليك
معانا ممكن تلاقى حل لاى حاجه

حزينه

Anonymous said...

لا الافضل تقول بقى اهرب صح هى دى الشجاعه مش تقول اديها ضهرى عموما انا زعلانه

Anonymous said...

وهو ده الحل؟؟؟
وليه ماتعتبرش المدونة هى اللى ممكن تخرجك من الحالة دى
على فكرة مفيش مشكلة ملهاش حل حتى لو مش واضح بالنسبة لك دلؤتى بس تأكد انه موجود
وبعدين انت كده بتهرب من المواجهة وده فى حد ذاته مش حل
انت اقوى من كده ماتخليش حاجة تهزمك مهما كانت
واجه ودافع لاخر نفس
ربنا يهيئلك كل خير

Anonymous said...

أخى العزيز

مش ينفع أننا نهرب بالشكل دا من فينا مش عنده أحزان ومشاكل لا حصر لها
مش تخلى الاحزان تسيطر عليك بالشكل دا
فترة وان شاء الله هنعدى
أنت هنا معنا نشاركك و نتحاور معاك هى مدونتك دى مش جزء منك ازاى عاوز تتخلى عن حتة منك ؟؟ ينفع لا طبعا

حاول تتغلب على صوت الضعف اللى جواك وانا عارفة ومتاكدة انك هتقدر لانك اقوى من كدا بكتير

وبعدين انا وكل اصحابك المدونبن لنا حق عليك حق انك تكون بينا ومعنا فى بيتك و بين اخواتك واصحابك

بالله عليك ارجع عن قرارك دا فكر بس وادينى لنفسك راحة

انا منتظرة عودتك مرة تانية ان شاء الله هى بس فترة وهتعدى عشان الامتحانات والاجواء بتاعتها دى وان شاء الله خير وربنا يحل كل المشاكل

تحياتى
أخـتك
يويو

Anonymous said...

ايوة ايوة سمعت موضوع نديها ظهرنا بس يادكتور ده اختيار سوري الناس الضعاف وبصراحه من كتاباتك معرفناكش ضعيف يادكتور

فبجد لازم تحسبها صح ومعتقدش غلق المدونة ده حل بالعكس انته كده بتسد طريق كان مفتوح يعني بتكئب نفسك اكتر

تحياتي

Anonymous said...

ايه ده بقي ان شاء الله

مدونة ايه اللي تتقفل يا عم احمد
اسمحلي اقولك احمد بقي من غير دكتور المره ديه
مهو علاقة الصداقه الجميله والاخوه اللي حصلت ديه يعني مش هسيبها تروح كده
وبعدين تعالي هنا
دنيا ايه اللي اديتك ضهرها
مهما حصلك يعني دور علي واحد كده اقل منك في اي حاجه واحمد ربنا
ادي لنفسك اجازه
انما تقفل المدونه
ليه ايه اللي حصل لده كله مهما كان ولا حاجه
حتي علي الاقل سيب حاجه تهون بيها علي نفسك
وبعد التعليقات اللي قريتها ديه
مش من حئك بقي
وبعدين مين هيفرسك يعني
والاقي مين افرسه
ومين هيقولي يا فرساني ومين هيسأل عليا اما اغيب كتير
لا لا والله بجد يبقي حرام عليك

Anonymous said...

سلام عليكم ورحمة الله وبركاتة يا دكتور انا اول مرة اعلق بس انايمكن بتابع المدونة من زمان اسمحلى انى اقلك انك تدى الدنيا ظهرك وتقرر انك تقفل المدونة مش حل (اسفة انا بعتبرها سلبية ..)وهى الدنا كانت صفيت ليمن عشان تصفلنا احنا ؟؟ الشخص الذى يختار ان يستدير ويعطى للحياة ظهره لا يستحق من الحياة الا نفس المعاملة ....
اخر حاجة حضرتك اذا كنت زعلان من عدم مبلاة الاخرين وبناء على ذلك قررت تقفل المدونة.... بس فى ناس يمكن انت مش عارفهم ولا تتوقع منهم الاهتمام هما الناس الى فعلا مهتمة و حقيقى كلامك بيأثر
ياريت حضرتك تراجع نيتك فى انشاءالمدونة ....... واخيرا بردة

ان الشخص الذى يختار ان يستدير ويعطى للحياة ظهره لا يستحق الا نفس المعاملة .... اسئل لله ان يجعل لك من كل ضيق مخرجا
واجعل لسان حالك دئما
يارب ان كنت قد اخذت فقد اعطيت ...و ان كنت قد ابتليت فقد عافيت

اسفة انى طولت ...

Anonymous said...

يعني غيب شوية في الامتحانات ارجع الاقي المدونة بتتقفل
لييييييييييييييييييييه
غلق المدونة مش هيفيد باي شيء كان الافضل تتخذ منها مخرج من كل حزن ومساحة للتعبير عن كل ما بداخلك صدقني دا هيخفف كتير
اتمني تعيد النظر

Anonymous said...

لقد غبت فترة من الوقت ولكنها كانت لظروف خارجة عن ارادتى وهى مرضى وعطل الجهاز واخيرا الامتحانات ولكن لا اعتقد اننى غبت كثيرا لهذا الحد الذى اعود فيه فاجد انك تريد اغلاق المدونة انا لست قارئة قديمة ولكنى مبتدئة ولكنى لن اذكر مدى سعادتى عند الا طلاع عليها واعتبرتها احد مصادر الثقافة الغائبة عنى ماذاجنت المدونة من ذنب كى تقضى عليها وتقضى على مريديها اغلق المدونة ولكن دعنى اقل لك انك انهزامى وذلك لانك تركت المشكلات والامور الصعبة هى التى تؤئر عليك بدلا من ان تؤثر عليها انت ( اعلم انه ليس هناك شىء يساوى غضبك او حزنك الذى اتخيلك به الان)دعنى اقل لك اننى على الرغم من ان امتحانى غدا لكننى دخلت للاطمئنان على احوال المدونة وقراءة اخر الموضوعات وذلك اعتقد انه يلخص قيمتكما عندنا 0000000000000ارجو اعادة التفكيروالا تغير نظرتنا التى اعتدناها بك

Anonymous said...

طوبة ذهب وطوبة فضة


طبعا معلش بقا الزيارة بتاعتك جت فى وقت غريب بس الحمدلله ومتشكر
بس هو مش موضوع تنسى او كدا موضوع الواحد مابقاش مستحمل
يلا ربنا يصبرنا
بس حلو موضوع مش هنشوف وشنا تانى ده

Anonymous said...

خديجة عبد الله


محدش يافندم يقدر يرزع الباب وباذن الله تخبطى تانى ونفتح ونقول مين الاول

تحياتى

Anonymous said...

غير معرف

ممكن اكون اه مش من النوع اللى باتهزم
بس يعنى عالاقل المفروض الواحد يلاقى مراعاه من الناس زى ما بيراعيهم
يعنى مثلا بتقولى بتتبسطوا بالمدونة طيب تفتكرى مش من حقى اتبسط انا كمان
عامة حلو موضوع الثورة اللى عملتيه ده

Anonymous said...

alshared


تسلم ليا وربنا يخليك طبعا اكيد كل الناس بتعنى ليا الكثير
ادام الله الود بيننا

اخوك
تحياتى

Anonymous said...

حزينه

سبحان الله يابنتى شوفتى انتى بتقولى كل حاجة ليها حل وكل ما اجى عندك الاقى الدنيا ضلمة شوفتى

فكيها بقا

تحياتى

Anonymous said...

Appy


ههههههههههههههه حلو موضوع الهروب ده زى الافلام كدا والمطاردات يعنى طيب ده يبقى جدعنه ههههه

طبعا مش اقدر على زعلك بس الموضوع كبير ومش عارف اشرحلك

بس اهم حاجة اوعى تزعلى

تحياتى

Anonymous said...

موناليزا

الحقيقة ان المشكلة مش ليها حل ولا حاجة

وكمان المواجهه غير متاحه ولا اى شىء متاح مش ضعف او انهزام

ومتشكر على الاهتمام

تحياتى

Anonymous said...

yoyo


متشكر ليكى يا اختى الغالية والله ربنا يعلم
بس الموضوع مش مرتبط باجواء امتحانات ولا حاجة
على كل حال ربنا يكتب اللى فيه الخير

تحياتى

Anonymous said...

WhItE HeArT

ههههههههه هو الموضوع ده وصل عندكم ماهو يا حج مالى الدنيا

احيانا يكون الهرب سمه الاقوياء لتجنب الهزيمة

تحياتى

Anonymous said...

فنانه مفروسه


اللى فرسانى
هو انتى مش بتظهرى غير فى الحاجات دى ولا ايه
على كدا كل يوم اعلن اغلاق المدونة عشان تيجى تعلقى

وبعدي نمش محتاجه يعنى تقولى اسمحلى والكلام الكبير ده

ربنا يديم المودة
اخوكى الكبير اللى بتفرسيه( حلوه الكبير دى )
احمد

Anonymous said...

mennatallah

مفيش داعى للاسف
ومتشكر طبعا على الاهتمام
ومحدش قال الدنيا بتصفى لحد دايما وده شىء اساسى انت تكون الدنيا غير كامله
لان الكمال لله وسيكون فى الاخرة ايضا الكمال بلا هم او تعب
فنسال الله الجنة لنا جميعا

تحياتى

Anonymous said...

سنووايت

ربنا يخلص الامتحانات على خير هانت يا سنوو قربنا

ان شاء الله ربنا يسهل يعنى فى موضوع المدونة ده

تحياتى

Anonymous said...

m_h_a_alsharkawy

الف سلامة طبعا عليكى بس انا مش اعرف والله وايه الجهاز عطل كمان امتى ده الظاهر انى انا كمان غايب بقالى كتير
وربنا يوفقك فى الامتحانات
بس بلاش والنبى الكلام الكبير اوى ده لاتغر فى نفسى وساعتها مش هيبقى حلو هههههههههههههه
وبعدين ايه اللغة العربية مأثر ةحتى هنا طيب بلاش بقا الالفاظ بتاعت انهزامى وكدا (الا هى دى شتيمة ؟ ) ههههههههه


سلام

Anonymous said...

بقولك ايه انت عارف ان الكومنتات عندى عليها مودريشن لو عاوز تشركنى فى مشكلتك عادى قولها ليه وفهمنى وجه نظرك ونحلها انما منبعدش فهمت او عندك ميلى فى بيكيا وبعدين مش انا اختكم الكبيره يبقى لازم اعرف

Anonymous said...

---------------------------------------------------------------------------------------------------------